بيشترط زماله بس ؟ وله اى علاقة بمجموع التخرج ؟ ولو حد عايز يسافر بعد امتياز على طول ينفع ولا ايه ؟
فيه ناس ممكن تسافر علطول لو لها قريب في الخليج وعرف يشوفلهم وظيفة .. أو وصل لعقد عمل بأي شكل .. بس الفكرة انه هيبقى ممارس عام وهياخد مرتب ضعيف اوي في البداية .. لكن لما يبقى مسافر معاه تخصص ماستر او زمالة بيبقى وضعه احسن كتير الزمالة البريطانية اعتقد ملهاش علاقة بتقديرك في الكلية .. بس امتحاناتها صعبة ومكلفة الزمالة المصرية بيكون لها علاقة شوية بمجموع التخرج لأن التقديم لها بيبقى عبارة عن تنسيق حسب التخصص اللي ناوي عليه .. يعني كتير بيقدم على زمالة جلدية ف بيقبلو اللي جايبين امتياز بس مثلا
لو تعرف تفيدنى فى موضوع السفر للخليج ايه المطلوب ولو فيه حاجه ممكن اشتغل عليها من دلوقتى و ممكن اسافر بعد كام سنة من امتياز و لو له شروط ؟؟
الاحسن انك تسافر ومعاك زمالة مصرية او بريطانية .. وتقدر تبدأ في مذاكرتها من امتياز او من دلوقتي كمان .. وهتاخد سنتين بعد التخرج مثلا
ادعولي كثيرا فقد استفحل بيا المرض ربنا يكرمكم ويزكيكم ويغفر لكم ذنوبكم ويطهركم 😅
الكارديو ثريا .. والنيورو له مصادر mcq ع الجروب مع محاضرة رئيس القسم يوم الاربع
معلش يادكتور اسلام لاسف فعلا بعض الدكاترة كانوا رخمة السنة الي فاتت والوقت فليل اوي ...الله المستعان 😄
لا عادي انا تجاوزت المرحلة دي خلاص الحمد لله
فيه ناس كانوا بيطلعوا اوال ونقصوا كتير السنة دي ليه كده؟
لجان الكلينكال والشفوي في الباطنة والأطفال يعملو حوالي 400 درجة .. تفرق كتير لو حد دخل للجان كويسة من حد دخل للجان فيها دكاترة كتير صعبة .. غير كده السنة طويلة والمناهج تقيلة والمعايير مختلفة عن السنين اللي قبل كده .. مش كل الناس تقدر تكمل طول السنين بنفس المستوى .. وتوفيق ربنا ورزقه لكل واحد قبل كل حاجة
كان نفسي اعرف نقصت كام في كلينكال الباطنة بس .. ده اللي مخليني أفكر اعمله
معلش يادكتور الاهم السنتين ذول المجموع ولا التراكمي؟
مش فاهم .. ماهو التراكمي عبارة عن مجاميعك في كل سنة
رايك التسعينات السنة دى كتيرة ولا قليلة ؟
بتهيألي عدد الناس اللي جايبين من 88 ل 92 عدد كبير ..
بس الادمن بيقول انهم قالوله مفيش تراكمى بينزل رسمى غير بعد ساتة ؟
وانا قلت اللي اعرفه
عاوزين نزن ونخليهم ينزلوه 😁
لا ماهو الزن يبقى عندهم مش عندي هنا 😅
معلش حضرتك تعرف التراكمي هينزل امتي؟
أعتقد جاهز بس محتاج ناس تروح تزن وتطلبه من مكتب الوكيل أو العميد 😀
ازاي انت مقصو في المذاكرة وبترتب كل سنة ؟
ده ستر وكرم من ربنا قبل أي حاجة .. انا اعرف ناس كتير بتذاكر أضعاف اللي بعمله طول السنة وانا شخصيا بتعدي عليا أيام كتير مبفتحش كتاب أصلا ودي حاجة مش بفتخر بيها وبحس اني مستحقش الترتيب بتاعي لولا توفيق ربنا اللي يخليني أجمع المذاكرة في اوقات معينة وأركز على المهم في فترة قصيرة .. كل سنة بكون نفسي أقدر اطلع كل المجهود والطاقة اللي عندي من أول السنة لآخرها واشوف النتيجة هتكون ايه ..
......................!😔
خير ايه اللي مزعلك 😂
أنا بحبك يا إسلام❤
اه والله 😁
و مبروك ع النتيجة يا ريس 🎉😄
ممكن تقولي ازاي ابقى من الاوائل .. ربنا يوفقك ويكرمك
هو توفيق ورزق من ربنا قبل أي حاجة .. توفيق انه يهيأ لك الظروف اللي تساعدك ويديك الحافز والتركيز وكل حاجة .. وانا فعلا من كتر احساسي بالتقصير في حق نفسي وفي المذاكرة في السنين الأخيرة شايف اني مش جدير أجاوب على سؤال زي ده.. ولازم أقول ان الفضل بيد الله وهو اللي بيحطنا على الطريق اللي ممكن يكون فيه الخير لنا في المستقبل لو قدرنا نستغله .. سواء في جامعة أو صحة أو في امريكا أو الخليج .. عموما هقولك شوية نقط ممكن تفيد .. - أول وأهم خطوة يكون عندك هدف وحافز حاطه في دماغك طول الوقت .. ده اللي هيخليك تذاكر وتتعب عشانه .. سواء عشان مستقبل ووظيفة أحسن أو عشان تفيد الناس أو عشان تفرح أهلك أو تعمل برستيج أدام خطيبتك أي حاجة :D - تكون بتتابع طول السنة وتقرأ ورا المحاضرات او الكورسات ولو ساعتين يوميا .. المذاكرة الأولى لو كانت بتركيز بتعمل أساس كويس وبتفرق كتير - تنعزل للمذاكرة في الشهرين بتوع الامتحانات وتفصل نفسك عن أي حاجة تانية .. تجيب المنهج مرتين وترجع تقراه ليلة الامتحان كله على بعضه .. هيثبت في الذاكرة قصيرة المدى ويفرق معاك جدا - تستعين بربنا دايما بالصلاة وبالدعاء حتى لو كنت حاسس انك مقصر لأن ربنا له أحكامه وأقداره اللي أكبر كتير من مقاييس البشر .. تسأله دايما من فضله وكرمه وتلح في الدعاء عشان يهديك للمذاكرة نفسها وللتركيز في الامتحانات ويرزقك الخير في النتايج