مذكرة عادل فتحي بتاع الراوند .. ذاكرو من بدري عشان الكمية كبيرة .. بس الامتحان بييجي سهل في الآخر إن شاء الله
لو الناس الى رفعت قضية خدوا حكم هلالناس الى مرفعتش هتاخد الحكم ولا لا؟
المنطق بيقول المفروض الكلية لو هتدي يبقى للكل عشان مبدأ تساوي الفرص .. لكن القانون بيقول التظلمات والقضايا فردية .. أنا شخصيا مقتنع أن هيحصل لخبطة وعك كتير .. بس في الآخر الكل هيبقى زي بعضه والله أعلم
كدكتورة الارتباط من دكتور أفضل ولا عادي ؟ حلم أن حد يذاكر لي ويتكلم باستمرار معايا وهتبقي فاهمين بعض و دا كله صح ولا هيبقى كئيب و ملل و مش هيبقى حلو ؟
كئيب وملل ومش هيبقى حلو :D الشخصيات بتختلف يعني الكلية مش مصنع فراخ بيطلع الناس كلها مودلز شبه بعض .. ممكن تلاقي اللي يذاكرلك ويفهمك ويتكلم معاكي ويدلعك .. وممكن تلاقي الكئيب اللي عايش في استريس وقرفان من شغله طول الوقت وجاي يطلعه عليكي :D
اسلام هو ايه العلاقة بين serum urea and serum creatinine
يعني لو serum urea عالية بس creatinine طبيعي يبقى ايه السبب مثلا ؟
Urea is a product of Protein breakdown by the liver, then it is washed out by the kidneys .. so it might increase with normal kidney function in cases of increased protein breakdown, or the kidney is not affected yet. Here are some causes of elevated serum urea with normal serum creatinine : dehydration/prerenal failure corticosteroids - tetracycline GI haemorrhage protein-rich diet severe catabolic state (post - operative)
معلش احتمال نبدأ امتياز علي امتي ؟
المفروض حد يسأل في شئون الأطباء في مستشفى الجامعة
قرارك النهائي أى فى موضوع القضية ؟
هتقدم التوكيل ولا لا ؟
مخدتش قرار نهائي .. ليس الآن
😂😂 بالتوفيق فيها لما تيجي بقي ✌😂
ربنا يوفق الجميع :D
ما هو السؤال على الخطط ؟ :D :D
ماهو لسة الاختيارات كتير هلخبطكو معايا ليه 😂 لما أوصل لقرارات هقولكم حاضر
ايه اكتر حاجه نفسك تحققها الفتره الجايه ؟
أوصل لخطط وقرارات كويسة لمستقبلي
ما هو 6 مجموعات هيلفو علي نفس الاقسام باختلاف ترتيب بس ولا ايه ؟ مجرد انه مش ابجدي بس
أيوة
ايه علاقة التراكمي بالامتياز ..الترتيب هيفرق انت هتتوزع فين ؟
آه التوزيع بيعتمد على الترتيب التراكمي بنتقسم 6 مجموعات غالبا .. بياخدو الأول على الدفعة على راس مجموعة واحد .. والتاني على راس مجموعة 2 لحد ما تخلص أول ستة .. بعدين تتكرر تاني .. السابع يبقى في مجموعة 1 .. وهكذا
يعني هنعرف التوزيعة و خلاص من غير تراكمي حاليا و لا ايه؟
احتمال تبقى كده
بس انت وجهة نظرك ايه 😃
رأيي تشتغل في اللي ترتاحله فعلا .. رضاها عن شغلها هينعكس بشكل كويس على باقي حياتها وحياة اللي حواليها .. ممكن أعلق بس أن كل ما تكون الشغلانة أريح والاستريس فيها أقل وعدد ساعات الشغل أخف كل ما يكون أحسن لها أولا وللي حواليها
حولي شوية الضغط اللي حاسة بيهم دول لوسيلة بناءة .. مش سبب إحباط وهدم دلوقتي أدامك خيارين ملهمش تالت .. ببساطة يا تشدي حيلك وتزودي معدل المذاكرة يا تسيبيها ومتذاكريش وأكيد أي حد عاقل هيختار الاختيار الأول :D ذاكري اللي بيتاخد جديد أول بأول .. وتعالي على نفسك ساعة زيادة بس كل يوم تقري فيها حاجة من اللي واقعة منك .. ساعة زيادة بس يوميا هتعوضي بيها اللي فات وتخشي فترة الامتحانات واثقة من نفسك إن شاء الله .. بالتوفيق يارب
دا بجد ؟؟ ممكن يتغير بعد التظلمات؟
أنا عرفت أنه راح للمستشفى عشان نتوزع في الامتياز بس مش هيتعلق غير بعد نتايج التظلمات .. وأكيد لو حد جاله درجات هيتعدل ترتيبه