ازاي احول شخصيتي من النفس اللوامة للنفس المطمئنة؟ ع
تكملة السؤال : بص هو بعيدا عن الحتة الدينية الواحد مع اي غلط فموقف ف شخص ف كلمة بيبقي كمية لوم لنفسي غير طبيبعية لدرجة ان اكره نفسي او غبائي ف الموقف ده ولو ككيت لحد يزهق مني...المطلوب ازاي ابقي عادي في ت ازن ---------------------------------------------------------------------------- النفس اللوامة دى صفة محمودة فى الحدود الطبيعية .. فهى عبارة عن الضمير الفطرى اللى بيعرفك الغلط ويندمك عليه ويخليك تقرر متجيش ناحيته تانى لكن لما تزيد عن الحد بالشكل اللى بتقول عليه يبقى لازم تشوف لها حل .. كده هتنغص عليك حياتك كلها .. الحل فى رأيى انك تقتنع وتؤمن فى نفسك بشوية أفكار .. أفكار حقيقية -كل الناس بتغلط مش انت لوحدك .. كل بنى آدم خطاء -مفيش حد ماسك عليك سيف ومستنى غلطك عشان يحاكمك .. ده ربنا خالق العالم كله يقبل توبة أى انسان غلط فى حقه -لو غلطت فعلا فى موقف يكفيك جدا تعمل حاجتين : الاعتذار عنه والقرار بعدم تكراره وتقفل التفكير فيه نهائى بعد كده وتكمل حياتك -لو غلط صعب تصليحه .. اعمل مكانه معروف او حاجة حسنة .. ان الحسنات يذهبن السيئات -لوم النفس بزيادة بيضرك جدا ومبيفيدش أى حد تانى اطلاقا .. متفكرش فى الغلط فكر فى تصليحه وبعدين اقفل الموضوع واتوكل على الله