ولو طلعت من الدنيا بواحد بس، مش من أهلك.. من اختيارك واختياره.. صاحب أو صاحبة.. قابلك زي ما انت بقرفك وعيوبك.. يبقى انت نجحت في امتحان الدنيا.. ماخسرتش زي ما انت فاكر وحاسس.. واحد بس فضل موجود.. أحسن من مليون واحد باع ولسة هايبيع ..
لما تهادي حد بتحبه.. فكر في اللي يعجبه.. مش اللي يعجبك.. الناس في فوران المحبة بيقولوا احنا شبه بعض.. ف بتستسهل... اكيد اللي انا بحبه هو هايحبه.. معلومة مؤكدة.. انتم مش شبه بعض.. مش زي بعض.. كل واحد ليه ظروفه وحياته ودنيته.. مش معنى انكم حبيتوا بعض انكم بقيتم شخص واحد.. ده قمة في الامتلاك وبيمحي شخصيتك.. فكر بدماغه مش بدماغك..هاتعرف امتى انك بتحبه؟.. لما تجيب حاجة انت شايف انها مش منطقية ومالهاش لازمة وكاره نفسك وانت بتجيبها.. بس هو بيحبها !
déjà vu may be the result of two different streams of awareness colliding: the experience of recognizing a current situation, alongside the feeling that this is an inaccurate recollection. A key feature is that the person realizes that they have not actually seen this before.
كبّرت وعرفت إني مش شرط علشان بعامل الناس حلو ف هتعامل حلو ، وإني لما أحب هتحبّ بنفس المقدار ، كبرت وعرفت إن كل واحد مينفعش يستني المستحيل وهو معملش حتيّ المُمكن ، كبرت وعرفت إن العلاقة مبتستمرش مع طرف مش حابب انها تستمر ومبيعملش اللي عليه ، كبرت وعرفت إن الكلام ساعة الخناق بيزود المشكلة الضِعف ، كبرت وعرفت إن مش شرط علشان وعد هيوفي ، كبرت وعرفت إني مينفعش أبقي حد تاني غيري ، ومينفعش يبقي جوايا كلام ومقولهوش في لحظتها ، كبرت وعرفت إن محدش بيتأذي في الزعل غيري ، كبرت وعرفت إن الكلمة الحلوة بتعمل كتير ، وإن الزعل ممكن يهّون لو معاك اللي بتحبه، كبّرت وعرفت إنه مينفعش أوقف حياتي علي حاجة ولا علي حد ، وإن اللي معايا النهاردة بكرة ممكن منعرفش بعض تاني من غير سبب ، كبّرت وعرفت إن لازم نبعد عن الزحمة ، ومعرفتنا تبقي ب عدد قليل ، وننقيهم كويس .. كويس جداً ، كبرت وعرفت إني مينفعش أنبهر من أول قاعدة ولا من أول كلمة ، كبرت وعرفت إني لازم أقفل علي قلبّي ومدخلش الا اللي احس إنه هيخاف عليا ضعف خوفي علي نفسي ، وإن الضربة اللي بتكسر وبتطول بتقوي وبتطلعني واحد تاني. ، كبّرت وإستحملت وعرفت إنه مينفعش أرضي بالقليل ، وإني اعاتب في الوقت اللي أحس فيه أني محتاج أعاتب ، كبرت ولسه هكبّر ولسه هعرف إني لازم أتعلم ومزعلش !✋
ستتعجب من قدرة الناس على التخلي، ستندهش من قوتهم في تحمل الألآم، وصمودهم أمام كل الأشياء التي تدفعهم للإنهيار، لن تستوعب قسوة الأحلام التي تتحطم فجأة ولن تدرك معنى أن ينتهي الوصل بين أشخاص تتحدث معهم طوال الوقت، تتجنبهم وتتجاهل وجودهم حتى يصبحوا كالغرباء، ستبقى مندهشًا أمام الحياة حتى تكتشف فجأة إنك مررت بكل هذا دون أن تشعر ودون أن يشعر بك أحد، فجأة واجهت الحياة بوجهها الحقيقي وفجأة أصبح التوقف للحظات وإدراك ما يحدث رفاهية لا تملكها..
المبادئ مالهاش علاقة بالصح والغلط.. الحلال بين والحرام بين.. المبادئ هي الحاجة اللي انت بتحطها لنفسك وللمجتمع حواليك عشان يعاملوك وتعاملهم بيها.. مش جه بقى الوقت اللي نتناقش فيه إن المبادئ بتتجزأ عادي جدًا؟.. وإن كلمة "المبادئ مش بتتجزأ" كلمة مطاطة جدًا ومالهاش معنى وفي أحيان أخرى اسلوب ضغط؟.. طيب عارف كام واحد استخبى واضطر يعمل حاجات كتير في السر عشان مايظهرش قدام الناس انه غير مبادئه؟.. فبدأ يكدب ويخبي وكل الحاجات اللي نفسيًا بتدمره عشان "بس" الكلمة دي؟.. افتكر في كام مرة قلت على مبدأ جواك.. وغيرته مع حد بتحبه أو قريب منك.. (بينا وبين بعض عادي).. مع انك مستحيل توافق أو تقول ده مع حد بعيد شوية.. كلمة تحسها بتفرض عليك مثالية مش موجودة في الحياة.. المبادئ بتتجزأ.. طبيعيتنا البشرية أصلا متناقضة.. ازاي أقنعنا نفسنا إن مبدأ واحد يقيدنا عشان "مابيتجزأش"؟..