انك مش بتستخدم تويتر زي بقيت الناس :D _ مش كل ثانيه تويتايه
لا بصراحة نفسى مقفولة من ناحية تويتر بس هى دى بقى أكتر حاجة تعجبك فيا ؟ يعنى لو كنت شغال على تويتر بزيادة كان زمانى مليش أى لازمة فى نظرك بقى :D عشان كده كنت بقول ربنا يستر !
على حسب الأشخاص..والأسلوب وطريقة العلاقة فى فترة الخطوبة.. هو غالبا هيعطل الحقيقة :D الا لو لقيت حد عاقل يقدر يتعامل فى الظروف المختلفة ويساعدك على تحقيق أهدافك...ويقدر يوفقك لو حس انك هتضيع بسببه :D لو لقيت الشخص ده هتبقى فترة استقرار نفسى وانتاج كبير زى مانا متصورها :)
انا هقولك المواد الخام اللى هى الأولويات اللى عايز أنفذها فى الأجازة...وانت تساعدنى نطلع المنتج اللى هو الخطة فى خلال أسبوعين من الزمن تحسين خط النسخ وتعلم الخط الديوانى ... ده محتاج 15 ساعة تقريبا مذاكرة المواضيع الواقعة من الترم الأول ... وده محتاج بتاع 25 ساعة لعب كورة وخروج وأفلام... ودول نديهم 50 ساعة :D مواظبة على تفسير القرآن ... وده لو ساعة فى اليوم نقول 14 ساعة قراءة كتب فى الاقتصاد والأدب والدين ... 30 ساعة مثلا ممكن كورسات أو مواضيع النت .. 20-25 ساعة كمان ........................................................................................ اجابة السؤال ده ادتنى تصور كويس على فكرة...شكرا لصاحب السؤال ^_^
هي فعلا امور شخصيه انت الوحيد الي تقرر تتكلم فيها انا بس مش فاهمه ليه انت كل فتره تفتح الموضوع و ترجع تقفله وتقول مينفعش اتكلم فيه :D
مبفتحش الموضوع ولا حاجة والله :D بكتب كلام على تويتر ألاقى حد يسألنى الكلام ده لمين ؟ وانت معجب بحد الفترة دى ولا ايه أرد بكل حسن نية :D واقول آه..دى طبيعة بشرية أكماعة بعد كده تتوالى الأسئلة بقى هى مين ؟ ودفعتك ولا لأ؟ وبتقعد فين ؟ ولون عنيها ؟ ومقاس الجزمة ! لا مؤاخذة :D أسئلة ماتخصش حد غيرى لأن لحد دلوقتى مفيش ارتباط واقعى وأى اجابة منى هتضر الانسانة دى مثلا لما يحصل نصيب فى حاجة رسمية كله هيظهر ع الملأ :)
على حسب هدفك ايه من الدنيا... طبعا الفسح والخروج مهمة وترويح عن النفس....عشان تقدر بعدها تكمل طريقك فى الدنيا وتوصل لهدفك بقى أيا كان فى الحالات المثالية الفسحة والخروج مش صفر طبعا دى حاجة لا غنى عنها
معندكش اسئله كتير انهارده ولا ايه ؟ انا بس الي بسال :D
تقريبا كده آه :D فى النص بلاقى خلايجة..والجديد ان فيه مصريين عايزين لايكات والشغل ده ف مبردش خالص أريح ولو لقيتنى قاعد بنشّ خالص ممكن أجاوب حاجة من الأسئلة اللى سايبها..