"الإنسان مأجور على أحزان قلبه."وعلى وحدته وعلى تحمله للأذى وصبره على البلاء .. مأجور حتى على ابتسامته المكتومة التي يرسمها بين أهله ليوهمهم بسعادته حتى لا يبتئسوا. مأجور حتى على حزنه على فعل المعاصي والإسراف فيها .. مأجور على دموع سالت في خلوته .. و يجهل معيّة الله التي تلازمه في كل حالاته ! "ف يا رب، قد فوضّتُ أمري إليكْ فهبني كل خير وإن كرهْته .. وابعد عني كل ما فيه شرْ وإن رجوْته." ❤
لو ركزت شوية هتلاقي إن عمرك في حياتك ما كنت جاهز لأي حاجة بتحصل لك! بس سبحان الله أول ما بتبقى في الموقف و تقول يارب بتعمل حاجات مكنتش تتخيل أبدا إنك بتعرف تعملها! التوكل و التسليم الكامل لله مبهر و مش ببالغ إن بسببه بتحصل معجزات... "وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا" الحمد لله رب العالمين.
قاسي أوي إحساس إن العُمر مر ، وإننا فجأة كبرنا، مسؤلياتنا زادت وأولياتنا أتغيرت ، بقينا نشيل حزننا جوانا ، نبكي ونعاني في صمت ، نتظاهر بالقوة والسعادة في عز ضعفنا ، ورغم دا كله لسه جوانا طفل عايز يعيش حياته .. بييجي في بالي دايماً مقولة د / أحمد خالد توفيق وهو بيقول أود أن أبكي وأرتجف وألتصق بأحد الكبار ولكن الحقيقة القاسية هي أنني أحد الكبار !!
اكتر حاجه بحبها في علاقتي باي حد هي لحظات التميز زي مثلاً "أنا مش قايل لحد غيرك.. مش طايق حد بس بكلمك.. انت الوحيد اللي عارف الموضوع ده..كلمتك أول حد عشان أقولك" وتقريبا اكتر حاجه ممكن تحافظ علي قربي من شخص هي ان الشخص ده يميزني ولو بحاجه بسيطه لانها بتخليني مبسوط لابعد الحدود❤️
ـــــــ🍃
" مفيش أسوأ من إحساس انك عملت كل حاجة تقدر تعملها .. وبرضوا مفيش فايده !! , ربنا يكفيكوا شر المعافرة اللي بتروح هدر. إحساس التوهان اللي مصحوب بحيرة وسؤالك لنفسك جواك " هو كان ناقص ايه يتعمل ومعملتوش ؟! طب انا استاهل كدة بعد كل ده .. "؟!