الظروف ماسابتش حد فينا ماغيرتهوش كلنا إتغيرنا، أولوياتنا إتغيرت، مفاهيمنا إتغيرت إسلوبنا إتغير، دعواتنا إتغيرت، حتى مقامات الناس في حياتنا إتغيرت. الكام سنة اللي فاتو دول تكفلو بتغيير كل حاجة في حياتنا لغاية ما وصلنا للنسخة اللي إحنا عليها دلوقتي واللي مع الوقت هتتغير برضو.
يارب لو كاتبلي إني أموت قريب و في شبابي كده قبل ما أعمل حاجات كتير تقربني ليك إكتبلي أموت و أنا مش علي ذنب أحسن خاتمتي و حنن قلوب كل اللي حواليا إنهم يدعولي و يفتكروني 🖤اللهم أحسن خاتمتنا ..
في فرق بين واحد مش عايز يخسرك وواحد مستخسرك؛ اللي مش عايز يخسرك دا مُتمسك بيك وبيحاول بكل طاقته إنه يحافظ عليك، لكن اللي مستخسرك دا لا منه مقدرك وبيحبك ولا منه عايزك تمشي، لا عارف يحافظ عليك ولا راضي يسيبك في حالك، ودا حرفيًا أكتر بني آدم أناني ومُقرف مُمكن تقابله في حياتك.!
يقول ابن القيِّم رحمه الله:"لاتحمل هم الدنيا فإنها لله. ولا تحمل همَّ الرزق فإنه من الله. ولا تحمل هم المستقبل فإنه بيد الله. فقط احمل همًا واحدًا كيف ترضي الله، لأنك لو أرضيت الله، رضي عنك وأرضاك وكفاك وأغناك."
من الوصايا المفضلة ليا هي وصية لجبران خليل جبران بيقول فيها "صدّقني لو فقدت ما فقدت لو كسّر الحرمان أضلاعك ستجتاز هذه الحياة كما يجتازها كل أحد فاختر الرضا يهُن عليك العبور " هي كده كده هتعدي فلما تعدي بالرضا أفضل من السخط .
"الآن أرخيت يدي من كل شيء، لا أريد أن أختار مرة أخرى، أسألك أن تكون المختار لي؛ فرؤية الأشياء من خلالك هي النجاة بعينها، وأنا لا أريد إلا النجاة يا رب."
بعد فترة من الخذلان بتلاقي نفسك تايه بتفكر كتير بتسال نفسك ديما لي وصلت لكدة ولما تحس انك بدأت move on من كل ده بتلاقي ان ثقتك ف اللي حواليك مبقتش زى الأول خايف تقرب خايف تتعلق خايف تعيد نفس اللي حصلك بتبقي محتاج حد يمتص كل حزنك حد يرجعلك ثقتك ف نفسك حد يعوضك.