Ask @Hager_jamal:

مين يعرف اجمل طريقة نحفظ بيها القران ومين نفسه يحفظ ؟😍

الحصون الخمسة طريقة ممتازة الاتقان ، وتحتاج جدية .
الفكرة مش أجمل الفكرة ايه الأفضل لك وانت في أي مرحلة ، وهظفك من وراء الحفظ يكون لله لابد من شيخ معلم وإن لم فالتزام أحد القراء الكبار زي الحصري
ربنا يرزقك من الخير

View more

لكنه لم يكن يعرف ان فرحته لن تكتمل

أعتقد إنه طبيعي إن الفرحة أو شيء يكون ناقص في الدنيا ، ومش هيكتمل إلا في جنة الآخرة .. خاصة إن النفس بتسعة الكمال ...وعلى الشاعر :
لكل شيء إذا ما تم نقصان
بس هو ليه بنحصر الفرحة في حاجه أو اثنين ولازم يكملوا لحد الآخر ، ليه مش بنبص على كل نعمه كأنها فرحه وإن كل الحاجات اللي مرينا بيها وأسعدتنا بتكوّن صورة كاملة
نحاول يمكن نظرتنا تتغير

View more

وقفة ~

1
6
15
4
هذه ليست أرقام وإنما أرواح بريئة أعدمتها يد البطش والطغيان عيانا ، قرارات أقرت بدم بارد ..وما خفي كان أعظم .
نحتسبهم عند الله من الشهداء
والله إن الله غالب على أمره ، بعذاب من عنده أو بأيدينا ، والعاقبة للمتقين ، فتربصوا ..
يارب ارحمهم وارفع درجتهم وصبر أهلهم واربط على قلوبهم وارزقهم ثباتا من عندك ويقينا راسخا في موعودك
ارشدنا لسبيل أنت أعلم به منا وائذن لنا بما يرضيك عنا واستعملنا ولا تستبدلنا ..
وأنت العليم القادر يارب .

View more

أوصفولي معني الصدفه ............

Omnia Eissa
بصراحة مش مقتنعة إن فيه حاجه صدفه ، هو قدر ممكن يكون ظاهره حلو او وحش وبس ، واحنا لو فكرنا في الحاجات المفاجئة اللي بتحصل معانا على إنها قدر من ربنا تعاملنا معاها هيختلف اكيد ما لو اتعاملنا انها صدفه ، ببساطة لأن مفيش حاجه اسمها صدف في الحياة .. هي أقدار مكتوبة .

View more

و قال أحدهم ذات مرة : " لا أحتاج إلى علاقة أبذل فيها جهدي حتى أصل للكمال بعينيك، أحتاج إلى علاقة أتساءل فيها لِمَ تراني بهذا الكمال وأنا تكسيني العيوب. "

Shimaa Dwidar
ملفت ،،أقارب المعنى وأخالف اللفظ ، فالكمال صفة غير واقعية والحديث عنها محض الأحلام وإنما هو المقاربة والتسديد .
لعل الواقع يثبت أنه هناك من يرى بعض العيوب في العلاقات لكنه لا يأبه بها فما في القلب أقوى وأرسخ ثم ينعكس ذلك على السلوك إحسانا ورحمة ، مودة وسكنا ،صلة وقربا.. وعندما لا ترى العين إلا كل ما تتمنى ..

View more

هل أنت اجتماعي أم انطوائي؟

معروفة دي
انطوائية :)
وبالمناسبة أخدت سنين بحاول أغير طبيعتي لحد ما اكتشفت إن دا غلط ! دي أنماط شخصية مفيهاش حلو ووحش فيها أنا كإنسان يريحني إيه بدرجه أكبر - لأن مفيش راحة مطلقة هنا - وعادة اللي بيريح اللي ربنا فطرنا عليه سواء اجتماعي أو انطوائي .
اللي بيريح الاجتماعي هو نفسه اللي بيطلع عين الإنطوائي ..هكذا الحياة :)
نفسي بس الناس تحاول تتفهم وتفهم طبيعتها وطبيعة اللي بتتعامل معاهم ونمطهم ونفسياتهم ، هيوفروا كتير على بعض والله ..

View more

لون البشرة الفاتح أم اللون البرونزي؟

تخيلوا انه الموضة بقت تاخد خط لون البشرة وكل فترة يبقى الموضة درجة ما على أساس انه اكتر من نص العالم مخابيل بيجروا وراها وهم مغمضين
يا ناس ربنا خلقنا مختلفين في الصفات والأشكال وخلانا مختلفين في الأذواق
الجمال في كل شيء من صنع الله لكن البعض لابس نظارة قادة خطوط الموضة مبيشوفش غير بيها
يعني ذوقهم تقليد مش أصلي

View more

هل من العيب أن يكون المرء خجولًا؟

خجولا نعم يعد عيبا لكن يمكن تخفيفه او علاجه .
لكن يجب أن يكون حييا فهو أصل في تكوين الشخصية على السواء للرجال والنساء ولكن تختلف بعض صوره بينهما
هذا مع افتراض أن مصطلح الخجل = الحد الأعلى المبالغ فيه من الصفة .

View more

Next