Ask @Ibrahim3008:

عرفت ان خطيبتي عاملة ختان ومتضايق جدا جدا جدا 😖😖😖😖😖😖 عاقدين

متوهمش نفسك إن موضوع الختان دا هيأثر على الرغبة الجنسية لانك متعرفش مقدار الختان اللي إتعمل قد إيه ومش كل الستات اللي إتعملها ختان فقدت الرغبة الجنسية والموضوع بيعتمد على الحب والرغبة في الإمتاع بشكل كبير أكبر من الخواص الفسيولوجية للزوج والزوجة

View more

لو متقدملي شخص وبيحبني من زمان وانا كنت في الاول بحبه بس بعد كدا مبقتش احبه ورفضته وكنت بحس بخنقة وفضلت ع الحال تلت سنين ولما كان بيكلمني عشان نرجع ويجي يتقدم كنت بوافق بس برجع احس بخنقة وارفض تاني .. مع ان المتقدم مناسب جدا جدا جدا والكل موافق عليه وبيقولولي انتي بتتبطري .. هل ممكن يكون ده حسد ؟

أولاً : لا يجوز لكي التواصل المحرم مع شخص غريب عنك سواء بحجة الزواج أو غيره
اللي عايز يتقدملك يجي يدخل البيت من بابه وساعتها تفكري ولا تتواصل به بمعزل عن أهلك.
ثانية بخصوص الحسد : وارد جداً
الحل : تحافظي على أذكار الصباح والمساء والرقية الشرعية
ولو عايز يتجوزك يتقدم في البيت وتدرسي شخصيته كويس مع الإستخارة والإستشارة والسؤال الكويس عنه وبناءاً عليه تأخذي قرارك
ملحوظة : مش كل واحد مناسب مادياً وإجتماعياً أو حتى تديناً ينغع يكون زوج مناسب والموضوع ليه أبعاد كتير لا زم تدرس كلها

View more

لو في عريس عن طريق واحده صحبتي وكلمها عليا واتفق معاها انها تجبني في يوم في مكان عشان اشوفه واعرف هل في قبول او لا والمفروض انه عارف اني مش عارفة واني هاجي واعرف صدفة في المكان ده .. بس انا مش عارفة اذا كان ده صح ولا لا . رأي حضرتك ايه ؟

متروحيش لوحدك لازم حد كبير من أهلك يكون معاكي أخ كبير او والدتك

View more

تعبت من حياتي بجد تلت سنين على فراق امي ومليش اخوات بنات وعايشة على امل ربنا يرزقني بزوج حنين يعوضني 😢 21 سنة .. ادعولي بالله عليكم 😢

ربنا يرحمها ويصبرك على فراقها وتأكدي إن ربنا أرحم بنا من أنفسنا وإن شاء الله يأتي العوض في أشياء كثيرة جيدة لا يشترط أن يكون الزوج فقط هو العوض ... إصبري و أبشري

View more

لو سمحت انا بكره جدا ان الواحدة تكون مليانة وخطيبتي مليانه شويةومش عارفه ترفع عن كدا بل بتزيد كمان وانا وضحت لها كتير وهيا كدا عامله دايت وكدا كدا كلوغالبا بيتخن بعد الجواز يبقي ازاي انا هعف نفسي بالجواز وانا مش بتقبل كدا خالص ايه الحل ؟ارجو تجاوبني حتي لو سوال تافه ف نظرك من فضلك

لو مش مالية عينك سيبها ومتكملش معاها أما لو شايف عندها صفات تانية كويسة ومش هتقدر تتخلى عنها كمل معاها وإعمل حسابك أنها هتفضل كدة وتقبل ده وتعايش معاه لأن محدش بيأخذ كل حاجة وإوعى تجرحها أبداً إنها مش عاجباك في كل الأحوال سواء كملت معاها أو سبتها

View more

انا دلوقتي هخلص طب وشخصيتي بعمر واحد ف الإعدادية وانا اكتشفت كدا بعد م خطبت ازاي انضج واكبر بسرعة... لاني فعلا حاسس بنقص وضعف وعجز ودا عاملي اكتئاب

أول العلاج أنك تؤمن بنفسك وتصدق أنك كبير وتقدر تعيش حياتك وتؤدي إلتزاماتك زي أي واحد كبير وناضج وتنسر فكرة أنك بعقل طفل صغير وتشوف إيه المطلوب منك دلوقتي وتعمله وتحاول تقرأ كتير في كتب التربية وعلو الهمة ده هينفعك جداً وتسيب الحاجات الصغيرة اللي بتعملها حتى لو مفيهاش مشكلة زي لعب البلاي ستيشن مثلاً أو الفرجة على الكرتون وتركز بشكل كامل في دراستك وحياتك العملية مع التجهيز للزواج وربنا يوفقك وينفع بيك

View more

وعجبت لمن اغتم ولم يفزع الى قول الله "لا اله الا انت سبحانك اني كنت من الظالمين" فاني سمعت الله يعقبها "فاستجبنا له ونجيناه من الغم" وهذا ليس خصوصيا بذي النون لان الله قال " وكذلك ننجي المؤمنين " , الغم غير الخوف , الخوف قلق النفس من شئ تعرفه اما الغم قد يكون كابة النفس من شئ لا تعرف مصدره

اللهم نجنا من الغم

View more

قال رسول الله صل الله عليه وسلم " إنكم لن تسعوا الناس بأموالكم ولكن يسعهم منكم بسط الوجه وحسن الخلق "

اللهم أرزقنا حسن الخلق
اللهم أهدنا لأحسن الأخلاق لا يهد لأحسنها إلا أنت ، وأصرف عنا سيئها لا يصرف عنا سيئها إلا أنت

View more

اذا الواحده حرام انها تتعرف على شاب قبل وجود حاجه رسميه بينهم . كيف تتعرف عليه ؟؟بدون اى رسميات خوفا من عدم التوافق بينهم فيما بعد .فما الحل ؟؟!

بسيطة جداً
يتقدم رسمي ويقعدوا مع بعض مرة وأثنين وثلاثة أو أكثر في البيت لحد ما يأخذوا قرار إما أن في قبول فيكملوا ويتجوزوا أو
مفيش قبول فيغلق الباب تمامًا وكأن شيئاً لم يكن
ويا دار ما دخلك شر

View more

هل الجرأة تتعارض مع الحياء بخصوص البنت؟مع التعليل ان امكن #سؤال_جماعي

الجرأة في موضع الحياء خطأ وكذلك الحياء في موضع الجرأة خطأ فكل مطلوب ولكن في محله والأصل في البنت الحياء لكنها في بعض الأحيان قد تضطر للجرأة لدفع ضرر أو تحصيل حق

View more

Next