مساحة لك... ♥📝👑

Sama ahmed*soon*
في البوسة، وقت حدوث البوسة يعني، الطرفين لما بيبتدوا يستعدوا للحظة دي، كل واحد منهم بيتحرك وياخد فعل عشان البوسة تكمل، يقال ان الراجل بما انه اجرأ شوية بيتحرك ناحية البنت بزاوية 70 درجة والبنت بتتحرك ناحيتة بزاوية 30 درجة وتكمل عملية البوسة.
..
البوسة لازم تبقي في مكان محايد، عمر البوسة ما تتحسب بوسة لو كانت من طرف واحد اتحرك ناحية الطرف التاني كل المسافة دي.
وهي دي باختصار العلاقات الانسانية
..
انا قربت ووقفت مكاني عشان اسيبلك مساحة انت كمان تقرب، أنا مبعدتش، انا قربت علي اد ما اقدر ، قربت ووصلت للحد الأقصى من القرب ، وهي دي فرصتك ومساحتك .. انت اللي لازم تقرب، ماينفعش تفضل مكانك ، وأنا مينفعش اقرب اكتر من الحد المسموح ليا ، لو قربت هتلاقيني موجود .. ولو بعدت هزعل ، يمكن مش هيبان عليا ، يمكن مش هتشوفني متأثر زي ما انت متخيل .. بس أحساسي بالذنب هيبقي قليل عشان دة قرارك انت .. أنت اللي اخترت متقربش .. انت اللي اختارت متكملش البوسة.