فوضىٰ أفكَار؛

نجمةٌ منفردة
💙
كنتي تتصلي فيني بنص الليل وتلاقي رقمي مشغول تسأليني مع مين وجاوبك مع رفيقي بدو ياني بموضوع مهم. بس بتعرفي للصراحه؟ كنت احكي مع بنت غيرك لانو الحكي معك بطل يحمّس
كنتي تعاتبيني ليش ما بسأل عنك كل اليوم وكنت جاوبك اني بالشغل وما بقدر رد وبروح تعبان وبنام بس للصراحه كنت انسى انك موجوده بحياتي
كنتي تحكيلي عن وجعك وكنت اسمعك بس ما كنت خفف عنك بحجة اني لازم سكر ما معي شحن بس للصراحة ما كان يهمني وضعك وكنتي توجعيلي راسي بحكيك.
كنت اوعدك كتير اني رح اتصلك بس كون فاضي وتمرق ايام وما اتصل وبس تزهقي وانتي تستنيني تسأليني ليش ما اتصلت واحكيلك صار معي شي وما قدرت احكي معك . بس للصراحه كنت فاضي وما عندي شي بس ما اتصلت اطمن عليكي لانك اساساً ما بتهميني.
لما كنتي تقوليلي "بحبك" كنت اعمل حالي مش سامع او انقطع الخط او افصل بوجهك وارجع بعد شي كم يوم واقعد سب قدامك ع'شركة الأتصالات بس للصراحه انا ما بحبك وما بدي قلك ياها.
كنتي تسهري ليالي وانتي تفكري فيي وانا كنت مشغول مع غيرك ومش متذكرك اساساً.
كنتي تحكيلي قديش حكيي الناشف بعذبك وبتعب قلبك وترجعي تحكيلي انو كل تصرفاتي رح تتحمليها لأنك بتحبيني عنجد واعمل حالي متأثر ومتندم لاني بعاملك هيك واطلعلك بحجج شغل وتعب ومن هالحكي بس برجع بعاملك بنشافة لانو حتى اسمك ما بطيق اسمعو كيف حكيك؟
كنت غيب كتير واتركك كتير وتمرق شهور وما احكي وما اتصل فيكي وبس ترجعي قلك اني اشتقتلك وتسأليني مازالني مشتاق ليش ما بتحكيني واجاوبك "انا لو بموت من حبي الك مش رح ارجع" واقعد أخَبّرِك انو كبريائي عالي كتير وانك جرحتيني، بس بتعرفي ما بقدر سكّتك غير بهالحكي.
كنتي تحكيلي انك رح توقفي معي بظروفي الصعبه وانو ما بهون عليكي زعلي بس كنت قلك اني منيح وكل ظروفي بخير لاني مو ناقصك حبيبتي حلي عني
.... كنت حاول قد ما بقدر خليكي تكرهيني بس كنتي تحبيني كل يوم اكتر واكتر كنت عاملك معامله بشعه كتير ما حد بتحملها بس كنتي تسامحيني وتحبيني اي اي
كنتي تحبيني. كنتي تعشقيني.
اخر مره قلتلك اني بكرهك بس بدك للصراحه انا ما بكرهك انتي انا بكره حُبك الي بكره الكم الهائل من الحب والعشق يلي بتحملي تجاهي لاني كل عمري تعودت البنات يخونوني او يحسسوني انن فترة مؤقتة وبتخلص وما كنت أحس انو فيي شي بينحب غير شكل او لشي مبتغى تاني. كنت خاف كتير من حُبك الي لاني ما تعودت بحياتي حدا يحبني هالقد كنت خاف من حُبك الكبير لاني كنت أحس حالي صغير قدامو
حكيتلك ما ترجعي تتصلي وتزعجيني وكانت مو فارقه معي حكيت هيك لاني بعرف انك ما رح تتحملي تبعدي ورح ترجعي بعد اسبوع وتحاكيني بس ما رجعتي.
صرت امرق عنك مشان أشوفك بلكي تحاكيني مثل كل مره بس هالمره ما عبّرتيني.
كنت مفكر انو غيابك سهل وانو رح ارتاح لما تتركيني وتحلي عني. كنت مفكر انو راسي رح يرتاح من حكيك ومن صوتك
بس بدك للصراحه؟ استفقدتلك كثير. وحسيت بنقص كبير.
ما توقعت انك ما رح ترجعي
ما رح ترجعي
حُبك الكبير تركني من بعدك صغير صغير كتير.
بس ما رح ارجع معكك
بتعرفي كبريائي كتير عالي وما بسمح لحالي بين ضعيف قدامك بس رح ابعتلك رساله بدون اسم واكتبلك فيها...
"ااسف لاني وعدتك وعد وما كنت قدو .. ااسف لاني تصرفت بنشافه معك .. ااسف لاني كنت اهبل وغبي لاني معرفت قيمتك ...
انتي انسانه رائعه بالفعل ما تخسري حاالك كرمال ناس ما بتسوى رح ضل ممنون على وقفتك حدي" 💙
عن الندم يلي حسيتو بعد ما خسرتا💙
وعن الحب والطيبة يلي هي فيها 💙
#وآقع