Ask @Ibraheem_s_iesa:

شايف كلام الشيخ من قبل بس والله كتيير صعب شكلي مستحيل بطلون😅💔 مشكور أخي ابراهيم💟

ما في شي مستحيل معلّم، وبالنهاية الإقم ما حاك في الصدر وخشيت أن يطّلع عليه الناس.
الله يجعلنا وإيّاك على الصواب ويحوّل حالنا إلى أحسن حال 😁.

View more

+1 answer in: “كيفك ابراهيم؟ ممكن تنصحني كيف بقدر بطل سماع الاغاني يمكن سمعت انك ما بتسمع انا بحس اني مدمن عليها لساعات باليوم وحاولت بدلها بالاناشيد والقران ماقدرت اكتر من اسبوع حتى يلي حافظو من القران حاسس عم ينتسى فكيف بقدر يكون عندي ارادة بهالشغلة وخصوصي انو الاغاني موجودة بكل مكان بالشارع بالنادي بكل البرامج”

كيفك ابراهيم؟ ممكن تنصحني كيف بقدر بطل سماع الاغاني يمكن سمعت انك ما بتسمع انا بحس اني مدمن عليها لساعات باليوم وحاولت بدلها بالاناشيد والقران ماقدرت اكتر من اسبوع حتى يلي حافظو من القران حاسس عم ينتسى فكيف بقدر يكون عندي ارادة بهالشغلة وخصوصي انو الاغاني موجودة بكل مكان بالشارع بالنادي بكل البرامج

أهلين صديقي،
ترا فكّرت بسؤالك عشرات المرّات وما كانت عندي الجرأة الكافية لقلّك على شي أعتبرو حلّ لأنّو فعلاً ما ضلّ مكان ما يحطّ موسيقى أو أغاني إلّا نادراً، وكلّنا ممكن ننفتن بدءاً بنفسي...
بس بقدر أعطيك رأي هالشخص اللّي شخصيّاً بعتبرو أفضل رأي بهالخصوص 😁.
تابع ⁦👇🏻⁩.
https://m.youtube.com/watch?v=ouwVCZJqGZI

View more

+1 answer Read more

عندكم فكرة عن منح الجامعات الخاصة بالنسبة لطلاب البكلوريا هلق.. بالنسبة لجامعات الطب يعني؟؟

إي نعم،
اللّي بعرفو أنّو كلّ جامعة بتطلب مجموع معيّن إذا جابو الطالب بيقدر يقدّم عالمنحة والجامعة بتقبل الأعلى فالأعلى لحتّى يسكّر العدد،
وإذا ضلّ الطالب متفوّق بالجامعة بيقضّي سنين دراستو كلّها مجّاناً 😁.
والله أعلم.

View more

يعطيك العافية ابراهيم😁 بعرف عم تقل عليك بس متوغوش شوي من الرابعة أو حتى كتير 💔 مشان فئات الستاج كيف ترتيبتن واشقد مهم يكونوا من الرفقة القريبين😅 وشو وضع الدراسة مع هيك دوام طويل حتى السبت الي كان يوم تعويض الدراسة وعلى أي أساس اختار الفئة انو مثلا الأولى احسن من الأخيرة إلا كله نفس الشي😅 ومشكور 🌸

الله يعافيك أهلين وسهلين 😁،
بسيطة ولا يهمّك ⁦✌🏻⁩، يا سيدي فئة الستاج رح يكون إلها أكبر نصيب من ساعات الدوام والتفاعل بين الطلّاب لذلك لازم يكونوا طلّابها منسجمين ومن نفس المستوى الدراسيّ حتّى لو ما كانوا بيعرفوا بعض، والأهمّ تحاول تبعّد عن أيّ حدا أنانيّ أو ما بيدرس لأنّو هيك شخص بيدهور الستاج سواءً بالمقابلات مع الدكاترة أو بالجوّ العامّ للفئة اللّي إذا صار بارد وكئيب بتقرف الدوام والمشفى 🙂.
ما في فرق بين الأحرف ولا بين الفئات من ناحية المقابلات والعلامات لأنّو التوزيع وأوقات الامتحان عم يحطّوها الدكاترة وكلّ واحد بيبلّش مع الفئة اللّي بدّو ياها، بس هالشي ما بينفي ظلم بعض الفئات على حساب التانية وللأسف ما بينعرف هالشي للّحظة اللّي بيصير فيها، فتوكّل على الله ولملم الأكابر واختاروا أيّ حرف 😃.
موفّق إن شاء الله 😌⁦✋🏻⁩.

View more

السلام عليكم 😁 ممكن اعرف حسب تجربتك بالسنة الرابعة شو هي اكتر المراجع يلي فعلاً بتفيدني خلال هالسنة ؟ وما إنو جيبها وما افتحها الا مرة او مرتين..

