Ask @HadeerMehaya:

ليه الانسان يبقي مُحاط بـ كمية الخساير دي!

جايز عشان مبيحاولش بالقدر الكافي ؟! او جايز عشان بيحاول ودا اختبار من ربنا وفاضله محاوله واحده ويشوف عوض وكرم ربنا عليه؟ ، جرب تاني جايز دي كانت اخر مره هتخسر فيها ...

View more

‏هل فعلاً في نهايه المطاف الواحد هيلاقي حد يطمنه ؟ يقدر يفتح دماغه ويطلع كل الي فيها قدامه من غير أحكام من غير ما يبقي خايف يقول الجزء ده؟ فيه حد هيحتويه ويكون جنبه وبيبصله نفس البصه من غير ما تتغير مهما حصل؟

اعتقد طول م انت مستني حد يطمنك ويحتويك مش هتلاقي او حتي لو هتلاقي ف لحد م تلاقي هتفضل بائس كده ، طب وليه طالما انت ممكن تحتوي نفسك وتطمن نفسك وتشوف اللي نفسك فيه وتعمله ؟ م تجرب تدي للزعل حقه شويه لو هو من وجهة نظرك يستاهل .. عادي مشمهم لما تزعل وتكتئب وتطلع طاقتك شويه ف الزعل بالطريقه اللي تريحك وخد وقتك يوم يومين اسبوع ، وبعدين فوق لنفسك تاني وابدا أشتغل علي نفسك ف اي حاجه بتحبها واشغل نفسك عن حزنك بحاجه تفرحك هتلاقي الدنيا احلوت وبقت فل ، افضل حاول وعافر مع الدنيا ومتستناش حاجه من حد

View more

بتعمليها ازاي؟

بصي بتسلقي المكرونه عادي وجمبها ف حله تانيه يعني بتعملي بشاميل خفيف كده ، يعني بتحطي مثلا كوباية دقيق وعليها كوباية لبن "وممكن تخففيه بالمايه لو مبتحبيش الاكل تقيل" وتفضلي تضربيه بالمضرب كتير عشان ميكلكعش ولما تحسي انه بقي تقيل شويه كده بس يكون اخف م البشاميل بشويه ابداي بقي حطي التوابل بتاعتك ملح وفلفل وبابريكا واي حاجه عايزاها عادي ، ولو عايزه تحطي جبن حطي ميكس جبن بيدي طعم حلو بردو ، وبعدين كده الصوص خلص ف بتحطيه ع المكرونه وبتقلبيهم وتاكليهم ي ست الكل 💖😂

View more

+4 answers in: “مكرونه وايت صوص ولا ريد صوص”

"إنّها واحدةٌ من أشد المراحل تعبًا؛ المرحلة التي تكتشف فيها أنّك وحيدٌ أكثر من أيّ وقت مضى، وأنّك بكلّ حُزنك لا تعني للعالم شيئًا."

والله احنا م جايبنا ورا غير الكلام البائس اللي بنشوفه ع السوشيال ميديا دا ، م تجربو متصدقوش الكلام دا وتعايشو مع نفسكم شويه ، مش جايز الدنيا تحلو ونطلع م اللي احنا فيه دا ؟

View more

اسفه على قسوه السؤال؟ عملتوا ايه لما اتكسر بخاطركو..💔

بعدنا خاطرنا عن اللي كسره وعالجناه ، م هي الدنيا كده تكسر بخاطرك وانت عليك تداويه وتعالجه وتعالج نفسك وقلبك وصحتك وتيجي الدنيا تهد كل دا تاني وانت تبنيه تاني وهكذا ، لو كسلت وبطلت تبنيه وبطلت تصالح نفسك كل يوم ع الدنيا مش هتلاقيلها طعم وهتفضل عايش بلا هدف ، ولو فضلت تحاول مع نفسك وتجاهدها م اليأس هتوصل لكل اللي انت عايزه وربنا هيعوضك أعظم عوض والله ، وما بالك بعوض ربنا بقي ♥️
ملحوظه: انا معرفش اي اللي بقوله دا بس اعتقد انه كلام سليم ميه ف الميه ي أنون ي بائس انت

View more

Next