_🖤

F
بعتقد إنه لو كنت بيوم قريب من شخص، وهاذ الشخص ارتبط وقرر يبعد عنك، أو دخل حياته شخص ومجرد ما دخل حكالك خلص روح بطريقة غير مُباشرة، هون رح تحس بإنه في جواتك اشي ناقص ومش مفهوم "إنه ليش؟"، بعزّ وجعك كنت معك وسندك، وبعزّ فشلك كنت أنا فرحك، ما بننكر بإنه النّاس بتتغير، وإنه يلي بتحبه وبدك وجوده رح يبعد عنك بس لأنك فعلاً قدرته.
فعلياً، بكُلّ مرة بتتعرض للخذلان، رح تيجي وتحكي معقول انا الغلط؟، يعني في جواتي اشي غلط؟، طيب انا لأنه كنت فعلاً مهتم لأمرك وماخذك الصاحب الحقيقي بكلّ معنى الصُحبة، المفروض مين ما كان الشخص يلي إنت دخلته قلبك ما ياخذ مكاني، ولو أخذ، المفروض ما تروح والله.
كثير ناس بحكولي محمد صار معي موقف، صاحبي راح فجأة لأنه ارتبط، وبرضه بنات بحكولي محمد صاحبتي راحت لأنه ارتبطت، شو نعمل؟، طول عمري كانت إجابتي على هيك سؤال بإنه "الشخص يلي بروح من إيدك وإنت مقدمله كل الاهتمام والخوف، وكل الحبّ والمودة، ومع هيك اختار يبعد عنك مقابل وحدته مع يلي بحبه ما تزعل منه اتركه يعيش حياته".
منطقياً، الصداقة أقوى من الحُبّ، أقوى بكثير اشياء ما بقدر أعدها واشرح عنها، بس هو أقوى؛ لأنه وبكلّ بساطة مش كل اشي بتقدر تحكيه للشخص يلي بتحبه خوفاً على مشاعره تجاهك وعلى علاقتكم، بينما لو غلطت غلطة جداً بسيطة رح تيجي لصاحبك، مثال جداً بسيط على القوّة يلي موجودة بالصداقة.
بس تقرر ترتبط بشخص ما تخسر صاحبك، صاحبك هو صاحبك ولو ارتبطت، ولو بيوم قررت تخسر صاحبك مش يلي بتحبه، ادعي ربنا ما يحطك بنفس الموقف؛ لأنه وبكُلّ صراحة!، اشي بحرق القلب.