ايه كان شعورك في اول عملية تحضرها مش دي يعني ؟ كنت متحمس و كده و لا كنت خايف ؟
لا هخاف ليه اكيد كنت متحمس .. يمكن الموضوع بيكون مقزز شوية فى الأول انه يفتح البطن ويقعد يلغوص فى الأحشاء .. وريحة الدم مع اللحم زى الريحة اللى عند الجزار بس بعد كده بتتعود
حاجات كتير والله .. لو مفيش سبب يضايقنى بكون مبسوط :D هديك شوية أمثلة عشان مترجعش ايدك فاضية : لما احقق اى انجاز شخصى سواء صغير او كبير.. لما احس ان علاقتى بربنا كويسة وربنا راضى عنى .. لما اكون سبب فى سعادة اى حد .. لما اشوف الناس اللى بحبها .. لما ألعب كورة طبعا .. أكلة حلوة .. السفر لأماكن جديدة .. المواقف الانسانية الحلوة ولما يتحقق اى قدر من الرحمة او العدل حوالينا
الهدف هو النجاح فى الدنيا والآخرة النجاح فى الآخرة بالايمان بالله وعبادته بكل مسببات كده من افعال واقوال ومعاملات وأخلاق والنجاح فى الدنيا بحب الناس والذكر الطيب بينهم .. النجاح الأسرى بتكوين أسرة حلوة :) .. النجاح المهنى فى الطب .. النجاح على المستوى الاجتماعى بالايجابية والتأثير فى الناس ومساعدتهم ..النجاح على المستوى الثقافى لعقل ناضج وشخصية اقوى.. النجاح المادى عشان أعيش مرتاح وأساعد غيرى دى الاهداف العامة اللى يندرج تحتها بنود كتير