اسلام
هو النقابة الفرعية شغالة بكرة و بتفتح من الساعة كام ؟
اكيد شغالة .. اعتقد من ٩
انا فضوليةة بقاا وحابةة اععرف 😂😂💔
طيب الكلام ده مش هنا ده يبقى برايفت 😂
هو ايه نظرة المجتمع ل female طب لو اتخصصت جراحة في الصحة مش في الجامعة؟ هل هو ضرب من ضروب الجنون؟
ليه تعمل في نفسها كده 😂
معلش سؤال كمان متزهقش لو سمحت 😂
هو النايب المؤقت بعد ما يخلص نيابته بيعمل بورد و يكمل شغل في المستشفي بس هو اللي بيدفع فلوس للمستشفي
و المرتب اصلا صغير ، هو كدا استفاد ايه؟
مش عارف قصة البورد .. بس استفادة المؤقت : بيتعلم نسبيا احسن من مستشفيات ووحدات الصحة بيوفر سنة او سنتين التكليف بينزل الجيش لسنة واحدة في الرجالة بيخلص الماستر بتاعه بسرعة وممكن يسافر بعدها العيوب طبعا: الشغل تقيل والنبطشيات كتير ف ياريت تاخد تخصص انت حابه عشان هتشق طريقك فيه للاخر بنفسك
هو نواب الباطنة مرتبهم مع النباطشيات هو زي الاكاديمي تقريبا صح؟ يعني نفس العائد المادي مع ضغط اكبر و وقت اقل لحياتي الاجتماعيه لو اختارتها؟
أقل من الاكاديمي كمان في سنين النيابة .. بعد مدرس مساعد هيبقى اعلى شوية عشان النبطشيات وأعلى أكتر لو اشتغلتي برايفت
ازاي مخليش حد يعمل هاك علي أكونت facebook بتاعي لان بيجيلي نوتفيكاشن كل شويه ان حد دخل الاكونت بتاعي من موبايل تاني
و اللي ييدخل هيستفاد ايه يعني لو تعرف؟
Settings >> Security and login هتلاقي فيها الاجهزة اللي دخلت في اخر فترة وممكن تعمل منها log out وهتلاقي فيها اوبشنز تانية تزود الامان
كان نفسك تتخصص ايه ؟
حلمي من زمان أتخصص جراحة .. مكنتش محدد أنهي تخصص جراحي بس كنت عايز جراحة مش حساسة والاستريس فيها مش كبير ف استبعدت جراحة مخ واعصاب وقلب وصدر واستبعدت عظام ونسا لأاني مش حابب مجال الشغل بالتالي فضل أدامي جراحة عامة وجهاز هضمي وأورام وتجميل وأنف وأذن ومسالك ف اخترت المكان اللي هتعلم فيه أحسن وأبقى راضي وواثق من نفسي وشغلي
بيحبوا بعض لكن اخواته الاكبر منه لسن كبير متجوزوش اساساوهما اخواته سنهم يسمح طبعا والاتنين اللي بيحبوا بعض سنهم يسمح هي مفيش مشكله تستني بس لعند سن اخواته ده صعب يعملوا ايه يبعد او تبعد؟هو صعب يتقدملها قبل اخواته ميتجوزوا؟هي بتقول انها كدا بانت اهي تبعد احسنلها هو مش ناو يعمل اي حاجه بدري)))؟
اعرف ناس اتجوزو قبل اخواتهم الاكبر .. اللي ناوي بجد هيعمل اي حاجة يقدر عليها
بتروح بورسعيد من المنصوره ازاى؟ بتركب إيه وتنزل فين ؟
ميكروباص او بيجو من الموقف الجديد .. ولما بتوصل هناك تتعامل بالتكاسي