كيف تتعامل مع أخوك أو أختك لما يمرون بفترة المراهقة؟ وكيف تكسب ثقته وحبه لك:

طلال الغريمّيل.
سؤال جيد وبما اني مريت فيه بقول كيف عالجت هذه القضية مع أخوي..جت لأخوي فترة مراهقة سيئة جدًا وماكان معجبني.
اول شيء بديت اسويه اني مستحيل اطلب منه انه يترك هالاشياء ويتعدل..لكن بقيت فترة طويلة اطقطق عليه واستهزء به وبالحركات اللي يسويها،لين صار يستحي يجيب طاريها عندي..مع الوقت بديت أتمصخر عليه رغم انه كان يخفي مراهقته عندي،لكن أستمريت بالإستهزاء واحيانًا استحقار مايفعله.
تدريجيًا صار يكره الاشياء اللي يسويها لانها جابت له الطقطقة واني رسمت بباله ان الناس قاعدين يضحكون عليك مثلي ويتمصخرون على حركاتك اللي تسويها.
وكرهها وتكرها فعلًا..وحتى لما تركها مامدحته انه تركها،صرت اذكره فيها واضحك على ماضيه وأكرهه به زيادة عشان مستحيل يرجع لها.
والان الحمدلله أخوي رجل يُعتمد عليه في كل حاجة وأفتخر به.
خُلاصة الموضوع..المراهق مهما كان مستحيل يتقبل النصايح ومستحيل يطبقها..اذا كثّرت عليه النصايح ممكن توصل به يعاندك وتزيد مراهقته معك،لكن حاولي تزرع بداخله افكار تخليه يكره حركاته.