@LaithAltamimi

لـيْـث التّمـيمـي

Ask @LaithAltamimi

Sort by:

LatestTop

مرحبا ليث كيف حالك شو وضع الاقامه معك وين اراضيك

أهلًا، بخير الحمد لله، كيفك أنتِ؟
أنا حاليًّا بعمل clinical attachment ثلاث أشهر بقسم العيون بعيادات بسمة، وشغال على أكثر من جبهة. بدرس ألماني (Level B2) وبدرس عيون وبراجع طب وباخذ دورات، والله أعلم وين تصفّي معي الفترة القادمة.
ما علينا، الله كريم..

+ 8 💬 messages

read all

Related users

A song that reminds you of something special for you?🎵

Sorry for correcting, it's "special to* you?"
I'll give you a song, but which language do you prefer?
Liked by: Rama ibrahem

سؤال للنقاش ليش جماعة الطب دايما بضلوا يتشكونوا على تويتر

ما بلاقوا حد يشكوا له، فبصيروا يفرغوا مشاعرهم virtually على الملأ.
Which is wrong BTW..

إذا حدا فهمك غلط ...شو بتعمل ؟؟😅😅

بفهمه غلطه، أو بتركه على فهمه إذا كان هو أو الموضوع مش مستاهل.

دكتور ليش ما بتتصور صور جديدة؟

بطلت أهتم للـsocial media كلها، بدخل كل كم يوم أشوف كم خبر وبطلع، تغيير الصورة ما بفرق.

يعني الشب ببساطة بيقدر يتأكد بإنو يقلّها ويسألها بلا ما يتعب راسه بألف سؤال واحتمال أما البنت غير .. ، استشرتك لإني متابعة قديمة صراحة وما شاء الله بْحِسَّك فهمان ، فلو سمحت عادي تساعدني ضروري

أنا جاوبت كل شي تقريبًا بالسؤال السابق، ما ظل إشي أكتبه هون غير أهلًا وسهلًا نوّرتِ، وكلّك ذوق يسعدك. 😁

حكيم إيمتى الإنسان(ذكر/أنثى) بيَعرِف إنو وقع في فخّ الحب؟وكيف البنت فيها تَعرِف لو الشب بيبادلها نفس المشاعر؟لازم دائما لحتى تتأكد إنو بيحسلها نفس الشي وما تضل عايشة ب وهم خلقته براسها يكون في اعتراف مباشر منه بغض النظر عن ظروف كل منهما،*لإنو ممكن يكون في تلميحات بس مو متأكدة إزا عنها*؟ رح كفّي..

مع أني بكره أحكي بهيك مواضيع..
خلينا نتفق أن ما في إشي اسمه حب قبل الزواج، واللي بحكي غير هيك بخبّص ومش فاهم. قبل الزواج بكون إعجاب (إما بالمظهر، أو الشخصية، أو النجاح، أو الفِكر، أو المادة)، وقد يكون هذا الإعجاب شديد لدرجة القناعة بأنه الشخص المناسب أو متفاوت بما قد يؤدي إلى استبداله بشخص آخر أنسب. أما عن الحب، فهو ما يَثبُت بعد أن يطَّلِع كل من الزّوجين على عيوب الآخَر ويَسعى لإصلاحها أو يرضى بها إذا كان إصلاحها غير ممكن، وهون ببين الاحترام والعطف والصبر وحفظ الودّ والعشرة، يعني حب المراهقة هذا مسخرة، سلعة للأغاني والأفلام والمسلسلات، وهو غير موجود في الحياة الواقعية، مجرد وهم في مخيلة غير الناضجين من الشباب والشابّات.
أمّا عن كيف تعرف البنت (بالإعجاب، وليس الحب، كما اتفقنا)، فهاي بتعتمد على استغلال المواقف، لأني حكيت حتى الإعجاب بكون متفاوت ومش بنفس الشدة بجميع الحالات، يعني ممكن تكون معجبة فيه أكثر من إعجابه فيها، لذلك هو غير مهتم بالمبادرة، وقد يكون العكس صحيح، فإذا صار أي موقف يجمعهم ويكون فيه مجال لتبادل الأفكار والحديث بصورة عامة (بعيدًا عن التفاهة والسّطحيّة والصّهونة وقلّة الحيا)، يمكن التأكد من خلاله من وجود إعجاب أو عدمه، وممكن يزيد هذا الإعجاب أو ينقص بعد هذا الموقف. عدا عن ذلك، مش رح تعرف..

