S℘ace 🌹

Mohamad Mostafa
التعلق الزيادة بالأشخاص هيّ أكتر حاجة غير صحيّة على الإطلاق، مفيش فرق بينها وبين إدمان السجاير أو أي مُخدّر، وضررها بيكون أقوى لإن الضرر بيكون نفسي وعضوي، مش صح نتعلق بحد بالشكل ده أيًا كان هو مين حتّى لو بابا وماما، أيوة حتّى أهالينا، لإن الحقيقة الوحيدة ف الحياة دي إن محدّش بيفضل، كُلّه بيمشي من غير أي استثناء، سواء بمزاجهم أو غصب عنهم، بيمشوا وهُمّا عايشين وواعيين للضرر اللي هيسببوه لينا، أو الموت بياخُدهم منّنا بلا رجعة، بس ف النهاية إحنا جايين هنا عشان احنا اللي ننجح، واحنا اللي نوصل للي عايزينه، واحنا اللي ننبسط، مش حد تاني.. كل الناس اللي حوالينا دول هما مُشاركين في حياتنا بس..
_الحسن البصري كان ليه مقولة حلوة أوي بيقول فيها "أحبّوا هوّنًا، فقد أفرط أقوامٌ في حُب أقوامٍ فهلكوا"، ف بلاش نتعلق بحد زيادة عن اللزوم عشان لمّا يمشوا ويسيبونا منبقاش أرواح خاوية، عشان مينفعش الطُرق تفرقنا أو الموت يبعدهم عننا ونُحكم على نفسنا احنا كمان بالموت، بس واحنا عايشين.