وعليكم السلام ورحمة الله وبركاته 😁،
المقرّرات غالباً عم تكون كافية ومرتّبة وفق مراجع كبيرة فما في داعي للتوسّع إلّا ببعض الموادّ القليلة اللّي بيكون شرح الدكتور فيها أو متن المحاضرة غير كافيين للفهم.
بالنسبة إلي اعتمدت مرجعين للتوسّع هنّن Baily and Love's short practice of surgery و Current Medical Diagnosis & Treatment ومرجع مختصر للتلخيص كنت شيلو معي بالشنتة وفي منّو تطبيق عالموبايل هو Oxford Handbook of clinical medicine.
بنصحك ما تحاول تعتمد المراجع للدراسة لأنّو المحاضرات وحكي الدكتور عم يجيبولك علامات أعلى بجهد أقلّ، أمّا إذا حابب فعلاً تدرس مادّة معيّنة حاسس بوجود نقص فيها فاختار المرجع المطلوب وادرسو بوقت العطلة على رواق ⁦✌🏻⁩.
وطبعاً أنت اللّي بتحدّد إذا رح تستخدم المرجع أم لاء حسب ميولك، فبعض الطلّاب بيفضّل الڤيديوهات وبعضهن بيفضّل سؤال الدكتور والبعض بيروح للمراجع، وبالنهاية المعلومة الصحيحة نفسها بأيّ طريقة بتجيبها فيها ⁦✋🏻⁩.
موفّق بالرابعة إن شاء الله 😃.

View more

حلو كتير هالحكي بس قلت آخر الشي أنها معقدة وصعبة فالغريب أنو عم أسمع بكتير عالم عم تتعلم لحالها رغم مالا علاقة بالمجال هاد وعم يطلع معا شي كتير فشو المصادر او الطرق يلي ممكن الواحد فيها يدخل هالمجال ويكون بيفهم فيه؟؟ وفينو لحالو بدون دورات؟

من هي الناحية عندك عدد لا يحصى من الدورات الإلكترونيّة بكلّ اللّغات وكلّ المستويات عالنت، منها المدفوع ومنها المجّانيّ وما بعتقد حدا يحتاج دورة معهد بوجودها، بس طبعاً الدورات -عدا الخاصّة بالمبتدئين- كثيفة المحتوى وبتحتاج تركيز وإصرار ووقت جهد.
بيكفّي تكتب عاليوتيوب اسم البرنامج اللّي حابب تتعلّم عليه وقبلو كلمة "كورس" لتشوف النتائج 😁، وبدءاً من هالنقطة بتلاقي شي دلّك على شي ⁦✌🏻⁩.

View more

+2 answers in: “برأيك شو السبب أنو العالم صايرة حابة تتعلم برامج التصميم والغرافيك بشو بتفيدنا بحياتنا يعني؟؟”

هل تعتقد بأنك في مرحلة من عمرك , ستتغّير مفاهيمك وطريقة تفكيرك في بعض الأمور !؟ وهل تمتنع وتغير من معتقداتك او تفكيرك الماضي إذا ادركت بأنك كنت مُخطئ ؟

‏『 S̷ A̷ U̷ D̷ ♪
أشعر في حقيقة الأمر بالخوف في كلّ يوم لا تتغيّر فيه طريقة تفكيري تجاه شيء ما لأنّني أشعر بأنّ الإنسان لا يمكنه الوقوف ثابتاً في حياته فإن لم يكن يتقدّم فإنّه يتراجع!
أؤمن ببعض المبادئ والقيم التي أعتبر النفس البشريّة مجبولة عليها بفطرتها، وهذه الأخيرة لا تتغيّر ولكن تُفهم بشكل أعمق مع ازدياد حصيل المرء.
أمّا عن الخطأ فهو من سماتنا كبشر، ومن السموّ والرقيّ أن يعترف المرء به في حال ارتكابه لأنّ أوّل خطوة في طريق الإصلاح هي الهدم، والكبْر والإصرار على الخطأ عقبتان في طريق كلّ مبتغٍ للنجاح، وأرجو أن أكون ممّن يعي هذا الكلام تطبيقاً، لا قولاً وحسب 😁.

