انا من سنتين غيرت لبسى و بحمد الله معنتش بلبس بناطيل ,اى نعم مش معتدل بصورة كاملة لكن بحاول و الله و بقى كله فساتين و جيبات المشكلة فـ ماما كل مآ تشوفنى تقولى البناطيل عليكى احلى ومآمة صآحبتى و ناس كتير و انا عارفة فعلا انها عليا احلى بس انا بدور على اللى يرضى ربنا بس انا زهقت اوى و خآيفة آضعف ف يوم
اه على فكره شكلك احسن في البناطيل ?? واللبس الضيق بيكون شيك جدا جدا ?? وشكلك بالميكب تحفه وشكلك بشعرك أجمل ?? بس زي ما قلتلي انك بتدوري على رضا ربنا?? انا هسيب دا كله علشانك يارب علشان ترضى عني وتذكري دايما ''من تقرب مني شبرا تقربت إليه ذراعا ومن تقرب مني ذراعا تقربت له باعا ومن أتاني يمشي أتيته مهرولا "" شوفتي بقى الحديث دا كافي جدا انك تقربي من ربنا اكتر وبلاش تهتمي بالأراء المحبطه اكيد طبعا مش هتلاقي الأغلب هيشجعك لأننا حاليا في مجتمع الصح غلط والغلط صح ربنا يثبتك يا غاليه ويحفظك بحفظه ????
#رجعوا_للنقاب_هيبته?✌ الكوتش البينك والالوان مش هيخليكي منقبه جنان والحنه اللي ع الايد والكحله وحواجبك مش بيبينلنا اد ايه انتي ساحره من تحت النقاب? الالوان الكتير ف النقاب ???? البينك والموف والفوشيا نووو اوعي تصدقي اللي يقولك اديني دليل اني لو لبست نقاب بمبي ولا فوشيا يبقى حرام لان هو ملفت والملفت في حد ذاته لايجوز ? اوعي تصدقي اللي يقولك انا بحبب الناس في النقاب لأن اللي عايز يعمل الغلط هيخترع الف حجة وحجة واصلا النية الصالحه لا تصلح العمل الفاسد ? واصلا لما يقلدوكي ف الغلط فدى ذنوب مش حسنات الامه ... اما هتعلى بيكي ...اوهتتفتن باللي بتعمليه في شعائرها ✊ والنقاب من شعائر الاسلام ومن يعظم شعائر الله فانها من تقوى القلوب? على حساب احترامك لنقابك على حسب مقدار التقوى في قلبك وبطلي لينسز لانها مستفزه وانتي منتقبه كمان حاجه حبيبتي انك تبقي منتقبه معناه انك ففرحك منتقبه مش تحطيلي بتاعه على مناخيرك وبقك وحطالي فول ميكب لعنيكي وعامله حنا لحواجبك ومنزله صورك ع الفيس او في وسائل التوصل الاجتماعي بالنقاب الوسطي الجميل ? او مش مبينه حواجبك بس راسمه عنيكي هترسمي عنيكي يبقى غطيها ? اما مترسميهاش وتفتني المنتقبات بعديكي لما ييجو يتجوزو يقولو الله عاوزين نبقى زي دي فرحك مش يوم فري ليكي تبتدعي ف النقاب فيه اه ومش معناه تلبسي فستان على بادي على طرحه صغيرة فيه بنات مش منتقبه وبيطولو الطرح عنك في افراحهم ومبيحطوش ميكب كمان حافظي على نقاب الصح خليكي ميه ميه ونقابك مافهوش اذيه
