ـ
مرحبًا من جديد :)
افتكرت إني عامل آسك فقولت أبص بصة عالوضع هنا، لقيت الدنيا اتغيرت تماماً يعني.. بغض النظر عن إني مبقتش مهتم توتالي بالسوشيال ميديا انترآكشن، لكن المكان هنا كان ليه معزّة خاصة عندي أو كنت بعتبره ال comfort zone سيكا أيام شبابي زمان.
دخلت المكان هنا بعد تالتة ثانوي من سنوات كتيرة، الناس اللي كنت متابعهم -ذكورًا وإناثاً- في أوائل سنوات الكلية، بفتح دلوقت وجدت إن تسعين في المية منهم اتجوزوا وبقوا يتكلموا عن أبنائهم وأزواجهم! :"D
نضجوا، بقوا زي الناس الكبار اللي كنت بقولهم يا عموا ويا طنط وأنا صغير..
حسيت إنه المكان مبقاش هو، والناس مبقوش هما بردو..
لكن لما رجعت فكرت، لقيت إن أنا كمان مبقتش أنا، ولا بقيت بنفس راحة البال ولا نفس الكاركتر .. بل أحيانًا بستشعر نفسي شخص خمسيني من كثرة ما عليّ من مسئوليات بتاعت الناس الكبار دول عارفينها؟ اللي شايلين هم غلاء الأسعار، وبقا يشغلهم سعر البنزين والدولار والزيت والأرز والمكرونة واللحوم والوحدات السكنية ومشاريع الاستثمار في بلدنا والعاصمة الإدارية الضحكاوية والكلام اللي عمري ما حبيته زمان ده؟
بقيت أقعد مع ناس أكبر مني سنًا، وأصغر صديق ليا عنده 35 سنة مثلًا. ")
وضع متخيلتش إني أوصله وأنا بتخرّج خلاص بعد 7 سنوات دراسة، أنا كنت أكثر مرحًا وابتسامًا وحساسيةً وإشراقًا من كدة في سنواتي الأولى هنا.. لا أدري ما حدث، ولا كيف سُحبتُ إلى هنا.
لكن أهو، أدينا عايشين..
على الأقل،
لما بنشوف أسماء الناس
اللي كنا نعرفهم قدامنا،
بنفتكر أيام زمان،
ونقول: كانت أيام حلوة :).
تحياتي لأي حد لسة أعرفه أو يعرفني في المكان ده،
كانت أيام حلوة يا صديقي ")
افتكرت إني عامل آسك فقولت أبص بصة عالوضع هنا، لقيت الدنيا اتغيرت تماماً يعني.. بغض النظر عن إني مبقتش مهتم توتالي بالسوشيال ميديا انترآكشن، لكن المكان هنا كان ليه معزّة خاصة عندي أو كنت بعتبره ال comfort zone سيكا أيام شبابي زمان.
دخلت المكان هنا بعد تالتة ثانوي من سنوات كتيرة، الناس اللي كنت متابعهم -ذكورًا وإناثاً- في أوائل سنوات الكلية، بفتح دلوقت وجدت إن تسعين في المية منهم اتجوزوا وبقوا يتكلموا عن أبنائهم وأزواجهم! :"D
نضجوا، بقوا زي الناس الكبار اللي كنت بقولهم يا عموا ويا طنط وأنا صغير..
حسيت إنه المكان مبقاش هو، والناس مبقوش هما بردو..
لكن لما رجعت فكرت، لقيت إن أنا كمان مبقتش أنا، ولا بقيت بنفس راحة البال ولا نفس الكاركتر .. بل أحيانًا بستشعر نفسي شخص خمسيني من كثرة ما عليّ من مسئوليات بتاعت الناس الكبار دول عارفينها؟ اللي شايلين هم غلاء الأسعار، وبقا يشغلهم سعر البنزين والدولار والزيت والأرز والمكرونة واللحوم والوحدات السكنية ومشاريع الاستثمار في بلدنا والعاصمة الإدارية الضحكاوية والكلام اللي عمري ما حبيته زمان ده؟
بقيت أقعد مع ناس أكبر مني سنًا، وأصغر صديق ليا عنده 35 سنة مثلًا. ")
وضع متخيلتش إني أوصله وأنا بتخرّج خلاص بعد 7 سنوات دراسة، أنا كنت أكثر مرحًا وابتسامًا وحساسيةً وإشراقًا من كدة في سنواتي الأولى هنا.. لا أدري ما حدث، ولا كيف سُحبتُ إلى هنا.
لكن أهو، أدينا عايشين..
على الأقل،
لما بنشوف أسماء الناس
اللي كنا نعرفهم قدامنا،
بنفتكر أيام زمان،
ونقول: كانت أيام حلوة :).
تحياتي لأي حد لسة أعرفه أو يعرفني في المكان ده،
كانت أيام حلوة يا صديقي ")