View more

برأيك شو السبب أنو العالم صايرة حابة تتعلم برامج التصميم والغرافيك بشو بتفيدنا بحياتنا يعني؟؟

السبب ببساطة هو الزيادة الهائلة بمعدّل دمج التكنولوجيا بالحياة اليوميّة واتّجاه التعليم والإعلان بالوقت الحالي لتحسين المحتوى البصريّ بشكل أكبر أو يكافئ المحتوى العلميّ.
أكيد أنت لمّا بتلاقي غلاف الكتاب أو المحاضرة مصمّم بشكل أكاديميّ متناسق ومعبّر رح تكون أميل لتفتح وتقرأ المحتوى، بينما إذا كان أبيض وأسود وبخطّ صغير ومو واضح فمن الغلاف رح تنفر فما بالك بالمحتوى؟
وبرأيي برامج التصميم عم تحلّ شويّ ورا شويّ محلّ الرسم بالإيد والنحت (بحياة الهواة مو المحترفين) وبعض الأنواع التانية من الفنّ، ناهيك عن كون تعلّمها مهارة جبّارة بتخلّي صاحبها يعرف يعبّر بقوّة عن كلّ فكرة بتخطر ببالو، بدءاً من صورتو عالنت لكرتو الشخصيّ للّوحات اللّي بيزيّن فيها بيتو وانتهاءً بأيّ شي حابب يضفي عليه لمسة شخصيّة 😁.
بس من ناحية تانية هالبرامج بتوصّل لمراحل معقّدة وتعلّمها مو أمر سهل، ولهيك اللّي عرفان حالو ما رح يستخدمها لا يتعلّم لأنّو رح يضيّع وقت وجهد كتير إذا عمل العكس ⁦✋🏻⁩.

View more

+2 answers Read more

يسلم إيديك يارب، فدتني كتير

وإيديك 😁، موفّق إن شاء الله ⁦👍🏻⁩.

View more

+1 answer in: “يا جماعة إذا حدا بيعرف شي طريقة أو أنو شي وسيلة ل الحصول ع منح من جامعات برا البلد مثلا بريطانيا ، ألمانيا أو يعني بلد أوروبي رجاءا رجاءا فيدونا وقلولنا إذا بتريدوا!”

يا جماعة إذا حدا بيعرف شي طريقة أو أنو شي وسيلة ل الحصول ع منح من جامعات برا البلد مثلا بريطانيا ، ألمانيا أو يعني بلد أوروبي رجاءا رجاءا فيدونا وقلولنا إذا بتريدوا!

دوّر على صفحة Look in MENA عالفيس وبتلاقي فيها كتير شغلات مفيدة إن شاء الله 😁.

View more

+1 answer Read more

الله يعطيك العافية ويجزيك عنا كل خير 😍💚💚 ويقويك عالخامسة💓

الله يعافيك ويفتح عليك بالرابعة 😁،
بالنسبة لعمليّ الرابعة فهو عبارة عن جولات سريريّة بالمشافي منسمّيها "ستاجات"، وبكلّ ستاج بتروح على قسم معيّن بالمشفى سواءً باطنة أو جراحة أو عيادة وبتتعرّف على شكايات المرضى بهالقسم وطريقة أخذ القصّة والسوابق منهن على اختلاف الثقافات ومستوى التعليم.
في مادّتين بتاخد فيهن عمليّ بالمخابر وهنّن علم الأمراض 2 والأشعّة (طبعاً الأشعّة إلها عمليّ وستاجات).
أما الامتحان العمليّ فعم يكون في ما عدا الأشعّة وعلم الأمراض إمّا مقابلة شفهيّة مع دكاترة المادّة بيسألوك فيها من النظريّ غالباً أو أوسكي (OSCE) اللّي هو مجموعة أسئلة مؤتمتة عن حالات سريريّة.
علم الأمراض امتحانو مجاهر والأشعّة سلايدات ⁦✋🏻⁩.
وطبعاً الحكي هاد بالحالات المثاليّة أمّا بالواقع فرح تشوف شي ممكن تحسّو سيّئ وشي أحسن بكتير من اللّي بتتوقّعو، فبنصحك ما تغيب وتجسّ نبض بكلّ الستاجات 😁.

View more

.

