Ask @Esraaa00reda:

▪ ريعان السَّراب ▫▪ ✍

القشنـُﯡد☬ ابن هيهات
حبيبي السيد النبيل "مازن"..
تخط إليك الآن "أرق نسمة لاطفت قلبك يومًا" كما دعوتني في المرة الأخيرة، أخرجت قلبها وتأهبت مطرقة الحُب لتخرج منه حبرًا ممزوجًا بعسل اللقاء والكثير جدًا من لهفة الشوق،
أطلقت سراح جدائلها لتصنع ورقًا برائحة البندق التي لطالما دفنتَ رأسك في عنقي من أجلها..
عزيزي صاحب ال"طلة" الأرق،
تعلم أنّي من شدة الكذب يكاد أنفي أن يبلغ عنان السماء،
الحقيقةُ كثيرًا ما تكون مخجلة..مؤلمة..تورثك شعورًا بالعجز.
كيف لي أن أُخبرك أنني أكتب ببقايا حبرٍ عادي تبقى من رسائلنا الماضية،
وأن الورق مجعد به بريق أصفر خافت لا يليق بنورك الساطع؟
هذه ليست برسالةٍ حب كما اعتدت مني، فأنا أعود مُحملةً بالخيبات وينحني ظهري من شدة ثقلها..
إنما هي رسالة اعتذار،
اعتذار للرجل الذي سرق قلبي على حين غفلةٍ مني،
اعتذار لأنّي
أكتُبك بحبرٍ عادي
أُقلصك في ورقٍ صغير
أسجنك في ورقٍ عادي
للرجل الذي لم ولن يكون عاديًا أبدًا..لك يا مازن.💙

View more

* مسسآاحٰهہ ؛

ⓐⓝⓐⓢツ
ازيك، الدنيا عمرها ما كانت منصفة ولا ماشية زي ما احنا عايزين لكن لو عندك شخص واحد بس بيحبك و مستعد يفضل معاك فانت كده خدت كل الحاجات الحلوة اللي في الدنيا واتعشيت وحطيت في بطنك بطيخة صيفي واتغطيت ونمت :''💙

View more

][ .. شاركنا انظر للمرآة وتحدث .. ][

سـمـآء
أنا حد مبيعرفش يشكي، مبحبش أبوح عن ظرف بمر بيه مع أقرب الناس ليا حتى فمابالك لو على السوشيال ميديا وقدام كل الناس؟
طبيعتي مش من أنصار الناس الشكاية لو ربنا إبتلاني بكرب أو حتى مرض فيا أو حتى في أهل بيتي أبسط المشاركة إني أطلب الدعاء من الناس «مش بعملها» وده مش علشان مش محتاجة لده بس علشان أنا بحب أحترم خصوصيتي وخصوصية أهل بيتي
لو مثلا دنيتي بتولع وكل حاجة بتبوظ مني ممكن أفتح اشارك كوميك ضحكني أو أنزل صورة ليا ولا كأن في حاجة «مش عشان أنا باردة ومبحسش وعايشة لنفسي ومع نفسي» لأ بس عشان مبحبش ده، اتعودت أكون خفيفة محبش أشيل حد همي ولو حكيت وحسيت إني أثقلت اللي معايا وشيلتو همي بضايق «اللي هو ليه ميفتكرنيش بالحلو، ليه اتقله في الدنيا وكل واحد أصلا فيه اللي مكفيه؟»
«الموضوع بسيط والحياة اتفه من إننا نديها أهمية مهما ألمتنا وغمرتنا بالمعاناة والإبتلاءات؛ هو وقت وبنحاول نقضيه واحنا خفاف ونمشي برضو خفاف وبس..»💙