اغلبنا بيقول نفسي اتوب .نفسي ابعد عن الذنوب? طيب وبعدين هنفضل لحد امتا نقول نفسي نفسي? مش هناخد خطوه بقي ووعد صادق? دا الارض تقول كل يوم يارب دعني ابتلع ابن ادم لانه يأكل من رزقك ولم يشكرك? وتقول الجبال ربي دعني اطبق ع ابن ادم ? وتقول السماء ربي دعني انزل كسفا ع ابن ادم? وتقول البحار ربي دعني اغرق ابن ادم? فيقول التواب الرحيم ي مخلوقاتي أأنتم خلقتموه؟؟ يقولون لا يا ربنا . .فيقول لو خلقتموه لرحمتموه ، دعوني وعبادي من تاب الي منهم فأنا حبيبهم ومن لم يتب منهم فأنا طبيبهم . .وانا ارحم اليهم من الام بأولادها ومن جائني منهم تائبا تلقيته من بعيد مرحبا بالتائبين ومن ذهب منهم عاصيا ناديتهم من قريب اين تذهب اوجدت اله غيري!! او وجدت ارحم من سواي ..هذه محبه ? هذا هو الله المحب لعباده هو الغفور الودود ..يلا بقي مستانين اي تاني ? كلنا نتوب الوقتي ونصلي ركعتين توبه هدانا الله جميعا
طب بعد إذنك يا بنٌوتة ^^ النقاب التنده أسأل عليه في محلات ولا هو بيتفصل ولا أجيبه ازاي لأن السعودي بيعملي صٌداع ...جٌزيتِ الجنة <3
موجود في أي محل منتقبات ?? قوليله عاوزه نقاب تنده وجه ومريح جدا جدا وجميل ?? بس لو عندك قطعه الحواجب زي اللي بتيجي مع النقاب الماليزي البسيها الأول علشان تداري حواجبك وبعدين البسيه وضبطيه براحتك ربنا يثبتك ??
هو الكاب ال بتلبس عالنقاب ده بتقولى لصاحب المحل اى ولا بتلبس ازاى؟
بتقوليله عاوزه كاب وخليه يوريكي شكل الكاب المفتوح والمقفول انتي بتلبسي العبايه أو الجيبه والشميز عليها والطرحه وعليها نقاب وجه وبعدين فوقه الكاب??? في صور نزلتها قبل كده شوفيها??
عايزة اسهل واشيك لبس منتقبات .. يعني تبقا حاجة واحدة البسها طويلة و واسعه و النقاب بدون ما البس عباية وفوقها خمار ومعرفش ايه وكده ..عاوزة حاجة سهلة يعني علطول كده .. وقوليلي بتكون ف حدود كام وصورة بقا ^^
مفيش حاجة واحده بس غير الملحفه ?? بس لو هتلبسبها البسي تحتها جيبه علشان مش تلف ? لو قصدك حاجه تانيه؟؟ مش فاكره سعرها بس هتلاقيها في أي محل منتقبات وفي منها مقفوله أو مفتوحه ??ربنا يثبتك ??
ممكن سؤال لو سمحتى ??
ازاى اصلى القيام اصل خايفة اصليه ويطلع غلط ??
وهل ينفع اصليه دلوقتى الساعة دلوقتى 8:20 مساء ولا الافضل وانا داخلة انام مع العلم أنى ممكن افضل سهرانه لحد نص الليل ❤❤
اه يا حبيبتي عادي ينفع من بعد العشاء لقبل الفجرhttp://ask.fm/ESrAabg/answer/142476964353شوفي البوست دا الجزء اللي عن القيام ولو عندك اي سؤال؟؟ ربنا يرضى عنك يارب ويحفظك بحفظه ?❤️
الكاب زي الخمار بتلبس من على الرأس بس ليه فتحه من قدام وفي منه مقفول وفي مفتوح والوشاح زي الكاب بس أطول منه انتي اسألي في أي محل منتقبات وهتلاقي ان شاء الله تحت امرك يا غاليه ?? اسألي عن أي حاجه وانا موجود ?? دا كاب وشوفي السؤال اللي قبله في صوره
السلام عليكم ❤
اذيگ ي جميله ? انا منتقبه الحمد لله بلبس اسود و نبيتي غامق و كحلي السؤال هنا بقا هل الافضل جيبات وبلوزات ولا عبايات نظرا ل سني انا 19 والاهم الدين طبعا
و سؤال آخر هل لازم لبسي يكون اسود ؟! لو لازم انا معنديش مانع انا اصلا بحب الاسود ?
