الإكتئاب على شكل شب لابس تيشيرت أسود وبنطلون أبيض،

Mohammed Jihad
ثاني مرّة صابني الإكتئاب، كنت حدا جبان كثير وبخاف من كُلّ اشي حوليه، بخاف يمشي لحاله وبخاف ينام لحاله وبخاف حتى يعيش لحاله، عيوني صار تحتهم شارع اسود على قد ما كانوا يتطلعوا هون وهون، بالثانية الوحدة كنت أشوف مليون شخص بروحوا وبيجوا قدامي كنت اصرخ بدون اي سبب، وأضرب حالي على وجهي، واحكي لحالي وانا بعيط " ولك اصحى اصحى "، بس ما كنت بسمعني، وقتها كان الإكتئاب بشبه شب لابس تيشيرت اسود وبنطلون ابيض، وقف قدامي ومسك إيدي، وحكالي " من شو خايف؟، خايف مني؟"، صرت ارجف وحكيتله رروح رووح بعد عني ولك بعد، سمعتني إمي وحكتلي مع مين بتحكي؟، ما بعرف ليش وقتها حملت الذنب لإمي وحكيتلها "كله منك كله منك"، صارت تعيط وفاتت على غرفتها المسافة من غرفتي لغرفتها أخذت مني اسبوع من المشي، كل خطوة كنت أمشيها كانت تحرقني الجمرة تبعت الأرجيلة وقت صابني الإكتئاب أول مرة، وكأنه الجمر كله منثور على الطريق بين غرفتي وغرفة إمي، اسبوع كامل بحاول اوصل غرفتها وما قدرت.