View more

-

محمد الرشيد | ظلال الياسمين.
لما بحب أتكلم مع ربنا أو أناجيه بطلب يِعز عليا، بتعمد أستخدم أقرب إسم من أسماءه عندي وهو "الرحيم" بحس إن ده مفتاح علاقتي بيه، دي السكة اللي ربنا بيقولي بيها لو عوزتيني في حاجة قولي اسمي واندهي عليا، هسمعك!
هبصلك، مش هقطع نظري عنك، هراضيكي لو قولتيها بيقين!
كعادتي بفشل إني أتعامل معاه بصيغة دعاء مُعينة تليق بعزته وجلاله، بكلمه بمفردات كلماتي البسيطة، ببصله بعيون طفل بيستعطف حبايبه، ببصله بحُب
وبتخيله وهو بيردلي النظرة بحُب
بلمس محبته في عطاياه ليا، في تفاصيل يومي البسيطة
في يوم باهت مكسور خاطري فيه وملاني إحساس بعدم الجدوى والضياع ف ابص من شباك أوضتي ع الشارع وألاقي شاب صغير في مننتصف العشرين ماشي في عز البرد بيجمع الكراتين وبيدور ع رزقه وأنا بتفرج عليه ومداريني أربع حيطان وعلى كتفي شال وفي إيدي كوباية حاجة سخنة تدفيني من البرد، حسيته بيعاتبني وبيقولي بزمتك انتي مش حاسه إنك في نعمه؟
بجد حاسة بالضياع وأنا مأمنك في بيتك، غيرك أهو مش لاقي مأوى وبيعافر تفتكري هرحمه ومش هرحمك؟
بخجل، بسكت، بحمده، بدعي ربنا يهون البرد عنه ويكون متدفي هو وكل شخص مالوش مأوى
هو أكيد رحيم بيهم، بحس إن هُم كمان ليهم رزق ومتوزع، وربنا لا ناسي دول ولا ناسي دول ف ازاي هينساني؟!
إننا عايشين برحمته، رحمته وستره وفضله وكرمه، إننا منملُكش شيء غير حبة نفس داخلين وطالعين على حبة سعي وطموح في الدنيا، حبة ناس متعلقين في رقبتهم أو هم متعلقين في رقبتنا
كُلنا عندنا حاجة يارب، بنسألك عنها كل يوم بطُرق مختلفة
يجوز بنفشل في طريقة طلبها
بشر بقا، مندفعين، عجولين، جزعين
بس بنتعشم في رحمتك تغمرنا
يا رحيم!💙

View more

Space 💙

١٨ ديسمبر ٢٠٢٠
أصعب المشاعر اللي ممكن يعاني منها الواحد أكتر من إصابته بالمرض هو إن المرض يدق باب حبايبه، يعيش معاهم تفاصيل تألمهم، تعبهم، بهتانهم وهو مش قادر يقاسمهم دا
يقعد يفرك، يدعي، يبكي بس بالنهاية شعوره بالعجز بياكل في روحه كل دقيقة بيحس فيها إن حبيبه بيتألم
على قد ما الإختبار دا بيبين مدى قوة وترابط علاقتنا على قد ما تحمله صعب، إنك تفتح عينك على وجيعة حبايبك شيء قاسي ومش بالسهل أبدًا تجاوزه، ساعتها بتصغر في عين الواحد حاجات كتيرة أوي
الفلوس، الأحلام، المشاكل اللي كنا مفكرينها مشاكل، التحديات اليومية
كل دا ولا له أي قيمة قصاد صحتك وصحة اللي بتحبهم تكون بخير
ربنا مش بيبتلي حد إلا وكان عارف إنه قد الإبتلاء وقادر إنه يصبر وهيجازيه على قدر صبره وتحمله خير، ربنا حنين وله حكمة ورسالة وكل اللي علينا هو التقبل والدعاء
أعتقد إنو أهم كلمة ممكن توجز وتلخص كل الضيقة هي الحمد!
إنه الحمد لله على كل حاجة، وربُ الخير لا يأتي إلا بالخير
فيارب اجعلنا قد إمتحاناتك لينا وخليلنا حبايبنا وباعد بينهم وبين المرض ولو لابد من إنه يزورنا خفف وهون وعاملنا برحمتك مش بعملنا يا رحيم..💙

View more

..

