@Dr0psychological

دكتور نفسى

Ask @Dr0psychological

Sort by:

LatestTop

Previous

طيب والي مش عايز ينسى اصلا وانا عارفه انه بيحب واحدة تانية وميعرفش اني بحبه اساسا ?

ف الحالة دى لازم تنسى .. حطى نفسك مكان اللى بيحبها كدا وفكرى شوية ! ترضى حد ياخد مكان اللى بتحبيه منك ؟ .. لا صح !!
طيب يبقى اللى مش هترضيه على نفسك مش ترضيه على حد .. ده غير ان من ترك شيئا لله عوضه الله خيرًا منه .. انسيه ولو ليكى نصيب معاه حتى من غير ما يعرف انك بتحبيه هتاخديه والله .. سيبى امرك لربنا وربنا لو مرزقكيش بيه . ان شاء الله يرزقك باللى يحبك وتحبيه ف الحلال بإذن الله ?✌

انا في ثانويه عامه وعلمي بس مش قادره اني احفظ ولا اجمع المعلومات خاالص فعلاا اعمل اييه

لو الحكاية دى بدأت معاكى ف الأيام دى يبقى ده توتر مش أكتر بسبب الضغط وعليكى انك تهتمى بحل الامتحانات علشان تزودى ثقتك فى نفسك .. لو الحوار ده معاكى من زمان حاولى تهيأى نفسك للمذاكرة .. ترتبى اوضتك ..مكتبك المهم تساعدى نفسك انك تبقى فى جو هادى وحاولى تذاكرى بالورقة والقلم وكل ما تخلصى جزء تحلى عليه .. الحاجات الصعبة ممكن تسجليها بصوتك وتسمعيها فى اى وقت وانتى بتاكلى .. او اى وقت وهتثبت معاكى .. شدى حيلك ربنا يوفقك ?✌

Related users

انا كنت بحب وحدا موووت ولم قررت اني مشفهاش بقالي ٥ سنه من ايام الاعدادي وكنت كل يوم احلم بيها و اشوفها في الحلم و الخيال ولم قررت اشوفها مع العلم قلتلها اني بحبها وهيا قالت مفكرتش فيه زي كدا اول ما شفتها انزهلت وقرفت منها شكلها بق وحش قوي وبقت طخينه و قرفت ومعتش في حاجه اعملها والملل مسكني???

طيب هو انت كدا مش بتحبها .. اللى بيحب حد بيحبه بكل تفاصيله مهما اتغيرت .. نفترض انك اتجوزت ملكة جمال وعملت حادثة شكلها اتغير تماما هتسيبها ؟ .. لو بتحبها علشان جمالها هتسيبها انما لو بتحب روحها وطريقة كلامها وتفكيرها وحاجات تانية كتير من ضمنهم الشكل هيبقى سهل بالنسبالك تتنازل عنه. انما انا شايف انك كدا انت مش بتحبها.

يمكن انت تجاهلت مش نسيت .. * ولنفترض انك نسيت * الي انت قولته مينطبقش ع ناس كتير جدا .. انت. بتحاول تصعبلهم الموضوع كدا بكلام هما هيبقا شايفينه ازاي ده هينسيني .. !

هو يمكن انا وصّلت وجهة نظرى غلط او حضرتك فهمتنى غلط .. مش قصدى تشيل انسان من ذاكرتك تماما لأن ده مستحيل ، انا قصدى انك ازاى تبطل تفكير وانشغال فيه طول الوقت وازاى تبعد تأثيره عن حياتك ومودك ويومك وهكذا.

لا خالص محصلش اى حاجه

بصراحة معتقدش ان الواحد ممكن يتغير تجاه انسان بيحبه بدون سبب ..او ممكن يكون فيه سبب بس مش قادرة تحديه .. او مشاعرك مضطربة تجاهه .. عامة حاولى تتعاملى معاه زى ما كنتى بتتعاملى ف الأولعلشان انتى كدا بتظلميه بدون سبب ✌

انا عندى مشكلة انى بعيط من اقل موقف يحصل معايا وممكن اقعد بالساعات اعيط ومبسكتش

الحكاية دى من صغرك ولا حصلت حاجة واتغيرتى وبقيتى تعيطى من أقل موقف ؟

هو لما يبقى فى حد فى حياتى بحبه جدا وبثق فيه اكتر من نفسى وفجاه احس من ناحيته بأحساس وحش ومش عايزه اكلمه وكل كلامى معاه خناقات وبقول فى نفسى انا ليه بثق فيه الثقة العمياء دى مع ان مفيش موقف واحد يخلينى اثق فيه كده مع العلم ان مفيش اى سبب للى حصل ده

احساسك اتغير من ناحيته أكيد فيه سبب كدا .. حصل موقف منه او عرفتى عنه حاجة ضايقتك ؟

انا كنت متعودة على وجود شخص ف حياتى وفجأة بعدنا عن بعض ومش عارفة انساه ابدا وحاولت كتير انساه ومعرفتش والايام دى انا بجد بموت كل يوم

https://ask.fm/Dr0psychological/answer/136250244121
اتمنى تستفيدى من الكلام .