الفصل التاني (إضافة للأشعّة):
⁦⬅️⁩باطنة قلبيّة:
حلوة ومفيدة بس معقّدة وشديدة الدقّة، وبتستلزم اجتهاد شخصيّ من مراجع خارجيّة وكورسات لتتقنها مظبوط، بس مو صعب ينجاب فيها علامات.
⁦⬅️⁩باطنة صدريّة:
توازي الباطنة الغدّيّة من حيث حجم المقرّر بس بعتبرها أتقل بسبب التوسّع الشديد بالأمراض اللّي ممكن بأوّل دور يتوّهك، وبنهايتها بتشعر فعلاً إنّو ما ضلّ شي تتعلّمو فوقها إذا اختصّيت فيها 😅، كادرها قويّ وستاجها بالمستشفى يعتبر الأفيد بالسنة كاملةً فلا تغيب ولا يوم 😁.
⁦⬅️⁩ جلديّة:
جديدة كلّيّاً ورح تلاقي شدّة كبيرة ببدايتها، بس مع أوّل كم محاضرة رح تشوف روعتها وبساطتها خصوصاً مع الكادر الخارق والمقرّر العملاق 😂، والصور بهالمادّة أهمّ بكتير من النظريّ ومفيدة للعلامات وللامتحان العمليّ اللّي عم يكون أوسكي عادةً.
⁦⬅️⁩ طوارئ وتخدير:
حلوة وقصيرة بس جديدة كلّيّاً متل الجلديّة، بنصحك تدرسها أوّل بأوّل كون محاضراتها صغيرة وبتتطلّب كذا دور لتثبت.
⁦⬅️⁩ توليد:
أكبر وأصعب الموادّ بعلم الطبّ قاطباً 🙂، نبع لا ينضب من أسماء العلامات والأمراض والقيم المخبريّة والقياسات الجنينيّة، رح تاكل القسم الأكبر من وقتك بس الكادر ممتاز وبيساعدك حضور النظريّ كتير عالحفظ إن شاء الله.
⁦⬅️⁩ جراحة 2 (صدريّة وقلبيّة ووعائيّة):
أسهل بكتير من الجراحة العامّة وقسم الوعائيّة هو الأكبر فيها بس مع ذلك سهل، كادرها خرافيّ وحضور النظريّ وتحديد الشغلات المهمّة بيعطيك علامات لا يستهان بها إن شاء الله 😁.
كمان يتبع بجواب عن الستاجات والمقابلات والأوسكي ⁦✋🏻⁩.

View more

إذا مافي مانع مزبوط صرت رابعة هلأ بس متل السنفور😂 ياريت تشرح عن مواد الرابعة متل ما شرحتلي العام الماضي (مكثور الخير) وشرح كلشي مصطلحات ممكن ما اعرفا😅 ستاجات اوسكي مقابلات وكلشي فيك تفيدني فيه الله يجزيك الخير سلفا✋💞 ومبارك عليك انتهاء الرابعة 💚

الله يبارك بعمرك 😁، ناطر لتخلص لوشة العيد لأنّو هالسؤال بدّو رواق 😂، المهمّ سيدي:
بالرابعة عندك 14 مادّة موزّعين بالتساوي بين الفصلين:
الفصل الأوّل:
⁦⬅️⁩ باطنة هضميّة: الأكبر من حيث الكمّيّة والأجمل من حيث الدراسة، أمراض كتيرة وتفرّعات وعلاجات متنوّعة بس أوّل ما بتتمكّن منها ما بتعود بتنساها إن شاء الله، لذلك من البديهيّ تعرف أنّك لازم تدرسها أوّل بأوّل لأنّو التراكم بهالمادّة كارثة.
⁦⬅️⁩ باطنة غدّيّة:
مادّة معتمدة عالفيزيولوجيا بشدّة ولا تخلو من بعض التعقيد، بس عموماً أقصر من الهضميّة ومعظم أمراضها واردة من قبل بالمهارات السريريّة والفيزيولوجيا.
⁦⬅️⁩ باطنة خمجيّة:
فينك تقول هي ملخّص لمادّتي الأحياء الدقيقة تبعوت التالتة، مع بعض التوسّع بالتشخيص والعلاج، وهي سهلة وصغيرة بس أسئلتها دقيقة.
⁦⬅️⁩ علم الأمراض 2:
أجمل وأسهل مادّة بالرابعة بلا منازع ⁦❤️⁩، مقرّر رائع ودكتور أروع وأسئلة أقلّ ما توصف بالنموذجيّة، وهالمادّة رح تفيدك بكلّ بقيّة الموادّ بالرابعة الخامسة ولو بشكل بسيط.
⁦⬅️⁩ جراحة عامّة:
هي عبارة عن تلتّ بواطن تقريباً مع زيادة الخيارات الجراحيّة بالعلاج، ضخمة كتير لحالها بس إذا درستها مع بقيّة الموادّ رح تلاقي كتير شغلات مشتركة.
⁦⬅️⁩ علم الأورام:
بصراحة بعتبر هالمادّة ضعيفة جدّاً كمقرّر ومو لازمة بنوب لغير الاختصاصيّين، وفوق هيك إجت أسئلتها بفارق مستوى كتير كبير بين الدورتين الأولى والتالتة وهالشي خلّانا نمقتها بزيادة، وإن شاء الله تتحسّن على دوركن.
⁦⬅️⁩أشعّة:
غنيّة عن التعريف من ناحية المحتوى والكادر والتزامن مع بقيّة الموادّ، عبارة عن توسّع بسيط بطرق التشخيص الشعاعيّ للأمراض اللّي رح تاخدوها بالبواطن والجراحات بطريقة سلسة.
يتبع بجواب تاني على نقطة ⁦✋🏻⁩.

View more

Next