Esraa
اتبقيت في لمة صحاب طفولتك اللي حلفتوا لبعض إنكم هتفضلوا سوا لحد ماجلدكم يكرمش وعيالكم يبقوا صحاب، وبعدها اتفاجئت إن الوصل بينكم ميتعداش مكالمة هاتفية لمدة دقايق كل 6 شهور وربما سنة!
انت ضعت وتهت منك في كل مرة مسكت فيها في شخص واتسابت تاريخ مهجور، في كل مرة حلمت فيها وقمت على كابوس مش عارف تفوق منه، بس انت دلوقتي لسه عايش بين كل حاجة موجودة وسبت روحك هناك وبس يعني..

View more

+5 answers in: “Space 💜”

..

Esraa
مش بؤس اكتر من إن أحيانا بتكون عقارب الساعة بدقايقها ولا ليها أي أهمية إن كانت التاسعة صباحا أم الثالثة فجرا، مش هيفرق كتير لو غبت عن شغلك أو روحته
قابلت فلان ولا قعدت في بيتكم
انت مش هنا، انت في مكان تاني نسيتك فيه وعملت كل المحاولات الممكنة عشان ترجعك وسطيهم ومعرفتش

View more

+5 answers in: “Space 💜”

Space 💜

Moust (76day) مغلق لظروف الجيش
في أيام بتمر على الواحد بشيء من الرتابة والملل، تبقى صاحي ومش مدرك إنك فعلا صاحي، بتمشي بين تفاصيل يومك وانت لسه جواك نايم، جواك سارح في ملكوت لوحده
بتدفى بحبايبك اللي ماسكين فيك وتنبه روحك بغلاوتهم وإنهم أحق الناس بعطاءك فمتغفلش لتصحى على غفلة تلاقيهم مشيوا قبل ماتقولهم عن غلاوتهم في قلبك
بتدفى بالكام تفصيلة اللي غفلت حبايبك فيها وسجلتهم عشان عارف ان بكره يمكن متتجمعوش تاني أو تتغيروا وتصبحوا غربا بكل بساطة الدنيا وسنتها اللي مش مفهومة ولا هتتفهم لحد ماتموت وتبهت صورتك

View more

+5 answers Read more

Space

Moust (76day) مغلق لظروف الجيش
مشكلتك إن عنيكي بتزوغ، قلبك رافض إنه يسلم رايته لأي حد عابر حتى لو نال من وِده نصيب، كأنك بتعاقبي كل اللي خذلوكي على وِدهم الناقص فاتعود قلبك ميسلمش محبته كاملة لحد
مع الوقت شغفك ناحية الناس بيقل، بتاخدي اللي انتي عاوزاه ومتبصيش وراكي حتى لو في تنبيه وإشارات جوا روحك بتقولك استني، امسكي زي ما بيتمسك فيكي، بطلي تفلتي كل مُمسِك وتروحي للي كل المُعطيات بتقول إنه هيفلت ايديكي..
انتي عيانة، عيانة فقد وشبعانة خذلان وتخلي وقلبك اغترف من الخيبات لحد ما شبع لحد ما بقيتي الحد اللي انتي عليه دلوقت
ضحية زي ضحايا كتير بيحاولوا يبقوا أوغاد عشان ينتقموا وياخدوا بطارهم بس للأسف..
«لا انتي هتقدري تنتقمي لطارك ولا هتقدري تاخدي حد تاني على محمل الأبدية.

View more

ˁᴾᴬᶜᴱ♡

A7 د م
لقد انتظرت السنوات بيننا أن تمحي آثار الفَقد والخذلان، لا أعلم لماذا لم تَمحي أثرك أنت الآخر في قلبي
أراك ك نَدبة زرقاء على صدر إحداهن قد تفنن الخلاق في رسم جسدها الممشوق ونحت رقبتها ولاسيما التُرقوة ثُم تناثرت الحسنات لتُبدي طابع خالصًا من الجمال والأنوثه
تَنظُر إلى المرآة فتتعجب
هل يمنح ﷲ كُل ذلك الجمال لإمرأة واحدة ثُم يشوهه على حين غفلة مُرور وَغد مِثلُك؟
تقوم بمُلامسه ندبتها في هدوء وتدمع عيناها في حزن
كَم أنك جميل رغم ما خلفته من آلام وتشوهات
كم أنك غُصة العمر ووجع القلب يا عزيزي..

View more

Next