@EsraaAlim

Esraa Alim

Ask @EsraaAlim

Sort by:

LatestTop

Can you summarize your best major happy memories in college.

wow! :D a Question about something "happy" :D you deserve an oscar :D
.....
mmmm let me remember :D
1. أول فطار لنص بنات الدفعة في رمضان عملناه في رضا حلمي تحت اشرافي انا و هدير مختار 😆
2. اول عيد ميلاد مفاجأة لإيناس رفعت عندي ع السطح 😂
3. اول اجتماع لمجلة اكسبرشنز مع أحمد رضوان و إيمان حسن 😍
4. زيارة مرضى الكلى تبع أطباء الرحمة و أحمد شكري
5. أول ورق بلوكات يتصور من رامي طارق 😆
6. أول مزاكرة فاينل مع هدير و علا و التطبيق و المزاكرة سوا على الياهو 😂 ايوة احنا كان أيامنا ياهو مش واتساب
7. اول نتيجة !! 😂
8. اول مرة اروح اسكندرية مع علا و هدير و اسراء و الاء و سارة و اميرة و طبعا شكري و رامي و تابعي ، و الكبير كبير يا حبيبي 😆
9. فطارنا في ابو خليفة 😅
10. رحلة الاقصر و اسواااااان 😍😍😍😍
11. الثورة 😅 لول
12. اول مرة اولع في المطرة و اسمع Adele 😂😂
13. راوند الأكيوبشنال بقى 😂
14. ال winter camp
15. العمرة ♡♡♡♡♡♡♡♡♡♡♡♡♡♡♡
16. اول امتحان باطنة مع د. عاصم الشريف 😂
17. Summer School and Exchange ♡
18. Dorotta ♡♡♡
19. Ophthalmology round 😍
20. Dr. Ranya Mostafa ♡♡
21. أسيووووووووووووووووط كامب يا هدير يا مختار 😍
22. كمان مرة أسيووووووووووووووط 😆
23. مريمممممممممممممم ؛)
24. ندى حازم و فاطمة الشامي 😍
25. ثم ندى حازم و هاجر !
26. نيرة و ماهي ♡
27. مروة المجنونة 😂
28. الملاك اللي اسمه آية 😂
29. ENT round ya gama3a !!!!!
30. فاينل خامسة 😍
31. بورد سكمسا يا سباعي 😆 اه والله يا سباعي 😆
32. سنة سادسة كلها ♡♡
33. المؤتمرات يا جماعة 😂
34. تاني امتحان مع د.عاصم الشريف 😂
35. Summer School Marwan Elfarargy! :D
36. Sharm trip 😍 swimming again ♡♡
37. فاينل سنة سادسة مع عوض و أسامة و ضحك السنين في الشفوي 😆
38. النتيجة !!!!!!!!!!!!!!!!!!!! :D مفيش حاجة احلى اختم بها الإجابة دي كلها 😆

View more

Related users

ازاى الانسان يعزز ثقته بنفسه ؟

حبة ادراك لمميزات الواحد علی حبة انانية و حبتين ثقة بالله
هتقولي ازاي ؟
اولا لازم تعرف انت كويس ف ايه .. لازم هتلاقي نفسك كويس في حاجة ، حتی لو الحاجة دي تافهة و صغيرة .. اعرفها و اوعد نفسك انك تبقی من احسن الناس فيها
مثال: انا من زمان اوي و انا كويسة في الMicrosoft Office
لو قلتلك كده هتحس انها حاجة مش مفيدة للواحد ، اللي هو و بعدين يعني؟ بس انا قررت استخدم الحاجة دي كويس و ابقی من احسن الناس فيها .. فبقيت بعمل ملخصات ع الكمبيوتر ، الموضوع مش بياخد مني وقت كبير اوي ، و الورق بيطلع نضيف جدا و ببقی سهل اديه لاي حد ..
اشتغلت في SCMSA
و برده عرفت استخدم الموضوع ده ، اي ورق او حاجة متعلقة بالجمعية بقيت بظبطها و ده فادني كسكرتير الجمعية
المهم الواحد يلاقي حاجة فيه حلوة و يحللي بيها باقي حياته
....
بالنسبة للانانية ، فالواحد محتاج منها حبة صغيرين (الكلام ده موجه لاي حد عانی زيي في انه يرضي الناس و في الاخر تعب و منالش رضاهم برده)
اوعی تخلي اهم حاجة في حياتك حد تاني غيرك! انت ليك اولوية !
)طبعا بدون ضرر لحد)
انا اقصد ان لازم تتعلم تقول لأ لو انت مش فاضي و وراك مزاكرة ، تتعلم انك اللي تعوزه تسعی وراه حتی لو ده مش عاجب اللي حواليك
....
ثقة بالله دي بقی عشان تواجه مصائب الدنيا
لما الدنيا تضربك جامد ، متقعش .. ثق بان في جانب خير للموضوع ، ربنا عاينلك الخير في خبايا الهم
فاوعی ساعتها تفقد ثقتك بنفسك ، ثق بربنا و ساعتها ثقتك بنفسك مش هتروح
....
ايوة انا رغاية بس انت اللي سألت :D

