انت من النوع الانطوائي ولا الاجتماعي ولا خليط؟ و بتحب تكلم عن مشاكلك الخاصة مع حد ولو اه؟يا ريت الاسم ؟
اجتماعى ان شاء الله..وبحب يكون ليا معارف كتير بس ساعات بحب اقعد مع نفسى..حتى لو اصحابى خارجين مش بتكلم عن مشاكلى الخاصة كتير..ربنا مايجبش مشاكل يعنى لو اتكلمت يبقى مع شعير او جيمى او امام :)
لو حسيت\ى ان ف حد بيحاول يقرب منك او يلفت انتباهك تعمل\ى ايه ؟ ولو كان الشخص ده ميل او فيميل......
حد يقرب منى ازاى؟ وازاى يكون ميل او فيميل..الاتنين ! وضح سوالك عشان بدات اتوغوش
صلي على النبي 10 مرات?وأرسلها لـــ 10 أشخاص?خلال ساعه ? سيكون مليون 000¸000¸1000صلاه ع النبي في ميزانك،???ملاحــــظه مهمةلا تقول مـش فاضي هذي مليون حسنهإرسلهاصدقني يمكن تكون هي الحسنات اللي راح تشفعلك عن دخول النار??لا توقف الرسالة عندك ا ツ
اللهم صل على سيدنا محمد وعلى اله وصحبه وسلم.. مش مقتنع انها بالعدد..المهم تكون انت فاهم اللى بتقوله وبتعمل بيه باتباع سنة النبى ونصرته..مش مجرد كلام وعموما اللى يشوف السوال ده عندى يصلى على سيدنا محمد عشان انا ع الموبايل دلوقتى
جميل ان اردة الشعب تنتصر ....بس ليه القنوات الدينية زى الرحمة والناس تتقفل؟؟؟
انا مع اغلاق القنوات اللى بتتكلم باسم الدين لو محرضة للجهاد والحرب على الكفرة زى ما بيعملو ! بس الاغلاق ده يكون موقت اليومين دول بس لحد ما الجو يهدى وبعدين يرجعو تانى لمهمتهم فى الدعوة الدينية ..
قليل لما كنت بتفرج على كارتون..كنت بحب الكورة من صغرى سواء فرجة او لعب فى الشارع بس عندك مثلا بكار وساعات سابق ولاحق وسلام دانك وتوم وجيرى ممكن اتفرج عليه لحد دلوقتى عادى :D
مع احترامى بس الخيميائى دى مملة جدا !
بيسترسل فى وصف كل حاجة بطريقة مملة جدااا
اصل انا مش بقرا روايات..ودى من الروايات القليلة جدا اللى قريتها.. هى شدتنى فى اولها وكانت ممتعة جدا بس الجزء الاخير سرح فيه شوية ولقينت الرياح بتتكلم ورمال الصحرا مش عارف بتعمل ايه..ده بس اللى معجبنيش
مش
dr.Islam Reda ملاحظ ان حضرتك ف صف الولاد شويتين
يمكن عشان انا ولد مثلا :D بس اللى وصفت بيه الولاد ده الوصف العام ليا او لمعظم الناس اللى بتعامل معاهم.. لو فيه بنات لها راى تانى يبقى بخصوص وصفهم هما مش عن وصف الولاد..مش كده ولا ايه؟! وزى ما قلت الوصف ده بيختلف من ولد للتانى ومن بنت للتانية واكيد هتلاقى بنات احسن من الولاد فى حاجات كتير انا مش منحاز ضد البنات خااالص دول النص الحلو اللى بيدى طعم للدنيا :D
كل واحد له طبيعة خاصة به بس ممكن اقوللك صفات عامة على شكل مقارنة بالبنات مثلا -طبعا اول حاجة جانب تغليب العقل على العاطفة- ومهما كان أى واحد عامل فيها رومانسى وشاعرى وتوتو خالص مش هيبقى زى البنات برده -تانى حاجة الكلام والرغى الكتير ده مش موجود...بنزهق بسرعة -تالت حاجة التركيز على الهدف أكبر من التدقيق فى التفاصيل -ممكن الحية اسرع بالنسبة لنا وف الانجاز -وممكن برده الاهتمام بالمظاهر أقل..المهم الجوهر -بنفوت وننفض كتير..مش بنشيل جوانا ونفضل فاكرين لبعض مواقف -وعندك شوية خشونة وجمود فى التعامل نسبيا...يعنى بالنسبة للرقة والقلب اللى المفروض موجود عند البنات :Dالكلام أكيد ناقص كتير...بس انا زهقت كفاية كده :D
بالتوفيق للكل..محدش بياخد اكتر من نصيبه :) يعنى بدات على استحياء كده .. بتاع 5 صفحات
متوقع تطلع الكام السنادي ان شاء الله وتجيب كام ف الميه ؟
هاهاها ما بلاش الكلام فى الحاجات دى الله يكرمك معرفش الناس حلت ازاى عشان اقول هرتب ولا لا بس عموما انا هجيب اقل من السنة اللى فاتت...مع انى مذاكر السنة دى احسن كتير..بس كنت محتاج شوية تركيز وتوفيق فى الامتحان!! يلا كل اللى ربنا يجيبه كويس :)
مش عارف والله بس هو كان رايح ناحية عمر شلتوت غالبا :)
هتنزل ؟
مش موافقين فى البيت للأسف....لما شافو مناظر البلطجية والناس اللى ماتو فى اليومين اللى فاتو زى ايام ثورة يناير كده...موافقوش انى انزل غير يوم المليونية لما اتطمنو ان الداخلية معادتش بتضرب المتظاهرين :(شوف المنظر حلو ازاى
تتوقع ايه هيحصل ؟
بتهيألى الناس دول مش راجعين بيوتهم غير لما الرئيس يمشى !
مزاجك وحش ليه ؟
عشان اللى بيحصل فى البلد دلوقتى... وأكتر حاجة تضايقنى ان الناس تموت بالساهل كده ناس مضحوك عليها أو مشرية بالفلوس ومفيش عندهم سبب يموتو عشانه النص شايف انه بيجاهد فى سبيل الله عشان النص التانى كفرة !! والنص التانى محشور وسطهم البلطجية اللى مشريين بالفلوس عشان يرهبو الناس ويكسرو الممتلكاتبس عموما لحد دلوقتى المظاهرات شعبية والمنظر جميل زى ثورة يناير ومش شايفين أى تشويه لها ببلطجة أو غيره يارب تفضل كده لحد ما تحقق هدفها :)