Ask @LoloBatoot:

كلام منطقي بصراحة وعالى اوى 👏👏 بس بصراحه هو ولا مجرد مراهقة ولا اعجاب، مكدبش عليكى انه فيه شوية حنين بس الغرض الرئيسي *الانتقام* للبلوك اللى اتولفته . شوفتى اغنية عاد لينتقم في فيلم خليك في حالك بتاع احمد عيد . هو ده نفس حالى بالظبط بصراحة 😅😂😔

انتقام XD. افتكرتك عايز تثبتلها انك مكنتش بتهزر وخايف على شكلك قدامها وكده 😂😂😂💔
ماعلينا ربنا يعملكم الى فيه الخير 😂🌸

View more

+2 answers in: “فيه بنت كنت بحبها في اعدادى من بلدى، دخلت وكتبتلها عالفيس انا بحبك بعديها بيوم واحد لقيتها عملت بلوك، وبعديها دارت الايام وبعد 5 سنين رقمها وقع في ايدى. انا نفسي اكلمها بس مش عارف ابدآ كلامى ازاى ولا اقولها ايه ياريت حد يساعدني والنبي اى بنت هتبقي فاهمة في المواضيع دى وحياة حبيبك النبي تساعدني !🖤”

انت فاهمة غلط خالص 😅 5 سنين كانت 12 سنة ودلوقتى 17 احنا قد بعض،

انا محسبتش سن الحقيقة، بس فهمتك XD.
بس الموضوع فى المبدأ نفسه، ايه اتغير فيك من خمس سنين لدلوقتى يخليك تكلمها تانى؟ اصل لو كلامك معاها عموما بغرض خطوة لقدام انا هفهم ده، بس لو لحاجة تانية زى انك بس عايز تكلمها وخلاص يبقى انت محسبتش الموضوع بعقلك يا صديقى.
راعى كمان -مع احترامى طبعا لك- ان 17 سنة يعنى انت لسه صغير، ومشاعرك مش مستقرة، مش ممكن الموضوع كله مجرد مراهقة او حتى اعجاب او حنين؟
لو كنت صديقها مثلا كان هيبقى الموضوع الطف، انما انت بتتعرف عليها.
مش عارفة الصراحة مفروض تتصرف ازاى، بس بلاش تكلمها تانى، حتى عشان متأخدش عنك فكرة مش حلوة وكده كده حرام.
بس لو مازلت مصر بجد فكر عموما فى موضوع انك تكلم حد من اهلها او اهلك لانه مش بالسوء ده فى سنك :".

View more

+2 answers in: “فيه بنت كنت بحبها في اعدادى من بلدى، دخلت وكتبتلها عالفيس انا بحبك بعديها بيوم واحد لقيتها عملت بلوك، وبعديها دارت الايام وبعد 5 سنين رقمها وقع في ايدى. انا نفسي اكلمها بس مش عارف ابدآ كلامى ازاى ولا اقولها ايه ياريت حد يساعدني والنبي اى بنت هتبقي فاهمة في المواضيع دى وحياة حبيبك النبي تساعدني !🖤”

انا مش عارفه اعمل اي اكمل ولا ابعد انا كل يوم بتعب اكتر طاقتي بتخلص انا مش عارفه عايزه ايه محتاجه حد يقولي اعمل ايه فعلا

كل واحد هو احسن حد فعلا يقدر يساعد نفسه، لانك الادرى بقدراتك وحياتك والى حواليكى واحاسيسك حتى الى مش بتتكلمى عنها..
بس الاول لازم تهدى وتفضى دماغك شوية عشان تأخدى قرار صح، مثلا حددى مدة اعزلى نفسك عن الكل على قد ما تقدرى ومتفكريش فيها وخرجى نفسك من الجو المشتت خاالص.. ولما تحسى انك فكيتى شوية اقعدى مع نفسك وحددى، مالك؟
ايه الشىء الى عايزة ومش قادرة تكملى فيه "بالضبط"؟ ليه عايزة تكملى؟ ايه يمنعك تكملى؟ ليه متقدريش؟ مين واقف معاكى؟ وهكذا، وابدأى جمعى اجابتك وموقفك الى انت فيه وبعقلك فكرى.
احيانا المشاعر بتبقى خادعة، لانها حاجات احنا عايزينها وبس اكثر من قرارات نتمنى نكمل فيها ونستحملها، فحاولى تختارى الى يسببك شوية رضا وتوازن، على الاقل دلوقتى.
بجد التوهان والفتور بجد احساسين صعبين جدا ومؤلمين جدا، ربنا يكون فى عونك.

View more

فيه بنت كنت بحبها في اعدادى من بلدى، دخلت وكتبتلها عالفيس انا بحبك بعديها بيوم واحد لقيتها عملت بلوك، وبعديها دارت الايام وبعد 5 سنين رقمها وقع في ايدى. انا نفسي اكلمها بس مش عارف ابدآ كلامى ازاى ولا اقولها ايه ياريت حد يساعدني والنبي اى بنت هتبقي فاهمة في المواضيع دى وحياة حبيبك النبي تساعدني !🖤

هو غالبا هى اعتبرتك حد بيعاكسها او بيتسلى مثلا بسبب الموقف الى حصل زمان، او هى حد جد مش بتحب الارتباط والكلام المش رسمى ده.
من رأيى انا بلاش تكلمها تانى بنفس الطريقة. لو شايف انك لسه بعد 5 سنين عايز تتكلم معاها وكده اتقدم لها او كلم حد من قرايبها. وقتها حتى هى هتتكلم براحتها معاك وانت مش هتبقى غلطان وهتبقى عملت الى عليك.