وعليكم السلام ورحمة الله وبركاته ما شاء الله ربنا يثبتك يا غاليه ?? اللهم بارك جيب وعليها بلوزات وعليها كاب شيك جدا جدا الكابات بتكون سهله في الحركه وفي نفس الوقت ساتر جدا وواسع وشيك?? وممكن تلبسي بدل الكاب وشاح جميل جدا ❤️❤️ وممكن عبايات عليها طرحه طويله اوخمار? مش لازم اسود من مواصفات الحجاب انه مش يكون ملفت للانظار يعني ممكن ألوان غامقه?? انا بتكلم عن الأسود كتير لأنه بحبه جدا جدا ??ربنا يثبتك يا غاليه ويحفظك بحفظه ??
انت معاكي حق في موضوع الحجاب والله بس لا اعتراض علي كلامك لكن انا واحده الحمد لله محجبه ولبسي كله واسع وبلبس جيبات ومش بحط ميكياج ولا اي حاجه ملفته خالص بس برضه ساعات بيكون في ناس مش محترمه بتعاكس وانا مش قصدي خالص اني اقلل من شأن الحجاب انا الحمد لله محجبه بقالي ٦ سنين اللهم ثبات بس جزاكم الله خير❤
ربنا يثبتك يا غاليه ? عندك حق?? احنا كمنتقبات بنتعاكس والله عادي ?? بس الفكره في جزء معين نسبه المعاكسات بتكون أقل لو لبسك محترم وبكده مش هيكون عليكي ذنب?? إنما لما تتعاكسي وانت لبسك اساسا ملفت جدا للانظار اكيد النسبه أكبر وبكده انتي ساعدتيه على أنه يعاكسك?? صح ولا غلط؟؟ والهدف الأول والأخير رضا ربنا ??ربنا يثبتك يا رب ويحفظك بحفظه ??
الله يحبك ويرضي عنك ويرضيكى وانى ازيدك حبا فيه ?? ربنا يكرمك اللهم ثبات والله بستحمل بس اما اقرب المقربين كده يقولو بتكسر قلبك لانه بتكونى متوقعه انهم يسدونكى بس العكس بس ان معى ربي سيهدينى وانا بربي اكتمل الحمدلله الله يكرمك ?????.
عندك حق أقرب الناس إليك هم اللي بينتقدوا قريبتي بتقول لابنها الصغير كمل اكل احسن اخلي طنط العوه تأخذك معاها??? واكتر ناس بتتريق وبيتكلموا هم الاقربيبن?? ولا هيهزني كلام اي حد?? الهدف رضا ربنا? اللهم ثبات ?? ربنا يرضى عنك ويراضيكي ويحفظك بحفظه ويثبتك ??
نظام لبسي اسود كله وجونتى وصحابي المقربين المنتقبين بيتجننوا من جمالي اما ناس تاتيه لأ احكيلي اعمل ايه وبلبس شنته ظهر ع لون الشوز الله يعزك يعنى بكون انيقه بس عشان اسود بقلولوى زى الشبح ???
انتي أموره جدا جدا وشيك بلبسك دا والأسود اشيك لون للمنتقبات من رأى وانا كل لبسي اسود?? سيبك منهم ومش تهتمي لأي رأي المهم اقتناعك انتي بلبسك ?? وبعدين عادي يقولوا اي حاجه مش مهم اسمعي ومش تهتمي اصلا كأنك مش سمعتي ?? شبح شبح عادي المهم انتي عاجبه نفسك ونفسك ربنا يرضى عنك ورضا ربنا اسمي واعلي??انا بيقولوا عليا كائن السواد?? والعفريته وبيخوفوا العيال بيا ??سيبك منهم ربنا يهديهم ويهدينا ??انا بحبك في الله جدا جدا ??? ربنا يثبتك يا غاليه ويحفظك بحفظه ??
