هاد جزء صغير من المشكله يا ريت لو بقدر اشرح كل شي عمرك شفت ام تدعي على بنتها بشكل يومي بس لانها ما صحت بدري عمرك شفت ام دايما تضرب بنتها على اتفه سبب انا على مجرد ما خلصت الجامعه اشتغلت بس عشان اكون بعيده عنها 💔
وصلت الفكرة ما في داعي تشرحي اكثر ومثل ما حكيتلك ضلك ثابتة على موقفك والتزامك وضلك دايما ادعيلها انه يحنن قلبها عليكي وما تستني منها رد الجميل وكلي امرك لله وهو بصير بكل شي والدعوة لما تكون ظلم ربنا ما رح يستجيب وبالنسبة للشغل عملتي عين العقل ربي يفرح قلبك ويعوضك كل خير 🌸🌷
يا جماعه الخير اقسم بالله انو انا مو عاقه بس تعبت امي تفرق بيني وبين خواني الشباب دايما تدعي علي على اتفه الاسباب وتهيني وخواني رغم انهم سيئين معها الا انها حنونه معهم عملت انجازات كثير بحياتي وعمري ما حكيت مع شباب وكنت ملتزمه كل هاد بس عشان اكون بعينها مميزه بس على الفاضي ليش الام بتفرق بين ولادها
اولا خليكي عارفة ومتأكدة انه ما في ام بتفرق بين اولادها بالعكس ممكن وبشكل كبير انو الام دايما بتميز البنات على الشباب وهالشي طبيعي بالفطرة وحاولي تغيري نظرتك عن امك انها بتميزهم عنك ... وحاولي قد ما تقدري تثبتي على التزامك ارضاء لله قبل امك ودايما ضلك ادعي ربنا انو يحنن قلبها عليكي ويخليلك اياها ولو فرضاً انها بتميز بينكم خليكي على موقفك واجرك على الله وربنا ما رح ينسى المعروف الي بتعمليه الله يخليلك اياها ويحنن قلبها عليكي ويثبتك على التزامك ويزيدك من نوره 🌸🌷
اكتر شغلة بتمناها و بطلبهاا من ربنا، ان الواحد ما يمشي العمر فيه وهو لسا تايه مش عارف وين المكان المناسب اللي المفروض يكون فيه ومين يكون معاه .واتمنى إن ما يجي يوم من الأيام أندم فيه لما أحس إني المفروض ما اكون هون ولا مع ناس مش شبهي لمجرد ان الظروف بتحكم على البني آدم شغلات كتير ما بكون حاببها .اللهم اختر لنا الخير و ارزقنا الرضا به ♥️
﷽ "﴿ إِن الله وملائكته يصلون على النبي، يا أيها الذين آمنوا صلوا عليه وسلموا تسليما ).
من مغرب يوم الخميس الى مغرب يوم الجمعة كل ثانية فيها خزائن من الحسنات🌿
فأكثروا من الصلاة على النبي فان "من لزم الصلاة على النبيّ كُفي همّه و غُفر ذنبه ،
اللهم صلِ وسلم على نبينا محمد .