Ask @JeatAbu:

Previous

〈 قَائِمتي ; تَحدثوا عَنكُم ✼ '

القحطاني
- اسمي بيان
- فلسطين .. غزة
- 19 سنة .. الجامعة الاسلامية .. كلية العلوم الصحية
- الي صديقات وبنات خالة وعم بيجننو وعلاقتنا سوا حلوة الله ما يغيرها ~_~
- بحب الناس المتواضعين والي بيحبو الخير ونقطة ضعفي الاطفال وكبار السن ونقطة ضعفي الاكبر الاقليات بكل مكان .. زي اطفال الشوارع مثلا
- غالبا انا مرحة وضحوكة بس ابصر مالي قالبة نفسية الي فترة هههه
يمكن من بعد الحرب حسيت انو في شغلات كتير غلط بالبلد لازم تتصلح -.-
- وبس ما بعرف احكي انا ههههه
والسلام عليكم ورحمة الله وبركاته =p

View more

سيد الاستغفار : اللهّم انتَ ربيّ لااِ إلہ إلا انتَ خَلقتنيُ وااِناَ عبدُك وااناِ علىُ عہدِك ووعدِك مااِ استطعتُ آعوذُ بِك مِن شَر مااِ صنعتَ ابوءُ لَك بِنعمَتِك عليّ وأبوءُ بذنبيّ فااغِفر ليّ فاانِهہ لااَ يغفرُ الذُنوبَ

استغر الله العظيم واتوب اليه

View more

عكازة الصبر لمن تهديها !

ما خطر ببالي غير هاي الشغلات اول ما شفت السؤال ..
يمكن عشان الواقع الاخير الي عشناه بالحرب
عكازة الصبر هاي بهديها ..
لام الي ترملت وضلت بالدنيا وحيدة ما ضل الها غير قبر احبابها وبعض الصور المحروقة من فتات البيت ..
لاب استشهد بلحظة ما كان يدفن ابنو بالمقبرة .. ابنو وابوه واختو !
لصبية ما ضل من خطيبها غير دبلة وعليها اسمها .. دورت عليه لما كان بيرابط ع الحدود وما عرفت مات او عاش وما لقت غير هالخاتم الدهبي البسيط وتمرة اكل نصها وساب نصها هدية لالها !
لبنت بمستشفى بتستنا ترجع عشان تشتري اواعي مدرسة .. طبعا هيي ما بتعرف انو المدرسة انقصفت وانو الي رح تشتريلها الاواعي استشهدت والي رح تتخانق معاها ع لون الشنتة تحت الانقاض لهلا !
لراجل استنا طول عمره يبني بيت اسبست` ونام اول يومين فيه وانقصف وما ضل من البيت غير اوراق قرض البنك الي عليه !
لمرة قاعدة بمدرسة الوكالة بتلعب بشعر ابنها وبتفكر ع اي شارع او زاوية تروحلها عشان تحمي محمد او خالد او منى من قطط الشوارع وكلاب البشر ..
لشب رجع وسلاحو ع كتفو يلاقي بيتو تدمر وامو انشلت وابوه مفقود واختو جوزها استشهد وهيي فقدت الذاكرة وقعدت !
لمسعف لقا اخوه دمو ع الارض ولدكتور حط بنتو بايدو بالتلاجة ولصحفي صور لحظة موتو ولام طفل مات الشيكل بايدو ولبيت اندس تحت الارض من قوة الصاروخ .. لعجوز شاف الموت بعينو بس لعنة الزمن ما موتتو .. لكاميرا اجت تصرخ من المشهد ولطيارة نطقت من كتر ما رمت صواريخ ولارض قاومت حتى سبع طبقات ولكتير شغلات وكتير وكتير وكتير .. الصبر لالي ولاهلي وجيراني واصحابي ولارضنا وشجرنا وجمادنا وبيوتنا ودم اولادنا
حتى عكازة الصبر ما تحملت ووقعت بس ضل الصبر واقف
صبر ايوب الي ما بموت
#

View more

جميل ان ترى

m.ahmed
هدوول الناس
بحس فيهم الجمال الحقيقي
شوف هالعيون شو حلوة
بدون ماسكارا ولا بودرة ولا حتى بياض رباني
الحلا هو لمعة العيون الي بتنقط براءة
هاد بالنسبة الي احلى شي بالدنيا
بيكفي ابتسامتو بتشيل هموم بلاد
باختصار
الاطفال جنة الله بالارض =$

View more

Next