محمد احكِ 🥀
والله أنا مش حدا ضعيف ولا بعمري كنت مبسوط بإنه أنا الشخص الضعيف، بالعكس كُنت دائماً بحاول أكون القوّة وأكون الشخص المثالي بالوقت يلي الكلّ فيه مكسور قلبه ومعدومه عنده الثقة، حاولت دائماً إنه أمشي بدون ما أتطلع على الماضي التعيس يلي بوجعلي قلبي، وتعودت إنه بما إني قادر التفت للماضي أكيد عندي كُلّ القدرة لألتفت لقُدام.
دائماً غُرفتي هي الحُضن الوحيد يلي بستقبلني بعد كُلّ الخيبات يلي بتعرضلها بحياتي، مثل ما أبوي وإمي بحضنوني وقت تعبي، غُرفتي بحسها الحُضن الخاصّ بدموعي ووجعي، بتحس حيطانها فيهم حنية إمك، بتحميك من غدر الناس، وبس تكون بعزّ وجعك ووتعبك رح تخبيك عنهم مشان ما يشوفوا كسرتك وضعفك، رح تحسّ فيها وقت تحتاجها ورح تعرف وقتها بإنه مهما اختلف فيك الوجع ومهما كان رح تكون غرفتك هي الملجأ بعد ما تجرب كُلّ الأماكن المعتاد عليها.
تعودنا ننكسر وننجرح من القريب، ودائماً الجُملة المُعتادة "يااا الله ليش الناس هيك"؟، قد ما انكسرنا رح نضل نوقع بنفس الأغلاط ومع نفس الأشخاص، بعمرنا ما حسبناها صح، إنت بتعرف بإنه كُلّ شخص جرحك هو شخص واحد!، وكُلّ شخص قلل منك ومن شأنك برضه هو شخص واحد!، طالما الأفعال مُتشابهة والأشكال مُختلفة، هالإشي بعني إنه كُلّ الأشخاص يلي ضروك همه شخص واحد.
ولو نيجي للأحلام والواقع والمُستقبل رح تلاقي اليأس متربع قُدامنا، ونحنا يلي دائماً بنحكي للناس تحدى وتحمل وثابر واصبر، وإنت مش قادر تقنع نفسك بإنه تمشي بنفس الطريق يلي بتنصح غيرك فيها.
أنا أكثر شخص مُمكن يعطيك نصائح تخليك إنسان ضخم ورائع جداً، وأنا نفسي مش عامل وحدة منهم، وبس حكيت أنا ما قصدت نفسي، قصدت فيه أنا وانتو ونحنا والكلّ.
كُلنا هيك، كُلنا بنموت مليون مرّة ومش مستعدين نعيش لدقيقة وحدة، وكلنا بنعطي الخيارات ونحنا تايهين بمتاهات.
الله يكون معنا ✋
دائماً غُرفتي هي الحُضن الوحيد يلي بستقبلني بعد كُلّ الخيبات يلي بتعرضلها بحياتي، مثل ما أبوي وإمي بحضنوني وقت تعبي، غُرفتي بحسها الحُضن الخاصّ بدموعي ووجعي، بتحس حيطانها فيهم حنية إمك، بتحميك من غدر الناس، وبس تكون بعزّ وجعك ووتعبك رح تخبيك عنهم مشان ما يشوفوا كسرتك وضعفك، رح تحسّ فيها وقت تحتاجها ورح تعرف وقتها بإنه مهما اختلف فيك الوجع ومهما كان رح تكون غرفتك هي الملجأ بعد ما تجرب كُلّ الأماكن المعتاد عليها.
تعودنا ننكسر وننجرح من القريب، ودائماً الجُملة المُعتادة "يااا الله ليش الناس هيك"؟، قد ما انكسرنا رح نضل نوقع بنفس الأغلاط ومع نفس الأشخاص، بعمرنا ما حسبناها صح، إنت بتعرف بإنه كُلّ شخص جرحك هو شخص واحد!، وكُلّ شخص قلل منك ومن شأنك برضه هو شخص واحد!، طالما الأفعال مُتشابهة والأشكال مُختلفة، هالإشي بعني إنه كُلّ الأشخاص يلي ضروك همه شخص واحد.
ولو نيجي للأحلام والواقع والمُستقبل رح تلاقي اليأس متربع قُدامنا، ونحنا يلي دائماً بنحكي للناس تحدى وتحمل وثابر واصبر، وإنت مش قادر تقنع نفسك بإنه تمشي بنفس الطريق يلي بتنصح غيرك فيها.
أنا أكثر شخص مُمكن يعطيك نصائح تخليك إنسان ضخم ورائع جداً، وأنا نفسي مش عامل وحدة منهم، وبس حكيت أنا ما قصدت نفسي، قصدت فيه أنا وانتو ونحنا والكلّ.
كُلنا هيك، كُلنا بنموت مليون مرّة ومش مستعدين نعيش لدقيقة وحدة، وكلنا بنعطي الخيارات ونحنا تايهين بمتاهات.
الله يكون معنا ✋