مسآحتگ ي محمد 👑✨

آٓيَة ⚡
عاشرت 50 بنت، أنجبت منهم 22 طفل، ماتوا 3 أطفال غرق، وطفلين ضاعوا، 12 طفل منهم كملوا دراستهم، وباقي ما تبقى بعمري ما شفتهم، بس أنا بعمري ما لمست بنت!
التفسير:
عِشت بحياتي 50 خيبة بالتمام، وعاشرتهم بكُلّ تفاصيلهم، ليش حكيت عنهم بنت؟؛ لأنه كانوا خيبات بطريقة لطيفة ومؤذية وخبيثة.
هذول الخيبات الخمسين، كان منهم علاقة حُبّ ضلّت 6 سنين وإنتهت بشكل غريب، ومنهم جدو توفى قُدام عيوني، وإنفصال أبوي عن إمي.
نتيجة هذول الخيبات الخمسين إنولد شخص عُمره 22 سنّة، رُغم إنه كان طفل، بس انولد زلمة كبير بمسؤوليته وقراراته، ضاع من هذول الـ 22 سنّة، ثلاثة سنين قدمت فيهم توجيهي وما نجحت فيهم، ونجحت بالسنة الرابعة.
الطفلين يلي ضاعوا، هُمّه شخصين كان المفروض يتابعوا معي مُستقبلي لآخره تماماً، بس راحوا، يلي هُمه جدو يلي توفى والشخص يلي حبيته.
12 طفل ما كملوا دراستهم، هاي المُدّة يلي المفروض أعيشها لحتى أصير شب بالغ راشد عاقل، ولكن للآسف ما عشتها، وهي مرحلة الطفولة.
يلي ضلوا هُمّه 5 أطفال، هذول عبارة عن خمس سنين أو خمس أيام أو خمس دقايق وممكن يكونوا خمس ثوانِ، بس الهم علاقة بُمستقبلي وبالشخص يلي بحبه، يا إما بنتهي كل اشي بهذول الخمسة يا إما بنبني من جديد.