والله على حسب تعريفك لكلمة دحيح :D لو قصدك نتايجى فى الدراسة كويسة ف ممكن تعتبرنى دحيح لو قصدك قاعد ع الكتب بذاكر طول النهار ف ممكن تعتبرنى نص دحيح او ربع دحيح لان عدد ساعات المذاكرة مش كبير لو قصدك وصف الدحيح الانطوائى ابو نضارة وفارق شعره من النص اللى ملوش غير الكتاب ف ممكن تعتبرنى مش دحيح خالص
دكتور لو سمحت احنا نعمل ايه فى اسبوع امتحان الرمد نذاكر ايه بالظبط اللى نركز عليه وامتحان الcases بتاع يوم الخميس ده نعرف اسئلته بتكون ازاى وكده معلش بس والله فى امس الحاجة للمساعدة وربنا يوفقك يا رب
حاولو تستغلو الكام يوم اللى قبل اسبوع الامتحان فى قراية اللى باقى فى المنهج عشان مش هتلاقو وقت تانى تذاكروه وبالنسبة للامتحان النظرى بتاع يوم الخميس كفاية عليه مذاكرة فى الاسبوع بتاعه المفروض انهم هيحددو لكم معاد محاضرتين للدكتورة مها والدكتور محمد خلف هيتكلمو معاكم فى الحالات اللى بتيجى فى الامتحان وبيقولو أمثلة لأسئلة بييجى منها ساعات بالنص ف لازم تحضروها .. المواضيع اللى هتدخل فى الامتحان بسيطة مجموعها ميكملش 60-80 صفحة وموجودة فى المذكرات نص الحالات والصور بتاعتها .. بس الأسئلة طبعا ممكن تختلف وبالنسبة لامتحان الحالات المرضى ف كل مجموعة بيدخلها الحالات اللى شافتها طول الرواند وان شاء الله يعدى على خير ربنا معاكم
ايه سر حبك للكوكايين يا اسلام ؟ اشمعني الكوكايين ليه مش المورفين او الهيروين مثلا ؟ في سبب علمي ورا دا ؟
اكيد فيه اسباب علمية امال يعنى الكيف هو اللى بيذلنى ! :D معظم المخدرات التانية دورها انها بتهبط الدماغ وبتعيشك فى هلوسة وعالم تانى الكوكايين شغلته اكتر كمحفز للدماغ ولكل الجسم ف بيدى نشاط وحماس فوق العادة .. او كما ورد فى فيلم لا داعى لذكر اسمه :D