فكرة إنك تبقى عارف عيوبك وبتحاول تغيرها أو على الأقل تبقى مُعترف بيها أحسن بكتير جدًا من العناد ، وإنك تحاول تبان كويس وتمثل المثالية ، بحترم الناس إللي بتتعامل بطبيعتها من غير ما تتصنع شخصية حد تاني ، وصدقني إنك تعترف بعيوبك وتحاول تصلحها أو تقلل منها دي حاجة عظيمة لكن متبقاش منافق .
غالبا سبب إكتئاب أي شخص هو إحساسُه بـ إنُّه مش مهم أو مفيش حد مُهتم لأمره وده شعور أصعب من الوحده لإنه ممكن يحصلك وإنتَ حواليك ألف شخص، اللحظة الحقيقية إللي بيحس فيها الشخص بالسعادة لمّا يكون مرغوب فيه وأُموره مهمة بالنسبة لشخص ما بيحسسك بوجودك وإنك شخص مُميز ومحبوب ؛ كلام بيعدي علينا وبنقراه الف مره بس منحسش بيه الا لما يحصلنا فعلاً ونتخنق كدا.
حين اراك يزول نصف همي وحين تبتسم يزول نصفه الاخر
🇦🇷❤️❤️
إلهي، لم أجد شيئًا واضحًا أدعوك به، إنني هادئ تمامًا ولكن الأمور ليست على ما يرام، يكفيني أن تنظر إلي، لأنك وحدك ستغمرني بالراحة التي أستحقها، لأنك رأيت الشوط الطويل الذي قطعته كم كان مليئًا بالخيبات، اُؤمن بالعوض منك،وأشعر بمحبتك وأدعوك أن لا تتركني من دونها يومًا .
من أكتر الحاجات الي بتسيب في نفسك أثر سيء هو فقدانك لموهبة كنت تمتلكها أو شغفك تجاه شيء معين، زي حبك للقراءة، قدرتك على الكتابة، ممارستك للرياضة، مهارتك في تكوين صداقات وعلاقات جديدة، شطارتك في الحفظ وتعلم أي حاجة بسرعة، إحساسك طول الوقت بإنك كنت شخص أحسن في الماضي ده إحساس وحش .
" خسارتك كانت أكبر من خسارتي .. انا خسرت شويه سنين عباره عن وقت .. لكن انتي خسرتي حد كان ممكن يجيبلك نجمه من السما وكان مستعد يعيش علشانك ومكنش عايز حاجه غير أنه يفضل جنبك ويشوفك مبسوطه شكرا أنك علمتِني ان محدش يستاهل احبه واديله مشاعري كدا.
شكرا أنك عرفتي تخليني ابطل أحبك واكرهك وامشي عشان عمري ما كنت هعرف امشي لوحدي ابدا .
انا عِشت معظم حياتي أتجاوز هزايم وأشخاص وذكريات، وفي كل مره بقول خلاص مفيش حاجه تانيه أخسرها، وفي كل مره بكتشف لا في تاني وبخسر تاني، انا كتافي تعبت، انا مش محتاج حد يواسيني قد ما محتاج إني أوصل لبر، ليه الدنيا مستكتره عليا شخص واحد يبقالي من غير خذلان ؟ ليه كل الهزايم دي ! ليه ؟!
بيراودني دايما شعور ان المره اللي هقف عندها وابطل احاول هتكون هي دي المره اللي لو كنت حاولت فيها كانت كل حاجه هتتغير والموضوع بقي مرعب بالنسبالي.
فكرة إنك تحاول تتخطى حاجة جواك مسببالك حزن جامد و تعباك نفسيا دي حاجة مش سهلة خالص الحقيقة إن الواحد بيعافر وقت طويل و ممكن أوي يلاقي نفسه واقف مكانه زي ما هو و المجهود و المعافرة دي كلها كانت على الفاضي ف حقيقي ربنا يعين كل واحد بيحاول يتجاوز مرحلة معينة كانت سبب في تعبه نفسياً .
انا بستغرب جداً إزاي وجود اشخاص بيخلينا طايرين فوق الدنيا كلها و طول اليوم بنضحك و بنتكلم من كتر الطاقه الي فينا و إزاي بس وجودهم بيقدر يرجعنا الشغف وحب الحياه، ولما بيبقوا مش هنا بنبقي ساكتين هادين كدا، البني ادم ازاي بيبسط اخوه البني ادم كدا ويخليه فريش كدا .