اذا علمت ان احد اعز اصدقائك انتخب السيسي فماذا سيكون موفقك منه .. جدياً
طيب لو حد من أهلى القريبين انتخب السيسى ايه هيكون موقفى ؟ احنا وصلنا لمرحلة خلاص كل واحد اللى فى دماغه فى دماغه مش هيتغير مهما ناقشته وجادلته موقفى منه انى هكون مشفق عليه من سرقة دماغه بواسطة الاعلام .... انا مثلا واحد شايف ان السيسى مسئول عن قتل واعتقال وظلم المئات...وبالتالى شايف انى هتحاسب وهتعاقب من ربنا لو انتخبته عشان يكمل على نفس المنوال .. ده بالاضافة لأسباب كتير تخلينى أرفضه حتى لو أول مرة أسمع اسمه زى انه ملوش برنامج يعنى فوق الحساب وانه عسكرى اصيل يعنى الدكتاتورية كلها وعدم سماع الرأى الآخر معندوش خطة علمية ولا تكنولوجية .. كل كلامه ان الشعب يستحمل وييجى على نفسه وطبعا الفساد زى ما هو والناس اللى بتنهب فى فلوس البلد زى ما هى .... انما هو الاعلام سارق عقله ومفهمه ان السيسى هو اللى بيحقق الأمن والاستقرار وبيقضى على الارهاب ومصر مش هتتقدم من غيره.. أكيد مش عايز ينتخبه عشان بيحب يشوف اخواته بيتقتلو بس للأسف الصورة عنده مغلوطة أو على بصره غشاوة
متهيالى فى مليون حد دخل قالك على كذا بنت انها هى دى المقصودة وكلهم طلعو غلط :D ياترى التخمينات دى كلها ليه اكيد عملت حاجة خليتهم يفكرو انها ممكن تكون دى او دى ولا ايه :D
مش عارف والله...جايز حصل منى أى حاجة مش مقصودة خااالص..وده يخلينى آخد بالى بعد كده فى أى كلمة أو حركة بعملها وجايز فى حالات تانية الناس هى اللى فاضية وبتقلبلى فى أسماء الدفعة كلها -_-
اذا كانت الفتاة لاتريد انجاب أطفال او علي الأقل تريد تأجيل ذلك ## فمتي يجب عليها ان تخبر من يتقدم لها بذلك؟ أتخبره في اللقاء الأول ام بعد توافقهما ام في الخطبة ام قبل زواجهما بفترة؟
يستحسن انه لايكون فى اللقاء الأول...بتظهر كأنها تريد التحكم واملاء شروطها ويستحسن ألا يكون قبل الزواج مباشرة .. عشان لو حصل خلاف فى النقطة دى يلحق يتحل خليها فى فترة الخطبة أو انتهاز الفرصة أول ما يفتح كلام عن الأطفال...بشكل سلس متفاهم خاصة لو عندك سبب مقنع :))
شكل الكلام ضايقك يا دكتور بس انا فعلاً ما قصدتش اضايقك ابدا مش معقول نهاديك وبعدين نضايقك حضرتك شخص انا بحترمه واقدره جدا.. اتمنى اني مكونش سبب في ضيق: ))
الأول شكرا على الهديتين .. انا كده مدين لك ب 6 جنيه تقريبا :D الكلام مضايقنيش ومش مستاهلة اعتذار أكيد..بس المشكلة فى حاجتين مش وقته خالص وهيفتح مواضيع وهيشغل الناس اللى بتتابع والناس اللى عندها فضول زايد تتدخل وتفكر تانى حاجة انى أعتقد بنسبة كبيرة ان الشخص المقصود منك هو ظن خاطئ..ومش عارف انا عملت ايه أوحى بكده بصراحة ! وعموما شكرا على الهدايا وعلى الدعوات الحلوة وعلى رأيك فيا..بجد حاجة أقدرها وأقدرك وأحترمك أيا كان شخصك :))