Ask @HsoosTk:

الله يسعععدددك حصصه😍😍😍 اييوه بس هذي موادنا وزياده عليها فسيو١ شرايك فيه؟ 🤔💛

ويسعد قلبك حبيبي أنتِ ):♥️.
الله يوفقكم ويسخّر لكم الدكاترة😔♥️.
فسيو ١ من الطب😻 كل أسبوع تجيكم دكتورة بس دكتورتكم المشرفة على المادة دكتورة منال ):♥️♥️. لطيفة مرة ومرة متعاونة ..
بعد تدرسكم دكتورة أشواق تجنن😭😭♥️ ، وتفهم جزئيته كويس كانت تشرح الدم مع انيّ كنت أكرهه بس مرة سهلته لنا ):♥️♥️.
وفيه إيناس ووحدة رابعة بعد بس ناسية إسمه ، كل وحدة ولها جزئية تشرحة وله عملي .. العملي حقه مرة سهل وسخيييف ، بس أهم شيء تأخذون محاضرات العملي منهم بدري أذكر بوقتنا ما أرسلو لنا المحاضرات الا فجر الاختبار💔.
بس لا تشيلين همه مرة سهله المادة ، وأسئلة النظري مرة حلوه طبعًا الأسئلة من عند البنات مو من العيال اليّ تشرف عليهم منال ودكتور العيال مخليّ الأسئلة هي والدكاترة الباقين يكتبونه ، بس حلوة م بالسوء الي يقولونه عن اسئلة البنات ..
لا تشيلين همها تراها سهله بس ذاكريها اول باول عشان ما تنضغطين بالفاينل ، اساسًا حتى محاضراتها شوّيه بنص ساعة تخلصينها ماتاخذ منك شيء ، بس لا تهملينها وتهتمين بغيرها فيها حقها ):♥️.
والله يوفقك ياقلبي وتجيبين فيها وبكل المواد اليّ تتمنينه♥️♥️♥️.
وأمريني لو فيه شيء بتعرفينه بعد ):♥️♥️♥️.

View more

"رحمة الله التي وسعت كل شيء، ستسع ألمك الذي خفي على الجميع إلّا الله، ستسع حزنك الذي يتقلّب في صدرك بصمت لا يسمعه أحد إلّا الله، وستسع انكسارك الذي لم يظهر على عينيك، ولم ينزل شكوى على مسمع أحد، ولا يعلم به أحد إلّا الله، سيرحمك، سيلطف بك، وسيجبرك، لأنّه الله ربّك."

The Best.
الحمدلله، اللهم الجبر💛.

View more

حصوص ننتظرك تتكلمين عن مواد ليفل ٣ 👀👀😂💕

أبشري ياقلبي😂💗💗💗.
الصدق كان أسهل مستوى من دخلت الصيدلة ):💗💗💗.
كان جدولي، مناعة - عقاقير - صيدلانيات ١ - سلم ١٠٤ - بايوكمستري - براكتس .
مناعة مع دكتور أمين يجنن😭😭 شرحه مرة حلو وأسئلته كانت مرة سهلة، كان يشرح نفس السلايدات وبأسئلته كان يبي تتكلمين بكل شيء هو تكلم عنه طبعًا من فهمك إذا صار هو اليّ يعطيكم المادة تضمنين عنده A+😭💗💗💗.
عقاقير مع دكتورة نادية وكنت أسمع دكتور العيال كلهم يسهلون المادة ويلمحّون بأسئلة، ومرة متعاونين ودكتورة نادية مرة سلسة بالتصحيح ودائمًا مع البنات صدق المادة شوي دسمة وكثيرة معلوماتها بس هي تسهله للبنات قد ماتقدر💗.
صيدلانيات ١ بتستمتعون بالمادة هذي ): كلها أدوية وتصنيع أدوية مرة سهلة كانت تدرسنا داليا، بس كنت أسمع لدكتور العيال وكلهم شرحهم مرة حلو واسئلتهم حلوة ، وتجيك واضحة أهم شيء إسمعي لدكتور العيال لأنه أحيانًا يقول معلومات مو بالمحاضرات ويجيب منها .
سلم ١٠٤ عاد على حسب الي تدرسكم بس سهل ماتشيلين همه ):.
بايو أميرة😭😭😭💔 ، الصدق المادة مرة دسمة مرة مرة بس مو صعبة صدق معلوماته تغث وأميرة تضيّق الصدر من كثر ماتشدّ على البنات بس تعتبر السهل الممتنع ، أسئلة دكتور العيال سهلة وواضحة فيه سؤال أو سؤالين بالكثير تجيبهم أميرة عاد تربط لك اكثر من محاضرة بسؤال بس عمومًا مادة تعتبر حليوة بس شدّي حيلك فيها وتحتاج جهد ):💔💗.
عاد أخر مادة براكتس😭😂. مدخل ٢ نفس المدخل بأول ثلاث محاضرات والباقي محاضرات خرابيط حرفيًا مالها داعي ، ماتعرفين كيف تدرسينها ولا تعرفين وش تبين منها أصلًا ..
شوفي مواد المستوى الثالث مرة سهلة وغير غيير عن أول سنة وترفع معدلك بس ذاكري كويس ..
أتوقع جدولكم غير عن الي أخذته ، إذا فيه مادة منزلتها غير عطيني خبر عنها وأقولك اذا اخذتها او لا ، البايو مادة المستوى الرابع بس نزلتها بالثالث تخفف عنّي بالرابع💗💗.
اذا يدرسونكم نفس اليّ يدرسوني بتصير سنة حافلة عليكم😻💗💗💗.

View more

For u ?:

لقلبي لم يسعني يومًا بأن أساعدك في تجربة شعور الأهمية العظيمة عند أحدهم، وشعور أنك عالمًا بحاله عند شخصٍ ما مازال نائمًا لأننا لم نستيقظ بعد، شعور الخوف في نبرته لأن مكروهًا ما أصابنا، شعور الإنتماء إليه، أو شغف الحب إلينا.

View more

Next