سيب 8-9 ايام قبل الفارما مثلا وفى ال 10 ايا الجايين حاول تخلص ال 3 مواد الباقيين على أد ما تقدر وحسب مزاجك بقى.. ع الأقل ذاكر الصعب منهم اللى مش فاكره كويس عشان قبلهم يوم ولا يومين ويادوب مراجعة قراية
ما بلاش الأسئلة دى :D عموما فى الأيام العادية 2-3 فى المتوسط...وأيام بذاكر أقل من كده أو مبذاكرش خالص ودى مش حاجة كويسة ولا مبسوط بنفسى وانا بقولها لأنى بضيع وقت فى حاجات ملهاش لازمة أيام الامتحانات بقى لو مزنوق بجد بعمل حوالى 8 ساعات...وليلة امتحان الفاينال بكسر حاجز ال 12 ساعة :D
لا عادي اصلي حلمت بيك حلم وحش :( المهم خد بالك و خلاص
بغض النظر عن الفأل ده :D العيشة فى البلد دى فى الظروف دى بتعودك على كل المواقف..بتخليك تنسى حاجة اسمها خوف ممكن الواحد يبقى فى مكان غير مناسب فى وقت غير مناسب وتنفجر بيه قنبلة...وممكن واحد بلطجى يقول عليك اخوان ويعلم عليك... من الآخر أنا مؤمن ب "قل لن يصيبنا إلا ما كتب الله لنا" ماشى ناخد بالنا من نفسنا ومن الناس اللى احنا مسئولين عنهم أو مهتمين بيهم .. ندافع عن نفسنا ونحميهم تحت اى ظرف .. بس الخوف معدش له مكان عشان تعرف تعيش الايام دى :)