View more

+ 32 💬 messages

read all

بعداً عن المزح، عن الضحك وعن التخويث جد ضايقه فيني الدنيا، وع فكره قريب من ربنا وبقرأ قرآن، لكن ولا عارف شو اعمل ولا ليش بصير معي هيك، انه يعني ليش انا شو عملت لحتى يصير معي كل هذا، واصله معي درجات متقدمه جداً من الاكتئاب وانا بحكي عن ٨ سنين، اللهم الخلاص وللابد 💔

أخوي راجع عيادة طب نفسي، مش عيب، بتتعالج بالأدوية، العبادات بتساعد بس ما بتعالج، لازم تتعالج دوائيًّا. أنا طبيب مش مرّاق طريق، يعني عارف شو بحكي لك. بلّش علاج وبإذن الله بتتعافى وبترجع أحسن من أول.

+ 2 💬 messages

read all

ليث قرأت مرة بالآسك تبعك إنك ناوي تكمل اختصاص ب ألمانيا،لساتك مصرّ وما في مجال تغير رأيك وتختص هون؟ ومتى السفر؟ بتنصح أي طالب *طب* تحديدًا حابب فكرة الاختصاص ب بلد معين يبلش يتعلم لغة البلد قبل التخرج؟ لأنه عجقة الدراسة مش مخلية وقت،من متى بلشت تتعلم؟وكيف كنت توفّق؟ مليون سؤال الله يعينك😂

أهلًا، صحيح، بختص هون بس إذا ربنا شاء تصير حرب عالمية ثالثة أو تسكّر أوروپا لأي سببٍ كان، وصعب جدًّا أغيّر رأيي خصوصًا بعد اللي شفته بسنة الامتياز، لأني كل يوم قاعد أتعرض لمواقف بتزيد كرهي للبلد هاي ومعظم الناس اللي فيها وبتزيد قناعتي أني صعب أكمل معهم، وصدقًا ما حدا مقدر ولا حدا مستاهل.
تاريخ السفر لسه مش واضح، بس الواضح أني شاد حيلي بالموضوع وبإذن الله مش رح أتراجع عنه.
طبعًا بنصح، أنا أصلًا ندمان أني ما بدأت باللغة من أيّام الكلّيّة، كان هسه عندي طلاقة فيها، لأن فهم اللغة لحاله لا يكفي، لازم تقرأ وتسمع وتمارس يوميًّا لأشهر وممكن سنين بدون انقطاع عشان تتمكّن منها. يعني للأمانة لو على الأقل بدأت بسنة سادسة، كان أنا الآن بس بعزز مهاراتي وبزيد عليها بدل ما ضيعت سنة الامتياز وأنا أبني من الصفر، وكان على الأقل راجعت شوية طب مع اللغة بدل ما قضيت السنة كلها ألماني والطب مسكّر.
ولكن تعقيب أخير، على الرغم من أني بدأت من الصفر وما كان الموضوع سهل، إلا أنها كانت رحلة ممتعة بحكم أني بحب التعرّف على اللّغات وتعلّمها.
وسلامتك..

View more

هل يوجد حلٌ دائم أو علاج لحرقة المعدة؟

طبعًا في فرق بين حرقة المعدة وحرقة المريء (الارتداد المَعِدي المريئي)، هذا الحل في حال كان اللي عندك اتجاع مريئي:
- خذي حبّة Lansoprazole يوميًّا مع أكبر وجبة باليوم.
- تجنبي المقالي والنشويّات (خصوصًا البطاطا المقلية، هاي كارثة).
- خفّفي كمية الوجبات ووزعيهم على اليوم بشكل معتدل.
- وقفي شرب القهوة بعد الـ12 الظهر وبعد الوجبات (خصوصًا الغداء)، وقللي كمية القهوة عمومًا.
- تجنّبي تناول الحمضيّات.
- اشربي حليب بارد مع الأكل بدل العصير (إذا كان بناسبك).
- نامي على مخدة مائلة (أو مخدتين) بحيث يكون راسك وأكتافك مرتفعين بزاوية °45.
- إذا كنتِ من المدخنين (بمختلف أنواع التدخين)، وقفي تدخين.
أمّا إذا كان اللي عندك حرقة بالمعدة، فبالإضافة لجميع ما سبق:
- خذي Clarithromycin 500mg مرتين باليوم (كل 12 ساعة) يوميًّا لمدة أسبوعين، مع الالتزام بالـLansoprazole كما سبق.
وسلامتك..

Next

Language: English