كل عام وانتم الي الله اقرب وعلي طاعته ادوم ومن الجنه اقرب وعن النار ابعد كل سنه وانتم طيبه وبخير وسعاده عيد سعيد عليكم وع الأسرة الكريمه وينعاد عليكم بالخير واليمن والبركات، كل سنه والضحكه متفارقش وشك، كل سنه وانتم ف سعاده دايما 🌸❤️، والسنه الجايه تكونوا علي عرفات بأذن الله وتكونوا محققين كل احلامكم
يُذكر أن عابِدة أُصيبت في أصبعها فحمدت الله على ذلك ..
فقالوا لها: كيف تحمدين الله والأصبع قد أصابَه ما أصابَه ؟!
فقالت: حلاوة الأجر أنستني مرارة الصبر .
رفع الله بذلك قدرك وأذهب عنك بأسك .
انا اكتشفت ان عمر ما المحبة بتبان واحنا حلوين مع بعض او في ضحك وهزار.. المحبة بتبان في وقت الزعل وقت الخصام بتبان الغلاوة والتقدير بتعرف انت بتهون ولا لا.
الوحدة صعبة فعلا
انا قربت يجيلي توحد من كتر ما بقعد لوحدي
و لا انا مبسوطة لوحدي و لا عارفة اختلط بالناس
ليه يابنتي كدا 😢 اكيد ليكي صحاب في الجامعة او حتي صحاب المدرسة والثانوي او جيران عندهم بنات او حتي قرايب او بنات خاله او عمه روحي اتكلمي مع حد منهم واخرجوا واتبسطوا وكلوا ايس كريم واتمشوا و اتكلموا كتير و عبري عن اي مشاعر عندك سواء مبسوطة و فرحانه او زعلانه وعندك ضغوط كتير ، اخرجي من القوقعه اللي حابسة نفسك فيها ... ولو فيه فرصة شغل مناسبة ليكي اخرجي اشتغلي وكوني علاقات و تعاملي مع الناس .. ، لو قفلت خالص يعني مش مهم .. ، صحبي نفسك واتعرفي عليها كويس ومن قريب واعرفي بتحبي ايه وبتكرهي ايه وعايزة ايه وهكذا رحلة صعبة بس ممتعه والله بتريحك جدا ساعتها مش هيهمك لو فضلتي لوحدك علي طول لانك هتتونسي بنفسك جدا .. ❤ انا مكنتش بردو بعرف اتعامل مع الناس كويس ومكنتش بخطلت بحد تقريبا غير البيت و بتفرج عليهم من بعيد 😂 بس طبعا دا غلط واثر عليا بشكل كبير ، لحد ما قررت اني لازم انزل المعركة واتعلم واخوص التجربة و امسك سلاحي عشان الناس صعبة واحافظ علي مبدئي وسطهم وشخصيتي 😂 وبرجع اعيط في اوضتي براحتي واطلع استرونج 😅 بس مش مهم انا بخوض تجربتي ورحلتي ، مرة علي مرة بتيجي والله المهم نحاول . *ملاحظة * طالما الموضوع دا مزعلك ومضايقك يبقي انتي مش انطوائية عشان متفكريش نفسك انطوائية ودا طبع ومش بيتغير والكلام دا .
1. انسان تُحبه لكن غير سعيد معه 2. انسان سعيد معه لكن لا تُحبه ولماذا؟!!
سعيد ومش بحبه ازاي دي ؟😂 اكيد لما الانسان يكون سعيد مع حد فأكيد بيحبه والعكس .
هل أنت ممن تحب إلقاء اللوم على الآخرين عندما يصعب عليك تحمل مشاكلك.!؟
ابدأ مبحبش الطبع دا جدا ، ساعات بأخد قرارات نيله وبتحمل عشان دا كان اختياري و اهو بنتعلم 😂
يجدعان هو انتو بتذاكروا ازاي !
يعني لو قدامك ملزمة فيها 15 صفحة وعندك امتحان بكرة هتعمل اي ؟
هقرأ 15 صفحة قراءة سريعة افهم الكلام عن ايه ، وبعدين ارجع اقرأها تاني بفهم كويس و اجمع النقاط الاساسية و ربط بين الكلام واشوف اسئلة لو متوفر ولو فضل وقت ارجع اذاكر تاني من الاول .