المشكلة فعلا التقاليد والطبع المصري العقيم .. لا فلانة جايلها شبكة مش عارفة بقد ايه لا مش عارفة ايه .. وغيره كتير تحسها مصاريف كتير ع الفاضي ولا لها لازمة ع سبيل المثال النيش :D مش عارفة بيكلفوا عليه كتير ويفضل طول العمر ما يطلعش منه كوباية :D
بالظبط كده .. وانا شخص عملى مبحبش المظاهر الفارغة من المحتوى يعنى النيش ده مثلا بلاش منه خالص ونحط مكانه مكتبة ضخمة فيها كتب كتير.. ومنقراش منها حاجة برضه :D
shbka b 20 alf ! Dlwa2ty b2t 30 w 40 w 50 :D enta ba5el wla eh:D
انا قلت فى المتوسط .. لأن فيه ناس مبتقدرش تجيب بأكتر من 5 الاف مثلا وبعدين يعنى سعادتك قرأت الميزانية والأسعار اللى كتبتها دى كلها واللى مجموعها عامل 400 ألف تقريبا وجاى تكلمنى فى 20 ألف زيادة كمان ع الشبكة .. يبقى انت اللى طماع أوى :D
bmonsbt l tweet el enta 3mlha retweet :D enta shyf en l shbka msh mohma w kfaya l debla? w nawy tdfa3 kam l3rostk isa? :D
هاهاها .. مش مهم انا شايف ايه المهم العروسة :DD بصراحة شايف تكاليف الجواز فى مصر كبيرة ومبالغ فيها جدا بالنسبة لشباب لسة فى أول المشوار .. وبتبقى عقبة كبيرة فى طريق جواز وستر الناس يعنى لما تحسب معايا فى الرينج المتوسط : شبكة مثلا ب 20 ألف مثلا وليلة الفرح بس ب 30 ألف مثلا و مهر .. مش عارف ده لسة بيتدفع ولا بطلوه :D وشقة ب ميتين ألف وعفش ب 100 ألف وشهر عسل ب 30 ألف كمان كل ده الشاب لازم يكون جاهز بيه وهو عنده 25 سنة مثلا ازاااااى ؟ المفروض الحياة تكون أبسط من كده .. ولما يكون نفسه يبقى يجيب لمراته كل الهدايا اللى بتحبها :D
لو الجنس مش حب يبقى هو مجرد وسيلة للانجاب او تلبية رغبات غريزة حيوانية!!
الموضوع ده فيه كلام كتير معظم الناس عارفاه وبالأمثلة .. ف ملوش لازمة الشرح والتطويل :D الخلاصة فى اللى أقصده ان : الحب لوحده عاطفة أسمى وأهم .. وبتهيألى سهل أقولك زى حب الأهل والصحاب .. والزوج فى حالة الزواج المفروض انه بيكون تتويج لعلاقة الحب ودليل على اللهفة والشغف والثقة الكاملة لكن فيه حالات (عند الرجالة أكتر) بيكون مجرد تلبية للغريزة (الانسانية) فقط .. عشان كده كنت بقول انه مش دليل مباشر وفاصل على الحب .. لكن نقدر نقول نتيجةياريت تكون الفكرة وصلت بأسلوب خفيف :D
موقع أراجيك ده مثلا زى الفل .. تابعوه يوميا http://www.arageek.com/ غير كده فيه حاجة بسيطة بس مفيدة جدا .. أى حاجة مش عارفها خلى عندك فضول تسأل ليه وازاى وتعرف عنها أكتر .. متسيبهاش تعدى عليك وخلاص .. اكتب على جوجل وشوف النتايج أو شوف لها فيديوهات .. بعد فترة هتلاقى عندك كمية معلومات كويسة جدا فى مجالات كتير
بعيدا عن البنت اللى بتحبها إيه مفهوم البساطة من وجهة نظرك ؟
يعنى طريقة التفكير سهلة وواضحة .. مش مكلكعة ولا عاملة حساب لكلام الناس زياة عن اللازم .. مرونة فى التعامل .. مفيش الاطارات التقليدية المصرية من حقد ع الناس او حب للظهور او مشاكل نفسية تانية .. وده سببه التربية فى بيئة كويسة ... بجد نفسى لو ربنا رزقنى ببنت تتربى وتطلع زيها :)