اول شي انا انسانة مو اجتماعية علاقاتي محدودة جدا مع الناس يعني صحباتي تلاتة مايكترو عن كدة ممكن اقول اني ماشية على المثل اللي قول (( قلل ناسك يرتاح راصك )). احب اللي تلفتني ابتساماتهم، اللي لما اشكيلهم عن شي مايقاطعوني وفي الأخير يقولولي نحن فاهمينك، اللي بيينا اشياء بسيطة مشتركة، احب الناس اللي تتقبل مزاجيتي المتقلبة عادة لما ازعل اسكت وما انطق ولا بكلمة فما احب اللي تجلس تزن وتزن عليا إلا تبى تعرف انا وقت ما ابا اقول ووقت ما ابا اسكت. عادة ازا شفت شخص لأول مرة وما ارتحتلو نفسيا عادي جدا انو ما اتقرب منو حتى لو ما كلمتو وعرفت شخصيتو واخلاقو، اكره الناس اللي كل ماتشوفني تزكرني بشكلي او اشياء غبية سويتها قبل 10 سنين، الناس اللي اكرهم اكتر من اللي احبهم مع إنو في الكره نبذل طاقة ومجهود اكتر.