-

Dr0psychological’s Profile Photoدكتور نفسى
علشان تنسى حد كان ف حياتك وخرج سواء اتعودت عليه او كنت بتحبه لازم ..
- تمسح كل ذكرياتك معاه بمعنى انك تمسح صوَرُه والشات بتاعكوا وأى حاجة ممكن تفكرك بيه يعنى مش تبقى بتشوف صورته كل يوم وتقول انا مش بنساه ليه .. طبيعى طول ما الحاجة قدام العين هتشغل العقل يبقى عمرك ما هتنساه .
- ابعد عن كل وسائل السوشيال الخاصة بيه يعنى متحاولش تعرف عنه حاجة.
- انت عارف كويس ان تأثير الإنسان ده كان سلبى عليك ودمّر في حياتك أكتر ما جمّل وطول ما انت حاطه فى دماغك هيأثر على علاقاتك باللى حواليك وممكن تخسر ناس بتحبهم (اهلك .. صحابك)بسبب عصبيتك يعنى هتبقى خسرت أغلب اللى حواليك بسبب شخص واحد . فى حين انك ممكن تنساه وتحافظ على علاقتك باللى حواليك .
طب تعالى بُص بقى ربنا بيقولك ايه
- (وعسى ان تحبوا شيئا وهو شر لكم) يعنى ممكن وجوده فى حياتك كان هيبقى فيه ضرر ليك او شر فَ ربنا بعدُه عنك . محدش عارف كان ممكن يحصل ايه لو كمل معاك !
- (واصبر لحكم ربك فإنك بأعيننا) . الصبر .. مهما كان الابتلاء ومهما كانت قسوة التجربة اللى مريت بيها لازم تتعلم الصبر . ده ربنا بيقولك فإنك بأعيننا , ربنا حافظك جوة عينه سبحانه وتعالى . ومهما الناس بعدت عنك هو جنبك ومعاك
- بدل ما تفضل سنينك كلها وعمرك يضيع فى العياط والحزن .. اشتغل على نفسك وعلى شخصيتك.. شوف عيوبك . شوف ايه الحاجات اللى محتاجة تتغير فيك وحاول تغيرها.
- طلّع الأفكار السلبية من دماغك اللى هو مش هقدر انسى .. متحبسش نفسك جوة الدايرة دى وتوهم نفسك ان ده الشخص الوحيد من ال6 مليار اللى كان هيسعدك وغيابه يعنى موتك.
- قرب من ربنا هيغنيك عن كل الناس واهتم بصلاتك وادعى كتير ان ربنا يرزقك نسيانه.
- حاول تشغل وقتك .. طول ما انت قاعد مع نفسك وبتفكر فى كل اللى كان بينكوا هيبقى صعب شوية تنسى ،، اشغل عقلك بحاجة بتحبها او اى حاجة مفيدة زى القراية او الرياضة
- حاول تساهم فى أعمال او جمعيات خيرية كون انك ترسم الابتسامة على وش حد ده هيساعدك كتير انك تفرح وتخرج من حالتك.

View more

سمعت حد جاب سيرتي من شويه .؟ ازيك يا هااوي بجد شكرا علي مشاركتك ارائي حتي ف غيابي والله شفتها بالصدفه كده بعتذر اني مش بدخل كتير بس دعواتك بقا احنا ف زنقه امتحانات وكل سنه وانت طيب هههههههه psyco:-yasmin

الحمدلله تمام .. واتمنى تكونى بخير انتى كمان .. بنستفيد من خبراتك دايما ? ، شدى حيلك وركزى .. وربنا يوفقك بإذن الله ، هدعيلك أكيد ?

*مع اننا بنحب بعض من 6 سنين وبنتكلم من سنتين... انا قفلت مع التاني الي بيحبني وقولتله اني اتخطبت وقولتله مش هنتكلم تاني ولا حتي اخوات بس انا قفلت معاه عشان الي بحبه والي بحبه ده اصلا بيكلم بنات غيري انا دلوقت مش عارفه انا بحب مين والتاني ده وحشني اوي ونفسي اكلمه تاني بس مش عارفه انا كده صح ولا غلط

بتحسى بايه تجاه الشخص التانى ده ؟ حاسة انك بتحبيه ؟

بص حضرتك .✌✌.... انا كنت الاول شخصيه كويسه وبحب الناس كلها وبثق فيهم دلوقتي بقيت بقول كلمات مش كويسه ثانيا بقيت مش بحب حد ومش بثق ف حد وكمان بقيت بتخانق كتير مع اهلي عاوزة اعدل من نفسي بس مش عارفه و حالتي بتسوء اكتر ممكن الحل لو حضرتك عارف .... ✋✋

