الفارما : كتاب القسم طويل ومجاش منه حاجة لنا تقريبا .. اهتم بأى MCQ ينزله دكتور عبد المتعال سواء المعلن أو السرى :D الباثولوجى : هات ورق أسئلة دكتور السودانى كله .. وكان فيه دكتور قديم اسمه البديوى تقريبا بيقولو بييجى منه بس انا مجربتوش الميكرو : مبيجيبوش من اى مصدر .. بس أى أسئلة اتقالت فى المحاضرات بعد كل شابتر مهمة وبييجى منها بالنص (ده كان الوضع فى سنتنا( البارا : أسئلة السنين اللى فاتت بتتكرر
فيه طريقتين للمذاكرة .. كل واحدة لها مزاياها 1- طريقة مبنية على أساس الكم اللى هتذاكره .. يعنى بتحدد كل يوم الموضوعات اللى عايز تخلصها وتذاكرها كويس سواء هتاخد منك ن ساعة او خمس ساعات .. ودى بالنسبة لى الأحسن بس عيبها انك لو بتسرح كتير وسط المذاكرة الوقت هيفرط منك جامد 2-طريقة مبنية على الوقت .. يعنى تحدد مثلا ساعتين تلاتة اربعة فى المتوسط كل يوم على حسب سرعتك وتركيزك .. ودى ميزتها انك محدد نفسك بوقت تنجز فيه بسرعة ... حتى فيه ناس بتحط الساعة قدام عينيها وتدى لكل صفحة عشر دقايق بالظبط وبعدين تنقل على اللى بعدها ..
هو المفروض أكرر كلمة معينة فى الكتابة وانا بذاكر ؟ :D بشد خطووط وبرسم أقواس وعلامات صح ونجوم وأسهم وأرقام ومربعات .. وساعات شرح بالبلدى وكلمات زى : مهم - خد بالك - ركز - وساعات شتايم لنفسى لما اكون ناسى حاجة والامتحان قرب خلاص :D