في أساسيات يوميه لازم امشي عليها ? الصلاة اول لما الأذن يأذن اسيب الموبايل واي حاجه بعملها فوراً واتوضي واصلي لأن كده ربنا هيباركلي في أي حاجه كنت بعملها هيوفقني لو كنت بذاكر وسيبت المذاكره وصليت اولا ?? ''العهد الذي بيننا وبينهم الصلاة من تركها فقد كفر '' ✋ في تطبيق صلاتي نزليه على الموبايل هياذن كل صلاه تسيبي الموبايل وتصلي اولا ?الأذكار حاجه اساسيه في يومك حملي تطبيق أذكار المسلم وتظهر الأذكار تلقائيا أذكار الصباح والمساء ?عاهدي نفسك انك تصلي الضحى والقيام يوميا ?يكون ليكي ورد يومي ثابت ?نبعد عن أي معصيه ونعاهد ربنا اننا مش هنرجع ليها ونستغفر منها ?نبعد عن أي صاحبه ممكن تضلنا ونحاول نقرب من شخصيات ملتزمة تفيدنا سواء نتعرف عليهم أو نتابع كتابتهم ?اشتركي في الخدمات الدعوية على الواتس هتفيدك بالمواعظ والرسايل ?قبل ما تخرجي من البيت بصلي لملابسك كده هينفع اقابل ربنا بيها ?''من أراد واعظا فالموت يكفيه '' كام مره سمعت عن حد في سنك مات فجأة سواء حادث أو مرض يعني الموت مش بعيد عني فأنا لازم اتغير ?صلى وادعي ربنا كتير وابكي وادعيه انه يهديك هدانا الله جميعا واحنا موجودين معاكي في أي وقت ولو محتاجه اي متابعه أو سؤال احنا تحت امرك?❤️ربنا يرضى عنك يارب ويحفظك بحفظه ??
عارفة يعنى ايه ان كل البنات تمشى متبهدلة معاكسات وانتى لما تعدى الشباب عينهم تبقى فى الأرض ؟ عارفة يعنى ايه تشوفى الإحترام من كل فئات المجتمع ؟ عارفة يعنى ايه تبقى راكبة فى المواصلات العامة وواحد مايرضاش يركب إلا لما تيجى واحدة جنبك الأول ؟ ... عارفة يعنى ايه تبقى ماشية الملائكة بتستغفرلك ؟؟ عارفة يعنى ايه تبقى فعلاً إسلام ماشى على الأرض ؟ عارفة يعنى ايه ماحدش يقولك انا عايز امشى معاكى او عايز اصاحبك ؟؟ عارفة يعنى ايه اللى عايزك يروح لباباكى ويقول انه شايف فيكى ام اولاده ؟؟ عارفة يعنى ايه تبقى كل البنات شايفاكى قدوة ليهم ؟؟ عارفة يعنى ايه يبقى حلم كل الرجال المستقيمين انهم يلاقوا زوجة زيك تحافظ على بيتهم وهم يحافظوا عليها ؟؟ عارفة يعنى ايه تبقى ماشية فى الشارع تلاقى البنات بتبتسم فى وشك وهى فرحانة ؟؟ عارفة يعنى ايه يتقالك انا نفسى أبقى زيك ؟؟ عارفة يعنى ايه كل الناس تبقى شايفاكى فى قمة الإحترام والتدين حتى لو اصلاً عمرهم ما اتكلموا معاكى ؟ لو عرفتى كل ده هتعرفى يعنى ايه " حجاب يرضى ربنا ربنا يهدينا جميعا