يعني على حسب الاشخاص في ناس ما اقدر اكون معهم اجتماعيه لازم احط حدود واجد ورسميات فأطلع بشخصيه المنطويه وعلى حسب المزاج احياناً حتى مع الناس الاجتماعيه اكون مالي مزاج فانطوي على نفسي اتمنى وضحت لك😅💔
الفترة هذي استنزفت طاقتي بشكل ,انا فعلا احس ودي استسلم مافيني حيل تعبت والله 💔
هل لديك فوبيا غريبة اتّجاه شيء ما؟
انا اخاف من اعماق البحار اوكي شي طبيعي واخاف اشوف فديوهات وصور له بس الشي الغريب اني اخاف ادخل يدي بسطل ماي وانا ما اقدر اشوف الماي يعني يكون الماي ملون او ادخل يدي بالمغسله حق المواعين وهي فيها ماي بس مو صافي او اذا جيت اشيل الملابس من الغساله وبحطها بالنشافه وفيها ماي او المسبح اخاف احط فيه صابون وادخل لازم يكون صافي يعني اقدر اشوف اللي داخله اذا كان الماي غامق اخاف ادخل يدي فيه يجيني احساس ان في شي راح ياكل يدي والفكره هذي مرعبه بالنسبه لي والله احياناً لما اجي اتخيل تجيني قشعريرة الحين وانا اكتب جاني الاحساس لكذا اتوقع وماني متاكده من خوفي هذا هل انه ينتمي للفوبيا ولا لا 😁✨💔
من علامات الوقوع في الحب إنك ماتدري وش تقول أو وش تسوي مع هالادمي تعطيه أغنية ولا تسولف عادي ولا تكب عفشك وتقول أحبك ولا تصكه بلوك وتفتك من هالربكة كلها😂💔