ايه سبب التغيير ده .. ايه اللى حصل ؟

لا بضحك ف كل المواقف حتي وانا زعلانه مبعرفش اسيطر علي نفسي وبقيت بضحك واناوبعيط بس بخاف من كدا دا طبيعي

هى دى مش مشكلة ده بسبب ان هرمون الضحك عندك زيادة شوية ولو حصلت صدمة جامدة شوية فى حياتك هترجعى عادى زى ما استاذة ياسمسن قالت قبل كدا .. والله أعلم ?✌

معنديش ثقه من الاساس ،، مفيش موقف حصلي كفيل اني افقد الثقه بالشكل ده وفي نفس الوقت حاسه بالذنب تجاه ناس استحملوني كتير اووي وانا طريقتي معاهم وحشه

هو انتى مجربتيش تثقى فى حد علشان تخافى من الناس او تخافى تتعاملى معاهم .. لازم تاخدى خطوة وتجربى تثقى فى الناس اللى شايفة انهم يستحقوا الثقة والناس اللى بيحبوكى.. فيها ايه لو غلطتى ! المهم انك تتعلمى من غلطك وتستغليه انه يطور منك ومن افكارك و فى علاقاتك بعد كدا .. وقربى من أهلك . يمكن هم مشغولين عنك بسبب ضغوطات الحياة وكدا. ، قربى انتى منهم وحسسيهم انك محتاجة ليهم . هتلاقيهم بيدوكى اهتمام كبير .. وده أعتقد هيغير منك بدرجة كبيرة ومن ثقتك فى نفسك.

وبتحقد عليهم وبعد كدا يرجعولي ويقولو كل كلامك صح دايما محسسني وني امهم يعملو الغلط ويجوا يعيطو في حضنها دايما يجو يحكولي ع اسرارهم معني ورحمة تيتيا مبقول لحد بس فيهم طبع وسخ يروحوا يقولو لكذا واحدة واحدة منهم تقول ويجوا يتشكلو معايا مش عارفة ليه بقيت بحاول ابعد عنهم مش بكرهم بس بشوف هيعملو ايه

-لما انتى بتكرهى نفسك .الناس هتحبك ازاى ؟ شوفى العيوب اللى الناس مش بتحبها فيكى او العيوب اللى نفسك تغيريها واشتغلى على نفسك وحاولى تتخلصى منها وحبى نفسك علشان الناس تحبك .
- كون ان صحابك بيحكولك عن كل تفاصيل حياتهم ده معناه انهم بيثقوا فيكى ثقة كبيرة كبيرة والثقة معناها الحب يعنى هم بيحبوكى مش بيكرهوكى زى ما انتى فاهمة كدا .. حاولى تكونى قد الثقة دى وتساعديهم على قد ما تقدرى
لأن ده دورك ودور الصاحب بيبقى كدا مش حاجة انتى بتعمليها زيادة يعنى .
- اخواتك مسؤولين منك خصوصا لو كانوا أصغر منك يعنى لما والدتك تحكيلك عنهم او تطلب منك مساعدتهم المفروض تعملى ده لأنك الكبيرة والعاقلة وهتعرفى تبعديهم عن الغلط وتخليهم يختاروا قرارات سليمة .. لو قدرتى توجهيهم للصح وهم صغيرين .. لما يكبروا هم اللى هيسندوكى فى اوقات ضعفك .. نفس الكلام مع اختك الصغيرة الفترة الجاية دى هتبقى تكوين شخصيتها لو زرعتى فيها كره هيفضل فيها فَ حاولى تحبيها وتعلميها الصح علشان تفضل تحبك طول عمرها
- بالنسبة لوالدتك لازم تحبيها وتعامليها كويس وتخافى على صحتها .. الأم لما بتموت الملايكة بتقول فيما معناه .. ماتت التى كنا نكرمك لأجلها.
يمكن مش حاسة بقيمتها او بحبها دلوقتى .حاولى تدركى ده قبل فوات الآوان واسعى دايما انك ترضيها .. ربنا هيكرمك فى الدنيا وفى الآخرة ، الجنة تحت أقدام الأمهات
- والدك حاولى تقربى منه وتعامليه كويس وتطمنى عليه دايما بالكلام الحلو والاهتمام هتكسبيه وهتلاقى معاملته اتغيرت معاكى خالص يمكن هو مشغول او مضغوط بسبب الحياة ومشاكلها حاولى تلتمسيله العذر وتقربى منه انتى وتكسبى رضاه.

View more

Next

Language: English