أنا شخص بيزعل بسُرعه ودي واحده من أسوأ الصِفات اللي فيّا واللي حرفيًا مش عارف أغيرها، هتلاقيني دايمًا باخُد كُل حاجة على أعصابي، بركّز في تفاصيل الكلام وأقعُد أحلله وأشوفه من كذا إتجاه، ومُمكن حد يرمي كلمة وسط قاعدة ويبقى فاكر إنها حاجة عادية وكُل اللي قاعدين يفتكرو إنّي عديتها لكن الحقيقه إنّي ما بعدّيش حاجة والكلمه بتفضل ترن في ودني، وللأسف التركيز الزيادة دا بيأذيني جدًا وبيأثر على نفسيتي بشكل بشع.