مش عايز تكلم شويه في اي حاجه 😂 ايوه وصلت لقمة الملل 😅😂
ياريت والله .. جيت في وقتك
لو سمحت يا دكتور ، اختي بيجيلها دوخة كدا ساعات بتحس انها فاقدة الوعي و مش عارفة تبص على اي حاجة و بتحس بتكسير في عضمها و كأن حد ماسكه بيكسره
ايه تفسير حضرتك ، و نروح لدكتور تخصصه ايه !؟
ده مينفعش تاخد عليه استشارة من النت لازم كشف طبعا.. تروح لدكتور باطنة مبدئيا وهو يوجهها بعد الفحص والتحاليل
يعني معندكش اصحاب بنات؟
لا مفيش صحاب بالقرب او الشكل المتعارف يعني في معارف وزمايل بس
ممكن اسم حقنة موسعة للشعب وتصلح ا لنفس لحد حاسس انه مش قادر ياخد نفسه من صدره ؟
معلش ع التأخير في الرد .. بس مينفعش تسأل السؤال ده هنا لازم دكتور يشوفك ويقيم الحالة الاول
ربنا يكتبلك الخير
شكرا
دكتور كل سنة وحضرتك طيب وبخير
معلش سؤال والدي كان عامل Serum creatinine من سنتين وكان 0.8 وبعدين اطلب منه تاني فطلع 1.17 هو كدة طبيعي والدي عنده 54 سنة
ده اختلاف بسيط في الرينج الطبيعي مفيش اي قلق منه.. ممكن لو حلل تاني كمان اسبوع يطلع 0.9 يكمل على علاج الضغط بتاعه بس عشان يفضل متحكم فيه ويظبط الاكل عشان موضوع السكر
Happy birthday 🌸
Thanks a lot 🌸 Bs leh 3la Ask?
ادعيلي
ربنا يصلح حالك ويكتبلك الخير في الدنيا والاخرة
هو ايه التكليف الجديد وايه فرقه عن القديم مزعل الناس كدا؟؟
مش متابع أوي بس اللي فهمته كالآتي في نظام التكليف القديم كان الدفعة كلها بتاخد تكليف كممارس عام في الوحدات الصحية لمدة سنة لسنتين .. بعد كده بيتوزعو على نيابات في مستفيات الصحة ويقدمو على ماستر في الجامعة أو يقدمو على مستشفيات تعليمية أو زمالة مصرية يعني كان في خيارات كتير وكانت الزمالة المصرية بتاخد 20% من الدفعة مثلا وبتوفر لهم تدريب في مستشفيات كبيرة ومعترف بيها الوضع الجديد بيدخلو على نظام الزمالة المصرية علطول 5 سنين في كل سنة منهم هتقضي 3 شهور كممارس عام في الوحدات الصحية وباقي السنة في تخصصك والدولة بتتكفل بمصاريف الزمالة كمان .. لكن الوحش في الموضوع زي ما سمعت أن الدفعة كلها بتتوزع على الزمالة وبالتالي هيضطرو يفتحو مستشفيات جديدة غير مجهزة ومتقضيش الغرض من التدريب .. غير أن التخصصات اللي نازلة في احتياجات الوزارة معظمها طب أسرة وعناية وتخدير وطوارئ والناس مش حابة التخصصات دي
دوس خد قرار
مش كده؟
السلام عليكم دكتور اسلام
أنا عندي املاح يوريا زيادة في البول، بدأت اخد فوار يوروسولفين وخلصت علبتين منه وبدأت اشرب شعير وبقدونس مغلي ومياه كتير، الالم والحرقان قلو بنسبة كبيرة بس لسه موجود حرقان قليل، هل استمر في اخد الفوار ولا ابطل؟
تقلل الاكل اللي بيحتوي على اليوريك وتعيد تحليل البول تاني لو عايز توقف
تمام، الاملاح عندي يوريا، وعموما انا هاخدها فرصة وهقلل الشاي باذن الله. شكرا جزيلا يا دكتور، وجزاك الله خيرا. بدعيلك والله بظهر الغيب.
Uric acid مثلا بيزيد مع اللحوم ولو عاملك حصوات او مشاكل في المفاصل بنعمل تحاليل وعلاجات تانية ربنا يحفظك
السلام عليكم، علك بخير دكتور اسلام.
يعتذر لحضرتك سوال غريب شوية، انا عندي الاملاح زايدة في البول هل الكحك والبسكوت والشاي هيكون فيهم ضرر بالنسبة لي؟
وعليكم السلام.. المفروض نعرف نوع الاملاح ومدى تأثيرها عليك واذا كانت كونت حصوات قبل كده الشاي مثلا فيه oxalate crystals وبالتالي يفضل نقلله في الناس اللي بتكون oxalate stones الكحك والبسكوت لو دورنا في مكوناتهم الاساسية والدهون وبيكربونات الصوديوم وغيرهم هنلاقي ان كترتهم برضه مش محبذة