بقالي كذا يوم مليش نفس لأي حاجه لا اصلي ولا اذاكر ولا اكلم حد ايه الحاله دي وليه معرفش انا اتخنقت من نفسي وعندي لا مبالاه رغم اني ورايا مسئوليات بنام كتير جدا واعد ع الفيس اكتر
ايوة كده ده سؤال الاكتئاب ماشى .. 1- الفيس ده يتفتح اقل من ساعة فى اليوم .. لو مش هتقدرى يبقى تعملى deactivate خالص لحد ما حالتك تتحسن 2- قومى اتوضى وصلى واقرئى صفحتين قرآن حالا .. واقرئى ألم نشرح لك صدرك 3- صلى كل صلاة فى معادها دى اهم حاجة .. مينفعش اى اكتئاب يبعدك عن الصلاة 4- ابدئى اتكلمى مع اخواتك او والدتك ف اى موضوع واضحكى معاهم 5- حددى الأسباب اللى ممكن تكون مضايقاكى الفترة اللى فاتت واكتبيهم فى ورقة وحاولى تشوفى اى حل منطقى او تبرير لكل واحدة منهم الحالة دى بتحصل لكل الناس تقريبا .. بس كفاية كده مفيش من وراها اى فايدة دى بتزود الاضرار
سبحان الله انا بذاكر endocrine برضه دلوقتى فى الباطنة :D انا شايف انك تكتب فكرة عامة عن كل هرمون .. يعنى وظايفه الرئيسية .. وبعد كده التفاصيل الصغيرة هتبقى اسهل تتكلم عن وظايف ال G.H الرئيسية وهى Growth,Development الكلام ده تطبقه على كل حاجة بيعملها فى الجسم مع زيادته والعكس مع نقصه ADH بيشتغل على الكلى ويزود امتصاص المياه لجوا الجسم .. وكمان ممكن يعمل vc والاتنين دول بيزودو الضغط .. والعكس بالنقص يفقد مياه كتير فى البول Thyroxin وظيفته الاهم انه يشغل metabolism فى الجسم كله .. ف لو زاد هيبقى حرق الطاقة بزيادة فى كل حتة .. والعكس لو قل فى myxedema مش هيبقى فى طاقة وهيبقى تخين وجسمه بارد وناشف وبيترسب فى جسمه myxematous tissue ف كذا مكان Cortisone مشهور جدا انه بيعلى الضغط والسكر وبيعمل هشاشة فى العظام خليك فاكر التلات كلمات دول .. ولما يزيد كمان بيحرك الدهون من الاطراف للنص ف الوش والبطن والضهر دى أمثلة سريعة كده لطريقة المذاكرة بأنك تجمع الوظايف حوالين مهمة رئيسية للهرمون ربنا خلقه فى الجسم عشان يعملها .. وبعد كده شوية تفاصيل زيادة كان نفسى اشرحلك المنهج كله بالطريقة دى بس للأسف لا المكان ولا الوقت يسمح :)