View more

+2 answers Read more

هو الحل العشوائي الي بيحدد مصيركم في الاخر؟

لما يجيلك الامتحان اغلبه من برا المنهج "يعنى مش بس صعب بس انت الى مذاكرتش" كلنا للاسف بنضطر نحل عشوائى والى يحصل يحصل.
بس عشان ابقى امينة، فى جزء كبير من درجاتنا - غير العام - على اعمال ومشاريع مواد وكابستون وجورنال وعملى وشغل مع المدرسين وحضور، فمش لدرجة فكرة ان الرندمة بس الى بتحدد واحنا منستحقش، بس طبعا احنا الدرجات بتفرق معانا برضو وده مش عدل.

View more

How do you personally define success? What does a successful person look like to you

▲HMED
I can't define success in words, but maybe it's about someone who is satisfaied and comforatble, He mustn't be the best, it's enough to have his way of thinking, spread his thought, effect on people, got infected and accept the change freely, someone who is himself but who knows that whatever he've done is not the end, so he isn't scared to evolve, I think 💞.

View more

اخويا داخل الثانوية تاني مرة ومش مهتم ومش عايز يحجز دروس ويذاكر خوفته كتير يسقط و حياته تقف والناس تاكل وشنا لكن مش خايف وعامل مكتئب

" الأمل هو الشىء الوحيد الذي يعتبر أقوى من الخوف، قليل من الأمل يتم بثه فى قلوب الناس ليتعلقوا به أقوى بكثير من أن يتم تخويفهم، هكذا يمكن أن تحتويهم".
- مباريات الجوع.
انت بتختار طريقة غلط تماما تدفعه يتحرك، لانك لما تضغط عليه وتحسسه ان ده نهاية العالم وكل فخر العائلة عليه وتحط الاحتمالات السلبية اكثر قدامه متتوقعش حتى لو دخل الامتحانات انه يدخل بنفسية تخليه يحل، لكن توقع ينتحر او يهرب او ميذاكرش خالص.
حاول تشجعه انه هينجح وتحببه فى النتيجة، قرب منه وافهمه اكثر وشيل خوفه من نظرة الناس، وفهمه انه عندك اهم من الناس مهما قالوا.
كده كده الثانوية مش نهاية العالم، وهو لو اتشجع وبذل جهده هيجيب درجات كويسة لان السنة مش بالصعوبة الى مصورها ده. تفهم انه ممكن يكون فعلا مكتئب، ومحتاجك بس تقرب منه.

View more

رغبة:

لذّة
" يارب غيّر أقدارى إلى ما أتمنى، واجعلها للأفضل، وخذ معك ذنبى، همى، تعبى، وأرنى الجمال في ما تبقى لى من عمري، اللهُم حين تواجهنا الحياة بما لا نحب، حبّب إلينا ما اخترت لنا وعلمنا الرضى، اللهمّ لا هزيمة في منتصف الأشياء، اللهمّ بلغنا تمامها أو انزعها من قلوبنا."

View more

do you believe in apologies ? or do you think they are meaningless words

▲HMED
مش عارفة؛ مش مهم. انا اه يهمنى ان الاعتذار زيه زى اى مشاعر تانية يبقى صادق ورغبة تغيير حقيقية، على الاقل عشان ماستخفش بمشاعرى انا السلبية. بس اعتقد عموما ان الاعتذار بيتوجب وجود خطأ، او على تقدير اخر غضب او حزن من الخطأ، لكن الخطأ مش بيجى دائما من فراغ، ومعرفتك لاسباب الى قدامك انه يبقى كده او حتى معرفتك بانها موجودة بشكل او باخر فيقدم على الخطأ بيشيل من عليه فكرة الخطأ الكامل و بيحطها قدامك انك مش بتحكم عليه بل على كل شىء ساهم فى تكوين خطأه فاخطأ، كمثال: الغش وترهيب الاهل المرضى، الكذب و الرغبة فى عدم الخسارة، وما الى ذلك من الامثلة. وانا مقدرش احكم كده على التصرفات، حتى لو مكانش فى اعتذار خالص..
كلنا لنا قرارات بنأخدها بمزاجنا واحنا احرار امتى نقف؛ بس ف الاول والاخر احنا مش احرار نختار احنا مين او ليه او ازاى فنختار قراراتنا. فحتى لو لكل حالة استثناء و ختى لو اتأذيت جامد لدرجة انى مش هتعامل معاك اختصارا لده كله هسامح، كلنا بطريقة او اخرى فينا جزء كويس، جزء ميستحقش يتكره.

View more

ليه الناس الجمال دايما مغرورين وشايفين نفسهم وشخصيتهم وحشه علي عكس الناس الاقل جمال ؟؟

مش دائما، الناس بتختلف تصرفاتهم حتى فى الموقف الواحد والظروف الواحدة.
بس يمكن موضوع الغرور كده غالبا بسبب تصرفات الناس، لانهم لما بيحسسوا الشخص انه اعلى من غيره او انه مختلف او مميز لازم قيمته الذاتية تختلف عند نفسه عن واحد بيحسسوه انه وحش او ممكن يتريق حد على شكله مثلا يمين وشمال..
اما موضوع الشخصية، فده لان اغلب الى بيهتم بالظاهر بيتخدع بيه؛ والى مبيبقاش عنده الشكل تلقائيا بيشتغل على جوانب تانية.
ومع ذلك عموما بتلاقى من دول متواضعين جدا و تلاقى من دول مغرورين بلا سبب، وتلاقى ناس جميلة مبهدلة وناس مش جميلة متكلفة، فعادى يعنى.

View more

Next