لو شايفه ان ف حد من صحابك بيعمل حاجه مش صح ونصحته مسمعش منك هتتصرف/ى ازاى ؟
اكيد هنصحه تانى و تالت لحد ما يرجع عن الى بيعمله ,, هى ممكن تكون رخامه و هو هيتضايق منى بس اكيد هيعرف بعدين ان انا كنت عايزه مصلحته ,, و غير كدا دى حاجه ربنا هيحاسبنى عليها ف " الساكت عن الحق شيطان اخرس " يعنى هحاول بقدر الامكان انى امنعه عن الغلط دا بأسالييب مختلقه المهم هنصحه و مش هسكت .
ممكن يوم تعفو لحبيب خانك ام تفارقه وتعيش مرارة الفراق
بالنسبه لى ,, انا بقدم لاى انسان فى حياتى سواء حبيب او صديق او اى حد عموما يعنى الف عذر و اسامح الف مره بس علشان انا لما بخرج حد من حياتى للاسف مستحيل ادخله حياتى تانى او يلاقى منى نفس المعامله الى كان بيتعامل بيها قبل كدا و مش بزعل عليه ابدا بالعكس بفرح لان خرجت من حياتى حد مش يستاهل ان يكون فيها .
لو ظهر ليكي شخص وحبتيه واكتشفتي انه انسان فيه صفات وحشه . يا ترى هتبعدي عنه ولا هتحولي تصلحي من صفاته
ع حسب ,, بس عموما الانسان الى بيعد عن اى حاجه فى حياته لانها حاجه وحشه و مش بيحاول يخلى الحاجه دى تبقى حلوه ,, بيكون انسان فى اغلب حياته فاشل ,, لان النجاح الحقيقى هو انك تثبتى نفسك وتحققى ذاتك فى الحياه سواء بقا مع حاجه حلو او وحشه ,, و الانسان الى بيتعب علشان حاجه بيحس بقيمتها بعد كدا و مش بيضيعها ابدا بالعكس بتكون الحاجه دى هى احلى حاجه فى حياته . باختصار " الانسان الناجح هو الى مش يعرف معنى كلمه مستحيل او فشل " حتى فى الحب .