View more

يعني دا صح ولا ايه مش عارفة اتصرف ازاي عاوزة رأيك

الدعاء بما تتمني محدش يقدر يقولك عليه غلط .. بس انا رأيي تدعي ان ربنا يكتبلك الخير حيث كان و يرضيكي بيه .. عشان ميبقاش كل مرة بتدعي فيها بيزيد تعلقك بحد ممكن ميكونش شايفك مناسبة ليه ...
هحكيلك حاجة ..
واحدة تمريض كنا نعرفها ، كان حلم حياتها تتجوز دكتور فولان ،معجبة بيه ، لا معجبة ايه ، دي متيمة بيه .. تعدي الأيام و تكسب في قرعة حج !و تسافر ،و هي تحكي انها و هي واقفة على جبل عرفة ، مكانش في بالها اي دعاء غير انها تتجوزه و ربنا يجمعها بيه .... رجعت من الحج ، كل الناس بتقولها حج مقبول ،هو كان من ضمن الناس دي ،لاحظها و أعجب بيها و حبها و وقف قصاد أهله و اتقدملها ... و اتجوزوا ! .. و خلفوا بنت عسولة جدا ! ... بعد 3 سنين ، أهله قدروا يقنعوه يسيبها و يتجوز واحدة دكتورة زيه و الجو ده .. و مع الوقت استجاب لطلبهم و طلقها .. و بيبعتلها فلوس هي و البنت كل شهر ... و هي بقالها اهه 15 سنة عايشة لوحدها مع بنتها ...
مش هندخل في تفاصيل مين صح و مين غلط .. بس مش هقولك غير انها اكتر واحدة تنصح الناس يدعوا بالخير مش بحاجة معينة :) .. عشان انتي مش عارفة الخير ليكي موجود فين و مع مين .. فسلمي أمرك للخالق مالك الملك :)

View more

الكل بيتكلم عن فرح سلمى هوا كان ازاى ؟ عايزة اجمع افكار لافراح راقية كدا عشان اعملها ف فرحى :))

b e5tsar "Simplicity is the ultimate sophistication" كان بسيط ، هي كانت في بيتها عملت كل حاجة لنفسها ، و عملت الترحة لنفسها الفرح بدأ على 5 و نص العصر زفة بسيطة و بعدين الاهل دخلوا اتصوروا معاهم ، بعدين جت التورتة بعدين قاموا يصلوا المغرب و رجعوا ، اتصوروا مع صحابهم و شوية لعب بورق مكتوب عليه و الناس تكتب في guestbook ده برده كانت سلمى اللي عاملاه ♡ و بعدين الاكل نزل ، العريس و العروسة كانوا بياكلوا على ترابيزة طويلة كده عليها الاسرتين بس بعدين صلاة العشاء بعدين شوية تصوير تاني مع الاهل و الصحاب و مشيوا على 8 و نص او 9 طول الوقت كان شغال اغاني هادية او راقية ، مفيش اغاني شعبي ولا اي رقص ولا اي ازعاج فكان فعلا "فرح" فيه "فرحة" بتتشارك مع الناس اللي بتحبهم ♡ بارك الله لهما و بارك عليهما و جمع بينهما في الخير ان شاء الله ♡♡

لكل بنت اولد هتصله الرسالة ديه محدش يرد عيلها من فضلكمحتى لو مختلف معاها لو عجبتك وصلها لكل اللي عندك احنا ليه بنعمل فولو لحد مالهوش لازمة يعني لو بنت ماتعمليش فولو لولد زميلك وتساليه ربنا اصلا شايفك فانتي بتستحي من الخلق ومش مستحي من الخالق خلي الاسك لله خليه بينك وبين ربك اياك نعبد فبلاش تعصيه سرا

أنا بقی جوز خالتي قعد في ليبيا سبع سنين

نفسي احب واتحب :) الشعور دا مسيطر عليا ..وخايفة الرغبة في الحب تخليني اتسرع ف اختيار اي حد وخلاص ..ازاي نخلي الموضوع دا اندر كنترول وماتقوليش اشغلي نفسك مبيجبش معايا :(

