حد حاسب نفسه علي اخطاء هو ارتكبها ف حق نفسه ولحد دلوقتي بيعاني منها ؟؟

لأ ده غالبا بيبقي بسبب انه لسه بيفكر ف الاخطاء دي و مش بيبص ازاي يصلح من الاسباب اللي وصلته ان يعمل الخطأ ده. و ده ف حد ذاته اهدار لوقته و لفكره.
افضل حل انه يبص لقدام و يحاول يبعد عن الاسباب اللي كانت سبب ف انه يوصل للاخطاء دي

طب لو مكانتش اخطاء بسببك انت وبقت نقطه سوده معلمه ف حياتك حولت مجراها من حياه شخص كان تلقائي ف التفكير لشخص بيفكر حتي ف اقل التفاصيل ؟؟

هو مكانش واضح ف السؤال بسبب انك سالت ف نقطه اخطاء هو ارتكبها
مش اخطاء بسببك انت.. بس عموما مفيش مشكله بتحصل او خطأ و انت حاسس بيه يبقي ده معناه بشكل او بأخر انت سبب لحدوث الخطأ ده.. و ده اللي مسبب عندك التفكير الكتير في النقطه دي.
زي ما وضحت افضل حل انه يقعد مع نفسه و يجيب ورقه و قلم و يكتب كل الاسباب اللي كان شايف انها سهلت وقوع المشكله او الخطأ ده و يبدأ علي الاسباب دي او المشاكل و يبعد عنها او يحاول يحلها لو ليها حل يقدر هو يعمله.. بس كده
بالطريقه دي مش هيكرر المشكله.. و يبدأ صفحة جديدة و يعيش حياته عادي.