Ask @EgyMariam:

status

ibrahem elalfy ✪
لو انتشر فايروس قاتل في العالم وأُغلقت الدول حدودها وانعزلت خوفاً من الموت المتنقل، ستنقسم الأمم بالغالب إلى فئتين؛ فئة تمتلك أدوات المعرفة تعمل ليلاً ونهاراً لاكتشاف العلاج، والفئة الأخرى تنتظر مصيرها المحتوم!
وقتها ستفهم المجتمعات أن العلم ليس أداةً للترفيه.. بل وسيلة للنجاة !
د / مصطفى محمود.

View more

أكتر دُعاء بتكرره...؟🌸

اللهم ارزقنى حسن الخاتمة.. اللهم اقبضنى وأنت راضٍ عنى.. اللهم ارزقنى شربة هنيئة من يد النبى لا أظمأ بعدها أبدا.. اللهم ارزقنى الفردوس الأعلى من الجنة واحشرنى مع النبيين والصديقين والشهداء والصالحين ♥️.

View more

شوف مقدار السعادة عند الطلبة بالإجازة من التعليم قد إيه ؟! شوف كمية الضغط أثناء المذاكرة والإمتحانات قد إيه ؟! هل هو دا الشعور الطبيعى تجاه العلم !! المعرفة وحب الإستطلاع دافع فطرى الإنسان بيتولد بيه .. يا ترى ايه اللي يخلى الدافع الطبيعى الفطرى المحبب إلى النفس يبقي مكروة للحد ده؟!!

Mahmoud Saad
الإدمان.. تحديداً إدمان ال social media و نشر ان أد ايه إنك تبقى بتعمل " ولا حاجة" شئ حلو.. واننا حتى ف الدراسة مبنحضرش محاضرات عادى.. وف ليالى الامتحانات (اللى هى غالبا بتحدد مصير البنى آدم ف بلدنا) عادى نفتح Facebook و Twitter و ask وكل مواقع التواصل الإجتماعي عشان نئلش ونتريأ على نفسنا اننا حقيقى ضايعين ومش عارفين نلم المادة!
مش بقول ان نظام التعليم مثالى بالعكس أنا يمكن بعمل كل الأخطاء اللى بنتقدها دى بس فعلا احنا ف كارثة.. إدمان مواقع التواصل الاجتماعي واعتبارها عالم حلو to escape from the surrounding reality حتى لو كانت على سبيل مستقبلنا دى كارثة بكل ما تحمل الكلمة من معنى..

View more

🚩↔ 29/2/2020 ↔♻

KerOlleS
أتمنى زى النهاردة كمان 4 سنين ميكونش فيه أمراض معدية ولا أوبئة خايفين منها.. أتمنى ميكونش فيه أطفال مشردين ومش عارفين مصيرهم ولا مستقبلهم.. أتمنى ميكونش فيه حروب ولا ضرب نار ولا كره.. أتمنى ميكونش فيه فقر بينهش ف أجساد الغلابة ولا جهل بينهش ف عقول الناس.. بتمنى الأسوياء يكتروا.. بتمنى ميكونش فيه متزمتين ولا متعصبين لأى حاجة عشان مفيش حاجة تستاهل.. بتمنى نبقى بسطاء وراقيين أكتر من كدة.. أتمنى يبقى عندنا ثقافة تقبل الآخر أكتر من كدة.. محتاجين نبص للنص المليان ونحمد ربنا كتير ع النعم اللى احنا فيها طول الوقت.. محتاجين نبص بعين حلوة عشان نشوف الحلو ولو أمكن نعرف الحكمة من الوحش.
أتمنى نبطل كل حاجة الذنوب وكل الحاجات الوحشة اللى مش عارفين نبطلها.
الحقيقة كمان 4 سنين مش عارفة حكون موجودة ف الدنيا ولا لأ.. بس لو مش حكون موجودة أتمنى أكون ف مكان جميل أوى ف الجنة بعطف وكرم ربنا عز وجل لا بعدله..
أتمنى متنسيش من دعاء أهل الدنيا.. أتمنى تكون سيرتى طيبة حتى لو بحاجة صغيرة..
🌸🌸

View more

Next