في البداية كنت مقررة طب أسنان وبعد ماعرفت درجتي التحصيلي حطيت في بالي بديل ثاني ، بس للحين بعد مقررة طب أسنان اذا حصلت الفرصة وأذَن رب العالمين ، الله يوفق الجميع ويحقق مناهم قولي *ياالله* وانتين منهم .
"المحبة قوية كالموت" شفت هدا الشيء اليوم .. تعاون البنات في شيء واحد حبيته وصحيح حسيت المحبة تجمع وشيء جميل تشوف الكل مبتسم .. بعيدا عن المنغصات اللي صارت .
مم بما إن الكلمة عندي حب ، فأني ماعندي ليهم غير الكلام الجميل .. رباب : 8 سنين أعرفها وسنة التخرج هي رقم 9 ، رباب الأم .. اللي بنظرة تهزأنا وبنظرة تقول أحبش . في عيونها قدرة تعبير عجيبة ، دايما الأبيض رباب وأتذكرها فيه لأن روح رباب بيضاء ، طاقتها الإيجابية تلمسني واجد ؛ جمال رباب *مش عادي . خزام : أحب آرائها وكيف تتكلم ، تأنيها لما تقرأ قرآن :( ، من الناس اللي صمتهم فضيلة يعني صمت تفكير وتأمل .. تحب الهدوء ، أحب كيف لما تنادي وحدة وهي من قبل كانت تفكر بشيء * مادري كيف تقول الاسم* ، عقلانية ويعجبني تفكيرها . شوق : اللي تقول إني من الجنة لما أسوي ليها مساج ، شوق أتذكرها لما اكتب شيء جميل .. دمها عسل وصوتها من السماء :( , م اعرف شآقول بعد .. من زمان ماعاندتني . شوق جميييلة انتين . شِريفة : مرة من المرات كنت اتأمل ابتسامتها وقلت في نفسي : " أريد أن أخبرك ياالله ، عن الابتسامات التي تُخرج الحيَّ من الميت فينا " ، ردة فعلها لما تتفاجأ أحبها ههه كدا حماسية زي اليهال ولازم تفتح فمها ، ......* وايد كلام حليو عنش (*; . ضي : قد خفة دمها ماشفت ، أحس بالحياة لما اشوف ضي .. على شطانتها فيسها بيبي ، ومن تدخل الفصل تنام ولما يرن الجرس تنزل الحيوية والنشاط :D ، محلاش بس :*. أركان : كيف دعوات الجدات اللي تبرد القلب وتحسسش بالسعادة دعواتها كدا :') ، حنَيِّنة هالبنت ، تظهر حبها للناس اللي تحبهم واتخيلها تعطي اكثر من اللي تاخده . زينب : لما تستحي واجد تضحك وتقلب طماطة ، ولما تضحك لازم ابتسم وساعات اضحك حتى لو ماادري وش السالفة ههه .. حساسة حبتين ، ونيسة وتسولف مع الكل .وكلهم احبهم لما يضحكوا ♥♥♥يخليهم لأحبابهم يارب .