بغض النظر إن الأسك بتاعي بقى شبه برنامج أسامة منير 😂 (مع احترامي ليكي طبعا 😆 ) ..
انا للأمانة بشوف اي نصيحة بتبدأ ب (فوكك او اعمل حاجة تانية تشغل نفسك بيها ) بتيجي من أشخاص مجربوش ان تكون في فكرة مسيطرة على كيانهم .. مثلا عمر ما كان النجاح او التقدير العالي فكرة كابسة عليهم و معندهمش اي حل الا انهم ينفذوها يا اما فعليا هيتجننوا
Obsessive personalities
و ده مش مرض .. ده مجرد نوع من انواع الشخصيات ..
فالحل هنا -على ما اعتقد- هو انك تبلوري الفكرة دي (جاية من بلورة 😆 ) .. يعني مفيش مشكلة ان يبقى نفسك تحبي و تتحبي ، دي طبيعة الإنسان أصلا مهما بلغ من التكبر و اﻹنكار ..
فأنت فكري اللي انتي عايزاه يحبك ده و عايزه تحبيه يكون مواصفاته ايه ، اقعدي فكري في المواقف اللي هتقابلك مع المواصفات دي و هتعملي ايه ساعتها .. اعرفي نفسك اكتر عن طريق معرفتك بأمنياتك .. لو لقيتي ان نفسك يجيبلك ورد يبقى انتي رومانسية ، لأ نفسك يفسحك يبقى انتي محبة للحياة ، نفسك يبقى انسان ناجح اوي و تفتخري بيه يبقى انتي عملية ة طموحة ... و هكذا
و لما تعرفي اللي انتي عايزاه ، هتقدري توصلي بتفكيرك لأن شخص بالمواصفات دي هيكون عايز واحدة عاملة ازاي ، و طوري من نفسك و عدلي من سلوكياتك عشان تبقى الانسانة اللي في خيالك انتي :) ..
يعني مثلا مينفعش يبقى نفسك يبقى مجنون و طاقق و يفسحك و يوديكي حتت مجنونة ،بس انتي بطبعك انسانة كئيبة و كشرية و نكدية 😆😆😆
و في النهاية ،نصيبك هيجيلك ويريفر يو ار 😆 ربنا يجمعك بحد يحبك يا بنتي و ينتشلك من قعدتك ع الأسك و فرجتك على المسلسلات التركي و اﻷفلام الهندي 😂

View more

مش هنفرح بيكى وتطبقى نظرية ذكر النائب وانثى الامتياز ؟

اشمعنى انا اللي اطبقها؟ :D
هي نظرية معروفة مش محتاجة اني اطبقها انا كمان عشان تتثبت :D
و ممكن تفرح بيا و انا طالعة التانية ع الدفعة برده :p

هيا سنة ساتة الواحد ممكن يعوض فبها عك السنين اللي فاتت و يرتب ؟

اه ممكن ، لان عليها درجات كتير اوي و كمان معظم الناس بتزهق و تتعب ف الفاينل .. ف اللي نفسه طويل هيقدر يكمل للاخر
ربنا يعينك و يكتبلك الخير ان شاء الله

لو حد سألك عملتي ايه في الامتحان او في الموضوع الفلاني بتقولي ال حصل و لا بتخافي من الحسد و كدا

بقول اللي حصل ، بس هو في نقطة فيا بما اني perfectionist
انا ببقى طالعة من الامتحان مثلا و مركزة اوي على الحاجات اللي معرفتهاش او نستها او اتلخبطت فيها فبتبقى هي محور كلامي انا .. انما لما بتسأل على الباقي بجاوب
و بالنسبة للخوف من الحسد و كده ، الحسد موجود و الحارس هو الله
انت كده كده ربنا هيديك على قد تعبك و مجهودك ، حتى لو حليت وحش!! ممكن تلاقي النتيجة أفضل من اللي في بالك بس عشان انت مجهودك يستحق النتيجة دي ... و ممكن تبقى حالل حلو جدا بس النتيجة تبقى اوحش ، و ده بيبقى ابتلاء من ربنا ، و الرضا بالبلاء يرفعه

mateb2y sare7a w terody begad 3aly e7na seme3naah

howa ana law b2eet saree7a , harod rdood abee7a! :D
انا مكنتش هرد على الأسئلة دي عشان كفاية الصراحة
مرارتي بقالها 6 سنين مستحملة هذا النوع من التطفل الفيروسي
ارحموا مرارتي و أمي العيانة :D
أقولكوا على حاجة تريحكوا؟؟؟؟
I PROMISE !
Awellllllllllllll ma artabet , U'll find a RING in my right hand , foll keda??
يا رب نفهم
:D

Next

Language: English