من العجب إلحاحك في طلب أغراضك وكلما زاد تعويقها زاد إلحاحك. وتنسى أنها قد تمتنع لأحد أمرين، إما لمصلحتك فربما معجل أذى، وإما لذنوبك فإن صاحب الذنوب بعيد من الإجابة. فنظف طرق الإجابة من أوساخ المعاصي. وانظر فيما تطلبه هل هو لإصلاح دينك، أو لمجرد هواك ؟
~~
خليها لوقتها عشان معنديش تفاصيل كفاية هى عوامل متعلقة بالمستشفى اللى عايز تشتغل فيها مثلا والتخصصات اللى محتاجاها أو تحضيرك للماستر مع قسم معين ومواعيد المناقشة .. انا بقول تعمل اللى عليك دلوقتى وتسيبها على الله بعد كده
هو الواحد لو ملوش تعيين بياخد تكليفه و تخصصه حسب تقديره ؟ و ممكن ياخد اي تخصص يختاره و لا التقدير برده اللي بيجبر الواحد ؟ و عموما لو حابب انه يشتغل فى تخصص معين بيحضر فيه و يشتغل بيه عادى ؟
التكليف بيكون فيه حاجة زى تنسيق بحيث كل ما يكون تقديرك احسن كل ما تختار مكان قريب لبلدك والتخصص يكون جايب فى المادة بتاعته جيد جدا على الاقل
طب لو مش قادر تفصل لان الاكتئاب ده خارجى و متصل بناس و الامور بتيجى ورا بعضها و فعلا مش بتلحق تخرج من الحاله ؟؟
الموقف الحقيقى غالبا بيكون معقد كتير عن الكلام النظرى انا عارف .. لو تقدر تفصل فترة عن الناس دول وتتشغل بحاجة تانية لحد ما تظبط حالتك النفسية مع الاستعانة بربنا ده ممكن يفيد ربنا يعينك
بشوف أسباب الاكتئاب وافصلها كويس وافكر فى حلها أو نهايتها عشان لما الموضوع بيتساب عايم القلق والاكتئاب ده بيزيد .. وطبعا القرب من ربنا بالصلاة والقرآن والدعاء بيريح كتير .. والانشغال بحاجات تانية عشان مسلمش دماغى للفضا والتفكير الزايد عن الحد فى نفس الموضوع
لا قصدى تقعد معاهم فى يوم بدون مناسبة وتقولهم عايز اتكلم فى موضوع يهمنى وتتكلم معاهم بعقل ومسئولية عن اللى بيضايقك منهم فى طريقة الحوار .. وهما هيسمعو منك ان شاء الله .. انا متأكد ان اى أب وأم عايزين مصلحة ولادهم جرب كده وابقى عرفنى وصلت لايه
ولما بتشخط فيهم بيحترمو كلامك ؟ ميصحش كده طبعا .. لازم تبرهم وتعاملهم كويس .. ده حتى ربنا بيقول "وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا" كلمهم براحة وعرفهم ان الطريقة دى بتزعلك وتأثر فيك بالسلب وهما اكيد هياخدو بالهم ويفكرو فى مصلحتك
انا في رابعه كليه محققتش اي حاجه في حياتي وخايفة افضل كدا محلك سر مؤكد مش هعمل حاجه في مجالي دراستي غير اني ممكن اشتغل واخد مرتب رمزي وفدماغي مشروع نفسي اعمله بس مش عارفه ابدا منين هل ابدا انمي معرفتي ولا اخد كورسات تسويق والفلوس هجيبها ازاي وكل دا هياخد وقت قد ايه ؟؟
الحقيقة انا معرفش مجال المشروع بتاعك ولا افهم فى التسويق .. فيكون أحسن انك تسألى حد متخصص لكن بشجعك تجرى ورا حلمك لحد ما تحققيه ومتكونيش مجرد ترس فى الآلة الروتينية اللى انتى مش حباها