@EmanMostfa918

إِيـمان

Ask @EmanMostfa918

Sort by:

LatestTop

Related users

سبيس..🖤

النهاردة بس اقدر اقول خدت اجازة الحمدلله، يمكن مافيش اصعب من الايام دي عدت عليا وانا ورايا مذاكرة للسمر ونزول تدريب وضغوطات نفسية ماحدش يعرف عنها شيئ غيري يمكن، كنت حرفيا بستسلم كل يوم😂 وارجع اقول لا يلا نكمل اللي بدأناه، وامبارح الحمدلله اخدت شهادة التدريب والنهاردة الحمدلله طلعت النتيجة والحمدلله بجد علي كرم ربنا ليا في كل مرة، الحمدلله
هسيب الكلمتين دول هنا للذكري♥️

ابن خالتي متقدملي وظروفه المادية كويسة جدا بس خالتي اقترحت منعملش خطوبة خالص وماما موافقاها مع العلم ان انا الكبيرة وبنتها الوحيدة يعني اول فرحة ليها ولما قولت انا عايزة خطوبة في البيت بسيطة خادتني تريقة يااريت تقولولي رأيكم يمكن انا غلط وكسرة نفسي ملهاش لازمة

جربي تكلمي ابن خالتك نفسه وتفهميه ان فرحتك هتكمل بالشكل ده وان نفسك ف كدا وهو يكلم والدته ع اساس ان هو اللي عايز ده مش انتي واكيد مامته هتوافقه وتعملي خطوبة ان شاءالله

انا بكتب الكيو ده وانا بعيط .. انا بقالي كتير جدا بدور على شغل مش لاقيه شغل مناسب. انا 22 سنه لسه متخرجه ومحتاجه شغل ضروري ،مسيبتش جروب منزلتش عليه كل اللي بيكلموني نصابين ل اما عاوزيني اشتغل شغل لا يليق بأخلاقي ولا ديني.لحد اخر حد كلمني قالي انه هيشغلني ف البنك الأهلي وجهزت ورقي كله وطلع نصب 💔

هخلي الكيو هنا ممكن حد يقدر بسعدك، خير ان شاءالله🏻

" .. مساحة ♥️🌛 .. "

كنت امبارح قاعده ف وسط اخواتي وقولت ان نفسي ف زلابية، لقيت النهاردة اصغر اخواتي(نور عنده عشر سنين) داخل عليا اوضتي ومخبي حاجة ف هدومه وطلعها وبيقولي هيييه، كنت جاي من الچيم وشوفت عمو بتاع الزلابية فأفتكرتك وجبتلك😭♥️♥️♥️♥️♥️♥️♥️♥️♥️

خطيبي بيمد ايده اعمل ايه

ابعدي، عارفة انه هيبقي صعب جدا لو بتحبيه بس مش هيبقي اصعب من حياتك معاه بعد كدا، اي حد يقبل بإهانتك مايستهلكيش مابالك باللي بيهينك!!
هو لو اتغير كملي انما لو لا فطبعا ابعدي، احنا بنعديها ممكن لو الشخص فعلا فعلا كويس وحصل حاجة خرجته عن شعوره لأبعد حد وبعدها ندم واعتذر مرة وألف وقتها ممكن نتغاضي انما اللي بيضربك من دلوقتي ده هيعمل فيكي اي اما يتقفل عليكم باب! خافي ع نفسك ماحدش بيتغير بعد الجواز، لو اتغير دلوقتي تمام غير كدا لا.

Next

Language: English